1 KHO:KHAM MHOMYI: 5
5
Rubin Nho: Myid:zo: Qe
1Cebam wa Yaku nho: yauggai zo: qenho: mao: mo" Rubin nho: myid:zo: qe ngad: ako". (Yao: pho" nho: myingai dayaug we' gaung sho: jho" zam" ko" ruyang zoqhid' aya: re yao: maqo" yu ngad: ra". Ai: aya: Yoseb the' yu: pye' ra". 2Ngadqere: Yuda amyu" kaung wa qam: bo: thao" ra" amyu" kaung boe" li" mung: byumyu" kaung alhab' mo; qhid' mae" kho:kham boe" byid' ra".) 3Yaku nho: yauggai zo: qe: mao: mo" Rubin wa Hanug- Palu- Hezron- Kami ga" ra" yauggai zo: byid yaug qo" ra".
4-6Cebam wa daqae: mae" daqae: na: gyo" li" ko" ra" Yoela nho: myid:zo: qe ngad: ako". Aibam wa Shemaia- Goga- Shimi- Mikha- Reaia- Bala- Bera bam ngad: ako". Asuri khosin" Tiglad Pilesa wa amyu" au: jhaung Bera re taung" yu mung: yao: re gatau: mung" khyo jhui" lo" byaug: ra".
7Rubin amyu" kaung au: jhaung qenho: yham khaung japhin: wa o mae tung" xam" to"ru we' dakhyo: aibam wa Yeie- Zekharia- 8Aza nho: yauggai zo: Shema nho: yao: myid: Yoela nho: kaung mae" Baal bam ngad: ako". Ce: amyu" kaung wa Aroe we' aimae" mug: am: shad' Nebo we' Bala Meon joe" sho' mae" mug: myid mae na: ako". 9Yao: bam wa Gilead mung" mae yao bam: gug'nyhug' kyaung" myo: sho' qo" ako". Aimung: yao: bam wa ba thug' shad' Uphrad gyaung: khyo joe" ye" ra" din"pyad' yo joe" sho' mae" mug: myid re sang: yu: ako".
10Kho:kham Sholu nho: pyad mae Rubin amyu" kaung qe wa Hagara byu qere gye yezin: mung: gyekhe' poe mae ai bam re se' pye' ako". Gilead mung" ba thug' shad' mae" yao: bam: mug: myid re sang: yu: pye' ako".
Gad Nho: Myid:zo: Qe
11Gad amyu" kaung qe wa- Rubin byumyu" qenho: mug: am: shad' mae jo; ra" Bashan mung" mae" ba thug' shad' Sakeka joe" sho' na: jo; ako". 12Yoela wa amyu" kaung au: jhaung ngad mung: yao" o mae akhyag shid' kaung ein: kaung wa Shapham kaung ngad: ra". Yanai we' Shaphad kaung wa Bashan mung" mae" au: jhaung ngad: ako". 13Gatau amyu" kaung mae" mo, wa o mae tung" to" ra" kaung jham mae" ngad: ako". Aijham wa- Mikhae- Meshulam- Sheba- Yorai- Yakhan- Zia- Eber kaung jham ngad: ako". 14Yao: bam wa Huri nho: yauggai zo: Abihai nho: myid:zo: qe ngad: ako". Aibam: nho: phug' pho" qe wa o mae we' dakhyo: byu xag' dam: gai: she' ra". Aibam wa- Abihai- Huri- Yaroa- Gilead- Mikhae- Yeshishai- Yado- Bu. 15Abdie nho: yauggai zo: Guni nho: yao: myid: Ahi wa ce: kaung qenho: au: jhaung ngad: ra". 16Yao: bam wa Bashan we' Gilead mug: mae jo; ra" vogaung: jham mae we' Sharon mung" mae" mhin: gyo, jao: alhab' mae na: ako". 17(Ce: tung" xam: jham re Yuda kho:kham Yotham we' Israel kho:kham Yeroboam II nho: pyad mae tung" to" ru ngad: ra".)
Ba thug' Shad' Amyu" Kaung Qenho: Gyetab Jham
18Rubin- Gad- ba thug' shad' Manashe amyu" kaung mae go jham- shae jham- lo,la: jham ci: rumae kung sho' mho" to" ra" gyezo: 44,760 zo: na: ako". 19Yao: bam wa Hagari amyu" Yetu- Nephi- Nodab amyu" kaung qere gye yezin" ako". 20Yao: bam Mao"So re khug ngha mung: bao" thaug' yu nae" yao: re akyu" mho' ako". Mao"So wa yao: bam: akyu" mho' thoe re tae" gyo: byid: mung: Hagari byu qe we' yao: bam: myid vang" ba nam qere aung: pye' nhao: ra". 21Yao: bam wa gyevo qemae" gola:u 50,000 dau:- yao 250,000 dau:- loze 2000 dau: re sham" yu mung: gye poe kyam: byu qekhyo" 100,000 yaug re taung" yu: ako". 22Yao: bam wa gyevo myo: sho' re se' pye' ako". Pe"mung:ga"re gyekhe' poe wa Mao"So myid o: ru ngad: ra". Amung: yao: bam wa taung" jhui" lo" qhug' ra" ba na joe" sho' ai: mug: myid mae xo' na: jo; ako".
Ba thug' Shad' Mae" Manashe Byu Qe
23Ba thug' shad' Manashe byu qe wa Bashan mung" mae" mug: am: shad' Bala Hermon- Senira- Hermon bam joe" sho' mae te" na mung: yao: bam wa byu lam: gyai myo: sho' je" li" ako". 24O mae tung" to" ra" mo, wa yao: bam: kaung mae" au: jhaung qe ngad: ako". Aibam wa Ephe- Ishi- Elie- Azrie- Yeremia- Hodavia- Yahdie bam ngad: ako". Yao: bam alhab' wa baug thug' ra" gyezo: qe ngad mung: yao: bam: amyu" kaung qenho: mang qi" ra" au: jhaung qe ngad: ako".
Ba thug' Shad' Mae" Amyu" Kaung Qe Pyaung" Nha: Pye' Qhug' Ko" Ra" Khyo
25Ngadqere: amyu" byu qe wa yao: bam: phug' pho" qenho: Mao"So re jhaug' mazaug lo:- Mao"So: yang ai: mung"dan: mae" khe' thug' pye' va" ra" byumyu" qenho: so jham re caung:pa" nae" qhid' mae" yao: re to" pye' ako". 26Aimung: Mao"So wa Asuri kho:sin" Pula (Tiglad Pilesa ga: re: mang yaug) re ai: mung" khyo jhin" vao ye: nhao: ra". Yao: wa Rubin- Gad- ba thug' shad' Manashe amyu" qere pyaung" yu: pye' mung: Hala- Habora- Hara mung" we' Gozam qid yae mae nha nhao: to" ra".
Currently Selected:
1 KHO:KHAM MHOMYI: 5: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
