Marɨkusɨ MBIꞋNƏ
MBIꞋNƏ
Marɨkusɨ a biʼnɨ aŋwaʼnɨ azhi nɨ mɨgham mɛnə ngə́, “Nə nɨ Nkən Wu Shiʼnɨ mbɨ́ʼ a Yeso Kristo Mɔn Ŋwi ə.” Wɛrə a diʼ a Yeso tso ŋwɔn ngɨ mɨnu nkɨ ntsi nɨ mɨtən ə. O chi ze mɨtən məmen adzaŋ za a diʼnə anu a Ŋwi, ntsi nɨ mɨtən atú bɨdzɨŋ nkə́ ndɨ́gɨ́nɨ́ mɨbvu mɨ ɨbɛn ə. Yeso a ghamə mbɨ́ʼ atuəmbəm azhi ngə́ zɨə nɨ Mɔn Ŋwɔn, ngə́ zɨə yén a ngá ntsi ntən zɨ nkyɛtɨ mɨnkɨ mɨ abuʼ mɨ ɨbvu ə.
Marɨkusɨ a chɛtɨ njalaʼ ɨzhi mbɨ́ʼ a Yeso tsɛʼ chɛtɨnɨ, nkɨ ntɛgɨ atú azhi tsɛʼ a nye ɨnu tsa Yeso a ghɨ́nɨ́ ntsa a tsa wɛrə a sóŋnɨ́ nkɨ ndiʼə. Wɛrə a soŋ tsɛʼ a məkum anu mbɨ́ʼ a Yoane Ngaŋ Nga Nkyi, nkwarɨ nkyi Yeso abɔʼnɨ adzaŋ za bɨ kwáʼnɨ́nɨ́ ayi, ntiʼ mbyi nkon a nye ɨfaʼ Yeso a ntsúʼ ɨbɛn abɔʼnɨ ndiʼ anu a Ŋwi ə. Bɨyɛʼ bɨ Yeso lɔ́gɨ́ a mɨ́nkfu tse a ndzúʼ ɨ kɨ zhi ayi ɨ shiʼnɨ lá ngaŋ kɨban ɨchi kə́ ntá abó nɨ mɨlwi wə ɨnye ngěn be nɨ mbyi ɛ. Ɨkumtɨ tsa tsɨ lwɨgɨnɨnɨ aŋwaʼnɨ ziŋ fɨʼtɨ ɨnu tsa tsɨ fúnɨ́ a mu ntsɨrɨndzum ngabɨ Yeso atuəshe, tɨ́sə́n tɨ́sə́n, adzaŋ za bɨ kwémtínɨ́ ayi atɨ abaŋnɨ-baŋnɨ abɔʼnɨ adzaŋ za bɨ zhwémnɨ́nɨ́ ayi a mbó nɨvwo ə.
Ɨtú Ɨnu a mu Aŋwaʼnɨ Ziŋ ə
Mbiʼnɨ Nkən Wu Shiʼnɨ məwiŋ ə 1:1-13
Ɨfaʼ Yeso asaŋəsaŋ a Galili ə 1:14–9:50
Nɨyen ɨni ɨ lo a Galili ɨ ghɛn ɨ kon a Yerosalɛm ə 10:1-52
Ntsɨrɨndzum ngabɨ a Yerosalɛm abɔʼnɨ kárɨ́kɨ́ ɨyi ɛ 11:1–15:47
Bɨ zhwemnɨ a Yeso a mbó nɨvwo 16:1-8
Maʼmbyí a fu a ɨshe a ɨshi ɨbɛn nkɨ ntiʼ nkɔʼ ngɛn a fɔməbvurə 16:9-20
Currently Selected:
Marɨkusɨ MBIꞋNƏ: MNT
Highlight
Share
Copy
Want to have your highlights saved across all your devices? Sign up or sign in
© 2023, CABTAL