Aba Vatowo 16

Ega natuna Isimaeli ina bíbina tetelina

1E kina go Eberam monena Serai nava geya ivenatuneta go, tauyana mana tayamo Itipita vavinaina yoina Ega. 2Tuwo ina Eberam ilatuwoko idigo kana,

‘Monegu, guna venátuna ivagagale, tauna guna pákwana kwābi, taiyao komasīsi. Nakona tauyana manugu bei ivenátuna, e natuna yau natugu.’

Tuwo moitamo Eberam iguinuwe nakae Serai idige. 3Eberam bogina tala ana badabada yawou Kenani goi ikaaiyaka, e Serai ina pákwana Ega guma Itipita ikabi, Eberam . 4E Eberam Ega taiyao simasisi, e ikéuwama. Ago tutayana ina kéuwama ilotowo, e ina towosi Serai ivasobusobuye. 5Tuwo Seraiyana ina Eberam ilatuwoko idigo kana,

‘Monegu, kom im puwoya, tauna agu mou ababane. Yau guna pákwana avinim go, tutayana iyagoi bego ikéuwama, ivasobusobuyegu. Bei Yauwe itakinoida! Avatau ibágala, kom geya yau?’

6Go kina Eberamyana idigo kana,

‘Gwa. Kom im pakonayana nimam goi ayato. Kaga latuwom, nakae kuguinūwe yaina.’

Tuwo Serai ina pákwana Ega iyogedegede, tauna isiya ina yoyowo goi ikaaiyaka. 7Isiya ina doelu tayamo asa Sura kenaoina goi ikaaiyaka. Go Yauwe ina tayamo ima amoko goi Egayana ibabane. 8Ibabane, e idigo kana,

‘Ega, Serai ina pákwana, nako kuma? Bei nako kuna?’

‘Guna towosi Serai matana goi asiya’, Egayana kaena.

9Yauwe ina aneroseyana idigo kana,

‘Kwaluvīla kūna am towosi goi kukasalēm tauyana yaina.’

10Tuwaina aneroseyana kana,

‘Bei tubumowo akisailidi, e adi badabada geya itoboinemta kwatuyaividi.’

11Tuwaina idigo kana,

‘Ame tutayana kukéuwama gobe kuvenátuna,

natum koroto.

Yauwe im kaiyakomou bogina igite,

tauna natumyana bei kuvayou Isimaeli.#16:11 Isimaeli: Ame youyana ana yagoina moe Yaubada inove.

12Tauyana bei ikaaiyaka woiwoi nakae.

Tomota liliudi sivakaleye,

e nakae tomota liliudi ivakaleyedi.

Tauyana anetava bei ikaaiyaka go,

ina bodao ituli ta kasa goi sikaaiyaka.’

13Tuwo Egayana idigo kana,

‘Iyaa! Yauwe bogina agite go, geya akamaseta.’

Tuwo Yauwe ivayoko Yaubada Togita. 14Moe pasina doeluyana asa Kadesi be Bereda nauyayanaidi goi tomota sivayou Bera Lakai Roi.#16:14 Bera Lakai Roi: Ame youyana ana yagoina moe tauyana maa yawoina iigitegu ina doelu.#Abv 24:62; 25:11.

15E tuwo Ega ivenátuna, natuna koroto. Moe Eberam natuna, e ivayou Isimaeli.#Gal 4:22. 16E kina go Eberamyana ana tala ana badabada eitisikisi (86) tutayana Ega natudi Isimaeli ivenatuni.

Currently Selected:

Aba Vatowo 16: GVS

Highlight

Copy