1 KHO:KHAM MHOMYI: 2
2
Yuda Nho: Myid:zo: Qe
1Yaku wa - Rubin - Simun - Levi - Yuda- Isakha - Zebulun - 2Dan - Yoseb - Benyamin - Nabhtali - Gad - Ashe ga" ra" yauggai zo: daxe: shid' yaug qo" ra".
3Yuda wa yauggai zo: ngo" yaug qo" ra". Khanan myiqe: yao" yham sang myhi" Batshua yang khau: ra" Era- Onan- Shela ga" ra" yauggai zo: sam yaug qo" ra". Yao" yauggai zo: zoqhid' yaug Era wa gyai makhyang: mung: Asang wa yao: re se' pye' ra". 4Yuda wa yao" dau mo" Tama yang khau: ra" yauggai zo: Pere we' Zera tao re: qo" ra".
5Pere wa Hezron we' Hamu ga" ra" yauggai zo: shid' yaug qo" ra". 6Yao: nhaung: Zera wa Zimri- Ethan- Heman Khako- Darda ga" ra" yauggai zo: ngo" yaug qo" ra". 7Zera nho: myid:zo: qe mae" dayaug ngad: ra" Kami nho: yauggai zo: Akhan wa Mao"So re qhaug' pye' va" lanyab re sang: ci: ra" khyo" yang Israel byu qe: dao mae qug: khai: kyi" khyag' ru boe" nhao yaug ngad: ra".
8Ethan wa Azaria ga" ra" yauggai zo: dayaug qo" ra".
Kho:kham Davi Nho: Myid:zo: Qe
9Hezron wa Yerahme- Ram- Khaleb ga" ra"- yauggai zo: sam yaug qo" ra".
10Ram mae" Yese joe" sho' nho: yham khaung kaung wa o mae" we' dakhyo: ngad: ra". Ram- Amminadab- Nashon (Yuda kaung mae" baug thug' yaug) 11Salmon- Bua- 12Obed- Yese bam ngad: ako".
13Yese wa yauggai zo: nhad' yaug qo" ra". Yao: bam: apyad re cao" yang:- Eliab- Abinadab- Shama- 14Nethane- Radai- 15Ozem- Davi ga: mo, ngad: ako". 16Yese wa Zeruia- Abigai ga" ra" myiqe: zo: shid' yaug re: qo" ra". Yese nho: myiqe: zo: Zeruia wa Abishai- Yoab- Asahe ga" ra" yauggai zo: sam yaug qo" ra". 17Yao" nho: myiqe: zo: gatau dayaug ngad: ra" Abigai wa Ishmae nho: myid:zo: ngad: ra". Yetha we' lo,xo' xo' mung: yao: tao wa Amasa ga: mang: ra" yauggai zo: dayaug qo" ako".
Hezron Nho: Myid:zo: Qe
18Hezron nho: yauggai zo: Khaleb wa Azuba we' lo,xo' xo' yu mung: Yeriod ga: mhang" ra" myiqe: zo: dayaug qo" ra". Yao: wa Yeshe- Shoba- Ardon ga" ra" yauggai zo: sam yaug qo" ra". 19Azuba shid thao re Khaleb wa Ephrad re lo,xo' dam: xo' yu mung: Hura ga" yauggai zo: dayaug qo" ra". 20Hura nho: yauggai zo: wa Uri ngad mung: yao: myid: wa Bezale ngad: ra".
21Hezron wa apyad khyaug' xe zin ngad lao"- Makhira nho: myiqe: zo:- Gilead nho: nhae: mo" re lo, xo' xo' yu: ra". Yao: tao wa Seguba ga: mhang" ra" yauggai zo: dayaug qo" mung:- 22Seguba wa Yaira ga: mhang" ra" yauggai zo: dayaug qo" ra". Yaira wa Gilead mung" mae" vogaung: shid' xe: sam vo re eib: ra". 23Ngadqere: Geshu nho: mung"dan: we' Aram nho: mung"dan: wa Yaira we' Kenad nho: vogaung: jham bobo mung:- aimae" vogaung: khyaug' xe re aung: pye' ako". Ai mae na ko" ra" byu qe alhab' wa Gilead nho: yao: pho" Makhira nho: myid:zo: qe ngad: ako". 24Hezron shid thao re yao" yauggai zo: Khaleb wa yao: pho" nho: cug' mo" Eprad re lo,xo' xo' yu: ra". Yao: tao wa Ashu ga: mhang" ra" yauggai zo: qo" ako". Ai: yaug wa Tekoa vogaung: re te: yaug ngad: ra".
Yerahme Nho: Myid:zo: Qe
25Hezron nho: zoqhid' yauggai zo: Yerahme wa- zo qhid' yaug Ram- Buna- Oren- Ozem- Ahiya ga" ra" yauggai zo: ngo" yaug qo" ra". 26-27Aimung: Ram wa Maza- Yamin- Eke ga" ra" yauggai zo: sam yaug qo" ra". Yerahme wa Atara ga: mang: ra" yham sang myhi" gatau dayaug qo" mung: yao: tao wa Onam ga" ra" yauggai zo: dayaug qo" ako". 28Onam wa Shamai we' Yada ga" ra" yauggai zo: shid' yaug qo" ra". Shamai re: Nadab we' Abishu ga" ra" yauggai zo: shid' yaug qo" ra".
