Iyona 2
2
Iyona ina kawanoi
1E tuwo Iyonayana íyana sinaena goi ikawanoi ina Yaubada yaina 2idigo kana,
‘Guna kategeda goi Yauwe atumadadem,
e kukatumapugu.#Sam 3:4; Tkk 3:55.
Same 120:1
Ámasa ana dadava goi apodeda vaita manuna,
e guna kawanoi kunove.#Sam 118:5.
3Boi kulavegu asou ana dimówana tututu goi,
e négwasa ilataoigu
be nakae im kaivaya gagaidi sikautumgu.#Sam 42:7; 88:6.
4Tuwo yau guna nuwonúwana kagu,
“Matam goi bogina kuvatapiyegu.”#Sam 31:22.
Go tuwo nava bei im Vada Kimaasabaina#2:4 Im Vada Kimaasabaina: Ame nakona Yaubada ina Vada Kimaasabaina gagaina Yerusalema goi. agitemnei.
5Asou négwasa ituko ima nukotogu goi,#Sam 69:1; Tkk 3:54.
nakae dimówana ilataoigu,
e dodouna dabagu ipaimi.
6Asou ana niku unana toina goi.
Ana kaigigita aliupa ikaaiyaka ikaubodegu,
tauna deri nakae akaaiyaka.
Go Yauwe, guna Yaubada,
ámasa goi ma yawoigu kwabimneigu.#Sam 103:4.
7E guna lotówana alotowo bego akámasa go,
Yauwe anuwookavate.
Tuwo akawanoiyem,
e guna kawanoiyana ituko iwo
im Vada Kimaasabaina#2:7 Im Vada Kimaasabaina: Ame nakona yábana idigedige, moe Yaubada ina Kaba Kaiyaka. goi kunovegu.#2Te 30:27; Sam 142:3.
8Avatauwa neta siinumisa tokwalu
geya basabasaidimo yaidi goi,
e Yauwe ina geya sibabaneyeta.#Sam 31:6.
9Go yau sem magu vesi yaapalina
bei yoguyogu akasale kom yaim.
Kaga boi akaatotuli moitamo nakae bei aguinuwe.#Sam 50:14,23.
Ada yava Yauwe goi ima!’
Same 3:8
10E iyanayana kina Yauwe ilovinae Iyona ilagobe. Tuwo moitamo ilagobe ina mamaya goi itowo.
Currently Selected:
Iyona 2: GVS
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
