Yoane MBIꞋNƏ
MBIꞋNƏ
Nkən wu Shiʼnɨ a ŋwaʼnɨ Yoane diʼ a Yeso tso Nɨgham nɨ Ŋwi nə nɨnkoŋ, mbáʼ wɛrə “tíʼnɨ́ mbəŋ a ŋwɔn mɨsɔŋ a ntsu nkɨ́ ntíʼ ntsí a tɨtərɨ bɨgɨnə lá.” (1:14) Tso mbáʼ aŋwaʼnɨ zen zɨmboŋ a soŋnɨ lá, bɨ ŋwáʼnɨ́ Nkən wu Shiʼnɨ məwen lá taŋ á ɨbɛn ba bɨ tɔŋnɨ a zɛrə chi nɨŋ mɨntəm ɨma ɨwu ngə́ Yeso nɨ Ndoŋ wa Ŋwi a káʼnɨ́ ɨ ghɨ tsagɨ lá, Mɔn Ŋwi wu Mbáŋnɨ́, nkɨ mbe ngə́ a ntsǎ a ndzum abeməntəm aza a nye zɨ bo chi tsi nɨ ntsi ntɨŋ ə (20:31).
Mbáʼ mbiʼnə anu za ɨ soŋnɨ ngə́ Nɨgham nɨ Ŋwi na nɨ ghɔŋnɨ nɨnkoŋ tsi lá a mbó Yeso, ɨ minə, ntsambyi abagɨ a Nkən wu Shiʼnɨ wiŋ diʼ ɨbə́ŋ ɨbə́ŋ ɨnu tsə yerɨnɨ-yerɨnɨ tsa tsɨ diʼnɨ ngə́ Yeso nɨ Ndoŋ wa Ŋwi a káʼnɨ́, nkɨ mbe Mɔn Ŋwi wu Mbáŋnɨ́ ə. Abagɨ aŋwaʼnɨ məzen a soŋ adzaŋ za ɨbɛn bə tse nɨ́ŋnɨ́ mɨntəm ɨma a nye Yeso ntiʼ mbe ɨbɛn ba bɨ zɔŋnə ayi, le buŋ bə mɔʼɔ tón awa anu azhi, ntiʼ nkɨ nton awa a nɨ́ŋ mɨntəm ɨma a nye zɨə.
Ɨtú Ɨnu a mu Aŋwaʼnɨ Ziŋ ə
Nɨgham a mbiʼnə 1:1-18
Yoane Ngaŋ Nga Nkyi nɨ bɨtsabɨmbyi bɨ bɨyɛʼ bɨ Yeso 1:19-51
Afaʼ a Yeso asaŋəsaŋ 2:1–12:50
Njwi ntsɨrɨndzum a Yerosalɛm abɔʼnɨ kárɨ́kɨ́ ɨyi 13:1–19:42
Nzhwemnɨ Maʼmbyí nɨ adzaŋ za wɛrə a kɨ́nə́ fúə a ɨshe 20:1-31
Nɨgham nɨ ndwitə: ɨfuə zɨ mɔʼɔ a ɨshe a Galili ə 21:1-25
Currently Selected:
Yoane MBIꞋNƏ: MNT
Highlight
Share
Copy
Want to have your highlights saved across all your devices? Sign up or sign in
© 2023, CABTAL