Lŭka 17

Dèkhòwè

(Mattĕo 18.6,7,21,22; Mărko 9.42)

1Jezŭ d́ògè zo bōhmubicè tòcò, “Dèd́è̆lî̄ klè atè è ńò òhta nènò; barasă bija htè ad́è̆lî̄ klè atè è ńò dèbwè nu anikhĭ, dè gā bakò̆ pwedè̄ lò! 2Aè d́okhlŏ ḿî gō cŏwè̄glo hwă zò gò̄lò scisolo tod́ŏ kî, gā saladēni cè d́ŏ pèllèbu nu d́olĭ kî zè gè̄ mèlakhu bija d́ŏ ascipho aklè̆ dèbwèbwè dèkhòwè nu dòkhò̆. 3Sòiwoibò̄ thĭ ne!

“Nè thè̆buwe gè̄ mèkèḿè nè d́ō, hò̆bò̄ cè. Za gā bajalage ze ne d́ō b́ăplèbò̄ cè. 4Dini abu zè gè̄ mèkèḿè hwă nè thăthôtapla, geb́ahtî nè kî d́ò; Ja ja je le thăthôtapla d́ō, b́ăplèbò̄ cè,” Cò d́ò lōwa tòcò do.

Dèb́udènè

5Bōhmubicè tòcò d́ò B́ĭcè, “Mèdohtabò̄ wè dèb́udènè tîkî.”

6Kî Dèado d́òscĭge cè, “Thĭ dèb́u kò ò ma htĕ thèplèphlo lò hnò̆nu, thĭ kò d́ò b́eḿĕ hnaphosè amu, ‘Hjaphlòhta ne ne, kî le solabò̄ d́ŏ pèllèbu nu,’ d́ō agò̄ sòkhĕńe tèpwè thĭ lē,” Cò d́ò lōwa tòcò do.

Dèmèpho Alōahta

7“D́ŏ thĭ klè̆ nu dèmèpho dèbwè gē le htĕ le gô̄ hwă, ḿî̆dîḿî ńò ahètcai hwă dèphodèwe d́ō b́ĕ zo doge nu, akò d́ò cè, ‘Le plăbò̄ d́ŏ d́î̆wāhtî jo,’ kò òbò̄ dèbwèbwè ā? 8A kò̄ tò ò mè ńò. Ḿî thĭ d́ò cè, ‘Pradòlòbò̄ ji nikhĭ lumuhè adèa, kî òsô̆wô̄ htô̆ ja kā a kò̄ ò̆ hwă d́ō, a kò̆bò̄ ni nikhĭ,’ thĭ tò d́òbò̄ cè do ńò ā? 9Kî d́ŏ zè mèkô thĭ dèhtulahmèla akhoacè̆ zi gî̄ nib́èbò̄ thĭ dèhtăi ā? Zi di nib́è mè ńò. 10Cab́ô̆ gōnu akhò̆, thĭ gè̄ mèhwă lŏ nòthò̆ dèhtulahmèla ò thĭ kho tòcò nu, d́òbò̄, ‘Wî ḿî dèmèpho tòcò lò. Wè mè pĕhta wo lōwa hta lò,’ d́òbò̄ do,” Jezŭ d́ò̆sagè bija tòcò do.

Akaĺaki Abwèsci

11B́ĕ Jezŭ le d́ŏ Jerŭsalèm u, d́ŏ klèlò Za hwădūb́è Samarĭage kî Galilĕage akŭsŏ. 12B́ĕ Ze lenī d́ŏ tod́osò̆ abu nu, Zè htèglè̄nigè bija akaĺaki abwèsci. Cè tòcò sò̆hto ò d́ŏ ajî nu, 13kî zo htŏhta ze lē, cò d́ò, “Jezŭ, Sara, khòwèbò̄ wa tîkî,” cè kèwohta do.

14B́ĕ Jezŭ tcahtî cè tòcò nu, Cò d́ò lōwa, “Le, d́è̆lî̄bò̄ thĭ ne d́ŏ phŭgi tòcò ò nu,” Cò d́ò lōwa tòcò do.

B́ĕ ze lekôwe klè akhî nu, cè b́è mèplî̆mètcăgegè.

15D́ŏ cè tòcò aklè̆ dèbwè tcahtî cè b́è mèplî̆mètcăge d́ō, ze geb́a hwă ze lekă, za htăhtai sôtèklègè Kib́ĭcè! 16Zò gò̄la b́îtèd́è d́ŏ Jezŭ akhahtî kî thîhè̆htagegè Cè. Bija ajo dèbwè ḿîgè Samarĭapho. 17Jezŭ d́è̆ge cè, “Akaĺaki ab́èmètcăge ò abwèsci tè b́è ńò ā? Alewe lwīthôdèbwè ò d́ò̆ d́òlè̄? 18Tî̆tèḿè̆ ajo dèbwè gā hwă, bija ageb́a alekă kî athîhè̆htage Kib́ĭcè ahluată tò ògè dèbwè̆ ńò ā?” Cè d́è̆gè lōwa do. 19Mèhwă Cò d́ò lōwa, “Wè̄hto kî lebò̄ nè klè, nè dèb́u mèhlô̆htagè nè,” Cò d́ò lōwa do.

