Doethineb 7
7
PEN. VII.
Y rhagor rhwng doethineb a phethau eraill.
1Dyn marwôl ydwyf finne, vn fodd a phawb [eraill,] ar yn dyfod o hiliogaeth yr hwn a luniwyd gyntaf o’r ddaiar.
2Ac yng-hroth fy mam mi a luniwyd yn gnawd o fewn amser deng-mis, #Iob 10.10,11.gan geulo o hâd gŵr mewn gwaed, ac o drythyllwch yn dyfod yng-hŷd â chwsc.
3A phan i’m ganwyd mi a dynnais attaf yr awyr cyffredin i ni [oll,] ac a syrthiais ar yr vn naturiaeth ddaiar, yn wylofain y rhoddais i y llais cyntaf fel pawb [eraill.]
4Mewn cawiau, a thrwy ofal i’m magwyd.
5Ni chafodd vn brenin amgen ddechreuad iw enedigaeth.
6 #
Iob 1.21.|JOB 1:21. 2.Tim.6.7.(sic.) Vn fath ddyfodiad i fywyd sydd i bawb ac vn fath fynediad allan.
7Am hynny mi a ddymunais, ac fe a roddwyd i mi ddeall, mi a waeddais ac fe a ddaeth yspryd doethineb i mi.
8Mi ai cyfrifais hi yn well na theyrn-wielyn, ac na gorseddfeudd: ac ni chyfrifais i ddim golud yn gystal â hi.
9 #
Iob 28.15. Ni chyffelybais i feini gwerthfawr iddi hi. Canys graienyn bychan yw pob aur yn ei golwg hi, ac fel clai y cyfrifir arian oi blaen hi.
10Hoffais hi yn fwy nag iechyd, ac na thegwch: ac mi a arfaethais ei chael hi yn lle goleuni, oblegit ni fachluda y llewyrch [a ddaw] o honi hi.
11 #
1.Bren 3.13.|1KI 3:13. Matth.6.33. Pob daioni a ddaeth i mi gyd ag y hi, a golud anifeiriol trwy ei dwylo hi.
12Mi a lawenychais am bob vn, am fod doethineb yn eu blaenori hwynt, ond ni ŵyddwn i mai hi oedd eu mam hwynt.
13Yn ddidwyll y dyscais ac yn ddigenfigen yr ydwyf yn treuthu, heb gelu ei golud hi.
14Diball dryssor yw hi yr hwn pwy bynnac ai harfero y maent hwy yn ymgyfeillach â Duw, gan fod yn ganmoladwy trwy y dōniau y rhai [a geir] trwy addysc.
15Duw a roddes i mi ddywedyd yn ôl fy meddwl, a meddwl yn addas am y pethau a roddwyd, oblegit efe yw pbo vn o’r ddau, awdur doethineb, a chyfarwyddwr y doethion.
16Yr ydym ni a’n geiriau yn ei law ef, felly y mae pob synnwyr a gwybodaeth gwaith.
17Canys efe a roddes i mi wir ŵybodaeth am y pethau a ydynt: i wybod cyfansoddiad y byd a gwneuthuriad yr elementau.
18[Felly] dechreu, diwedd, a chanol yr amserau.
19Newid arfer, a chyfnewid amser, amgylchiad y flwyddyn, a gosodiad y sêr.
20Naturiaethau anifeiliaid, llid bwystfilod, nerth gwyntoedd, rhagoriaeth planhigion a rhinweddau gwraidd.
21Beth bynnac sydd nac yn ddirgel, nac yn amlwg, mi ai gwn: o blegit doethineb yr hon a wnaeth y cwbl a m dyscodd i.
22O herwydd y mae ynddi hi yspryt dehallgar, sanctaidd, vnrhyw, aml, teneu, cyfflym, dislcaer, dihalogedic, eglur, annioddefadwy, yn hoffi daioni, yn llym, yn barod, yn dda ei weithredoedd.
23Yn caru dŷn, yn ddianwadal, yn siccr, yn ddiofal, yn holl-alluoc, yn edrych am bob peth, acyn myned trwy bob yspryt dehallgar, pur, teneu.
24Bywioccath yw doethineb nâ dim bywioc, hi a aiff, ac a dreiddia trwy bob peth o herwydd ei phuredd.
25Canys angerdd gallu Duw yw hi, a phur ddiferiad oddi wrth ogoniant yr Holl-alluoc: am hynny ni syrth dim halogedic arni hi.
26Canys #Heb.1.3.disclaerdeb goleuni tragywyddôl yw hi, a difrycheulyd ddrŷch gweithrediad Duw, a delw ei ddaioni ef.
27Er nad yw hi ond vn, hi a ddichon bob dim, ac yn aros ynddi ei hyn y mae hi yn adnewyddu pob dim, a thrwy ddescin trwy ’r oesoedd ar yr eneidiau sanctaidd y mae hi yn darpâr caredigion, a phrophwydi i Dduw.
28Nid hoff gan Dduw ddim, ond yr hwn a gyfanneddo gyd â doethineb.
29O blegit y mae hi yn degach na’r haul, ac yn vwch na gosodiad y sêr, os cystedlir hi âr goleuni, goref y ceir hi.
30Canys y nôs a ddaw arno ef, ond ni orchfyga y drygioni mo ddoethineb.
Currently Selected:
Doethineb 7: BWMG1588
Highlight
Share
Copy
Want to have your highlights saved across all your devices? Sign up or sign in
Y Beibl Cyssegr-lan. Cyhoeddwyd gyntaf yn 1588, a’i ddigideiddio i Gymdeithas y Beibl yn 2023.