Maciu 28:12-15

Ia ni ra sa soqoni vata kei ira na qase, ka sa bosea, era sa qai solia vakalevu nai lavo vei ira na sotia, ka kaya vei ira, “Dou vaka, ‘Sa lako mai e na bogi ko ira na nona tisaipeli, ka butakoca na yagona, ni keimami a moce tu.’ Ia kevaka ena rogoca oqo na kovana, keitou na vakalomavinakataki koya, ka dou na galala mai kina.” A ra sa taura nai lavo, a ra sa kitaka me vaka era sa vakaroti kina. Sa dautukuni tikoga nai tukutuku oqo vei ira na Jiu ka yacova na siga edaidai.