Kib́ĭcè Ahtĭage Adèdole

(Mattĕo 24.23-28,37-41)

20Pharizè̆pho tòcò d́è̆gè Jezŭ htè Kib́ĭcè Ahtĭage gō do da akhè̆ nè nu. D́ō Cò d́òscĭgegè lōwa tòcò gōjo, “Kib́ĭcè Ahtĭage do dole acab́ô̆ bija gā tcahtî za anikhĭ ńò. 21‘Aò d́ŏ jo, aò d́ŏnu,’ bija tò d́ò za do ńò. Kib́ĭcè Ahtĭage ḿî aò d́ŏ thĭ bu lò,” Cò d́ògè lōwa tòcò do.

22Hwă d́ō Cò d́ògè Zo bōhmubicè tòcò, “Akhî kè b́èkò̆ htè thĭ gā thaè tcahtî Bija Apho amuni nu, ḿî thĭ gā da tcahtîb́èkò̆ ńò. 23Bija tòcò kò d́òkò̆ thĭ, ‘Tcabò̄, Cò ò b́ĕjo!’ ‘Cò ò d́ŏnu!’ d́ō b́u ḿè. Lôkô ḿè cè tòcò akă ḿè. 24Manè̄, acab́ô̆ hlăgolî d́ŏ mòhtîkă dòkhò̆b́è d́ō ahlî̆lab́è d́ŏ alewe dòkhò̆b́è akhò̆ nu, Bija apho gî̄ ḿîkò̆ gōnu d́ŏ Zu muni abu nu. 25Barasă aŭsu za gā khab́è pwĕdimi kî bija ajo durū gè̄ lè̄dakè̆kò̆ Cè,” Cò d́ò lōwa tòcò do. 26Acab́ô̆ dèphî̆htagè hlĕ Nŏah alethîkhè̆ nu, d́ŏ Bija Apho amuni tòcò abu ḿî ḿî gè̄ mèkò̆ gōnu nu. 27Bija tòcò a ò̆, phîcuhlè lōwa, htô̆do Nŏah lenī thè̆bòbu nu, kî htĭhtahala kî amèkè̆ mèhlè̆mè̄ lŏ tèpwègè cè tòcò. 28Agè̄ mèkò̆ ane acab́ô̆ Lòt alethîkhè̆ nu. Bija tòcò a ò̆, bwîdè sè̆dè, solabāla kî prahipraphă tèpwè. 29B́ĕ muni d́ŏ Lòt hèhtagè Sò̆doma u tapla d́ō, hmî kî ka ò d́ŏ Mò̄kholè̄ zula zo kho kî mèkè̆ mèhlè̆mè̄ tèpwègè cè tòcò nu. 30D́ŏ Bija Apho gā la tapla nu dè gè̄ mèkò̆ ane gōnu lò lò.

31“B́ĕnu akhî nu bija aò d́ŏ hikho dèbwè gē de gela phîge d́ò̆è adî̄adè d́ŏ hibu nu ńò. Gōnu akhò̆ bija aò d́ŏ khlòlèbu dèbwè gē de geb́a d́ò̆è ahi ńò. 32Gomohtanibò̄ Lòt ahmè̆. 33Gajă bija athaè mèhlô̆hta athathôḿô̆ dèbwè nu, gū scu gā pakò̆ aè̆, kî gajă bija ascuapa athathôḿô̆ dèbwè nu, kò òib́èkò̆ aè̆. 34Jò d́ò̆sa thĭ b́ĕ anu dè nè nu, d́ŏ bija aò leḿĭkho gībwè aklè̆ dèbwè kè̄ b́è phîkè̆ kî dèbwè kò òdakò̆. 35Amihmu ajāb́u gībwè aklè̆ dèbwè kè̄ b́è phîkè̆ hwă dèbwè kò òdakò̆. 36Amikhŏ aò d́ŏ hudephaklè̆ abu gībwè aklè̆ dèbwè kè̄ b́è phîkè̆ hwă dèbwè kò òdakò̆,” Cò d́ò lōwa tòcò do.

37Kî cè tòcò d́òscĭge cè alī, “Dŏ d́òlè̄, Ŏ B́ĭcè?”

Cò d́òge lōwa tòcò, “D́ŏ acoabe ò alle nu, ladā tòcò gā la sò̆lăplokò̆,” Cò d́ògè lōwa tòcò do.

Currently Selected:

Lŭka 17: GRNT21

Highlight

Copy

Want to have your highlights saved across all your devices? Sign up or sign in

Geba Roman New Testament © Bible Society of Myanmar, 2021.

Learn More About Geba Roman New Testament

Popular Bible Verses from
Lŭka 17

Videos for Lŭka 17

Gospel of Luke Ch. 9-19

BibleProject

Woe to Those Who Cause Others to Sin

Jesus Film Project

Jesus Teaches About Prayer and Faith

Jesus Film Project

Tenth Leper & Young Ruler: The Book of Luke

Eyewitness Bible Series

Lŭka 17

Popular Bible Verses from
Lŭka 17

Videos for Lŭka 17

Gospel of Luke Ch. 9-19

Woe to Those Who Cause Others to Sin

Jesus Teaches About Prayer and Faith

Tenth Leper & Young Ruler: The Book of Luke

Bible:

Karen, Geba

Version: Geba Roman New Testament - GRNT21

Lŭka 17

Lŭka 17

Popular Bible Verses from Lŭka 17

Videos for Lŭka 17

Gospel of Luke Ch. 9-19

Woe to Those Who Cause Others to Sin

Jesus Teaches About Prayer and Faith

Tenth Leper & Young Ruler: The Book of Luke

Bible:

Karen, Geba

Version: Geba Roman New Testament - GRNT21

Lŭka 17

Popular Bible Verses from
Lŭka 17