29Abishu wa Abihai ga" ra" myiqe: re lo, xo' yu: ra". Yao: shid' tao wa Ahban we' Molid ga" ra" yauggai zo: shid' yaug qo" ako". 30Abishu nho: yao: mao: Nadab wa seled we' Apain ga" ra" yauggai zo: shid' yaug qo" ra". Ngadqere: Seled wa yauggai zo: mamyhung lo: shid: lo" byaug: ra". 31Apain wa Ishi nho: yao: pho"- Ishi wa Sheshan nho: yao: pho"- Sheshan wa Alai nho: yao: pho" ngad: ra".
32Shamai nho: yao: nhaung: Yada wa Yetha we' Yonathan ga" ra" yauggai zo: shid' yaug qo" ra". Ngadqere: Yetha wa yauggai zo: mamyhung lo: shid: lo" byaug: ra". 33Yonathan wa Peled we' Zaza ga" ra" yauggai zo: shid' yaug qo" ra". Cebam alhab' wa Yerahme nho: myid:zo: qe ngad: ako".
34Sheshan wa yauggai zo: maqo" ngad: ra". Myiqe: zo: qe za: aqo" ra". Yao: wa Yaha ga" ra" Egutu byu daui daui yaug qo" mung:- 35Yao" myiqe: zo: qemae" dayaug re aiyaug we' lo,xo' xo' byid' ra". Yao: tao wa Atai ga" ra" yauggai zo: dayaug qo" ako". 36Atai mae" Elishama joe" sho' mae" yham khaung ko' wa o mae" we' dakhyo: ngad: ra". Atai- Nathan- Zabad 37Epla- Obed 38Yehu- Azaria 39Hele- Eleasa 40Sismai- Shalum 41Yekamia we' Elishama bam ngad: ako".
Khaleb Nho: Myid:zo: Gaje Qe
42Yerahme nho: yao: nhaung: Khaleb nho: zoqhid' wa Mesha ga: mhang" yaug ngad: ra". Mesha wa Zilpa nho: yao: pho"- Zilpa wa Maresha nho: yao: pho" ngad mung: Maresha wa Hebron nho: yao: pho" ngad: ra". 43Hebron wa Kora- Tapua- Rekem- Shema ga" ra" yauggai zo: byid yaug qo" ra". 44Shema wa Raham nho: yao: pho" ngad mung:- 45Yorkeam nho: yao: phug' ngad: ra". Shema nho: yao: mao: Rekem wa Shamai nho: yao: pho"- Shamai wa Maon nho: yao: pho"- Maon wa Bedzu nho: yao: pho" ngad: ra".
46Khaleb wa Epha ga: mang: ra" myingai dayaug qo" mung: myiqe: aiyaug: yang Haran- Moza- Gaze ga" ra" yauggai zo: sam yaug re khau byid' ra". Haran re: Gaze ga: mhang" ra" yauggai zo: dayaug qo" ra".
47(Yadai ga: mang yaug wa Regem- Yotham- Geshan- Peled- Ephe- Shapha ga" ra" yauggai zo:- khyaug' yaug qo" ra".)
48Khaleb wa Makha ga: mang: ra" myingai dayaug qo" mung: Shebera we' Tirhana ga" ra" yauggai zo: shid' yaug re khau byid' ra". 49Ai: thao re yao: wa Madmanna vogaung: re te" yaug Shapha we' Makbena we' Gibea vogaung: jham re te: yaug Sheva ga" ra" yauggai zo: shid' yaug re khau: ashi" aitho' mago"-
Khaleb wa Aksa ga" ra" myiqe: zo: dayaug qo" ra".
50O mae tung" to: mo, re: Khaleb nho: myid:zo: qe ngad: ako". Khaleb nho: zoqhid' wa Hura ngad mung: yao" yham sang myhi" wa Ephrad ngad: ra". Hura nho: yauggai zo: Shobala wa Kiriad Yearim vogaung: re te: mung:- 51Yao" zole; yaug Salma wa Betlehem vogaung: re te" ra". Yao" yauggai zo: sam yaug ein: yaug wa Betgadera re te" ra".
52Kiriad Yearim re te" yaug Shobala wa Haroe byu qe we' Menuhot mug: myid agaung: daqi" mae na: jo, mo, nho: phug' pho" ngad: ako". 53Amung: Kiriad Yearim mae na mo, wa- Ithri byu- Puthi byu- Shu mathi byu- Mishrai byu- qe ngad: ako". (Zoa we' Esthao vogaung: mae na ko" ra" mo, wa ce: amyu" kaung mae" mo, ngad: ako".)
54Betlehem re te" yaug Salma wa Netopha- Atrod Bed Yoba we' Zorid byu qe: phug' pho" qe ngad mung: Manahad amyu" kaung mae" dakaung ngad: ako".
55(O mae tung" to" ra" amyu" kaung qe wa mugsug' tung" jhao mo, dau tung" tung" rumae jhao mo, ngad mung: Yabed vogaung: mae na: ako". Ai bam wa Tirathi Shimethi- Sukhathi byu qe ngad: ako". Ai bam wa Rekhab byu qe we' myi: jho" yu ko" ra" Kenid byu qe ngad: ako".)
Currently Selected:
1 KHO:KHAM MHOMYI: 2: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
