1 Tehalonia Fakatomuaga
Fakatomuaga
Ko Tehalonika, ko te laumua ia o te itūmālō o Loma nae takua ko Maketonia. Na fakatū e Paulo he Ekalehia i kinā i te fano kehega mai Filipi. Kae e hēki mataloa kae kua kāmata teteke ki ei nā tino Iutaia. Ko te ala o te lātou teteke ona e lotokino ki te tūlaga lelei ma te manuia o te tālakiga e Paulo o te fekau faka-Kelihiano, ki nā tino nukukehe iē nae fiafia ki nā talitonuga faka-Iutaia. Na iku lava oi tukua e Paulo ia Tehalonika ma fano ki Peloia. Mulimuli ake, i na kua taunuku atu ia ki Kolinito, na ia maua ai he līpoti mai tona hoa ma te uho a kaukauna ko Timoteo, e uiga ki te tūlaga e i ei te Ekalehia i Tehalonika.
Ko te Tuhi muamua a Paulo ki nā tino i Tehalonika, na tuhi ke fakalototele ma toe fakamākeke atu ki te kau Kelihiano i kinā. Kua kavatu tana fakafetai ki a te ki lātou ona ko nā tala e uiga ki to lātou fakatuatua, ma to lātou alolofa; kua fakamanatu e ia ki a te ki lātou te ōlaga nae ola ai ia ka koi māfuta fakatahi ai ia ma ki lātou, ma tali atu ai foki ki ni fehili na hula i te Ekalehia e uiga ki te toe haele mai o Keliho: Pe mafai he tino Kelihiano kua oti ka ko hēki haele mai ia Keliho, ke ia maua te ola e fakavavau tēia e maua i tona toe haele mai? Ma ko āfea foki te toe haele mai ai ia Keliho? Kua fakaaogā e Paulo te avanoa tēnei ke toe fakamanatu ai ki nā tino i Tehalonika, ke gālulue pūnouaki pea ka koi fakatalitali ki lātou ma te fakamoemoe ki te toe haele mai o Keliho.
Fakahologa o nā vāega o te Tuhi
Fakatomuaga 1.1
Fakafetai ma vīkiga 1.2 — 3.13
Fakamālohiga e tuha ai ma te āmio faka-Kelihiano 4.1-12
Fakamālamalamaga e uiga ki te toe afio mai o Keliho 4.13 — 5.11
Toe fakamālohiga 5.12-22
Fakaikuga 5.23-28
Currently Selected:
1 Tehalonia Fakatomuaga: TNT
Highlight
Share
Copy
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.