Joni 17
17
Na Masu i Jisu me Baleti Ira na Nona Tisaipeli
1Sa vosataka na vosa oqo ko Jisu, ka ta cake ki lomalagi, ka kaya, “I Tamaqu, sa yaco mai na gauna; vakarokorokotaka na Luvemu ka me vakarokorokotaki kemuni talega na Luvemu, 2me vaka ko ni sa solia vua me lewa vei ira na tamata kecega, me solia ko koya na bula tawa mudu vei ira yadua ko ni sa solia vua. 3Ia sai koya oqo na bula tawa mudu, me ra kilai kemuni na Kalou dina duaduaga, kei Jisu Karisito ko koya ko ni a tala mai. 4Au sa vakarokorokotaki kemuni e vuravura, ni'u sa vakaotia na cakacaka ko ni a solia mai vei au me'u kitaka. 5Ia oqo, Tamaqu, ni vakarokorokotaki au me daru tiko vata, e na vakarokoroko sa tu vei au ni daru a tiko vata ni se bera ni buli ko vuravura.
6 “Au sa vakatakila na yacamuni vei ira na tamata ko ni sa solia mai vei au mai vuravura. Era sa nomuni, ia ko ni sa soli ira mai vei au, a ra sa talairawarawa ki na nomuni vosa. 7Era sa qai kila sa taka mai vei kemuni na ka kecega ko sa solia mai vei au. 8Ni'u sa solia vei ira na vosa ko ni a solia mai vei au, a ra sa vakabauta, ka kila dina ni'u sa lako mai vei kemuni, ka ra sa vakadinata ni kemuni a talai au mai. 9Au sa masulaki ira. Au sa sega ni masulaki vuravura, ko ira ga ko sa solia mai vei au, ni ra sa nomuni. 10A sa nomuni na noqu ka kece, ka sa noqu na nomuni ka kece, ia ka'u sa vakarokorokotaki e na vukudra. 11Ia ka'u na sega ni tiko e vuravura, ia ko ira oqo, era sa tiko e vuravura, ia koi au, ka'u sa lako yani vei kemuni. Tamaqu yalododonu, maroroi ira e na yacamuni, ko ira ko ni a solia mai vei au, me ra dua bauga me vakataki kedaru. 12#Same 41.9; Joni 13.18Ni'u a tiko vata kei ira e vuravura, au a daumaroroi ira e na yacamuni. Ko ira ko ni sa solia mai vei au ka'u sa maroroya, a sa sega ni yali e dua vei ira, ko koya ga sa dodonu me rusa, me vakayacori kina nai Vola Tabu. 13Au sa qai lako yani vei kemuni, ia na veika oqo ka'u sa vosataka e vuravura, me levu sara na nodra marau e na vukuqu. 14Au sa solia vei ira na nomuni vosa, a sa cati ira ko vuravura, ni ra sa sega ni vakavuravura, me vaka ka'u sa sega ni vakavuravura. 15Au sa sega ni masu mo ni kauti ira tani e vuravura, mo ni maroroi ira ga mai na vu-ni-ca. 16Era sa sega ni vakavuravura, me vaka ka'u sa sega ni vakavuravura. 17Vakatabui ira e na nomuni vakavuvuli dina, sa ka dina na nomuni vosa. 18Me vaka ko ni a talai au ki vuravura, au sa talai ira vaka talega kina ki vuravura. 19Ia ka'u sa vakatabui au e na vukudra, me ra vakatabui talega e nai vakavuvuli dina.
20 “Ia ka'u sa sega ni masu e na vukudra walega oqo, ia e na vukudra talega era na vakabauti au e na vuku ni nodra vosa, 21me ra dua bau kecega, me vaka edaru sa dua bau, Tamaqu, me ra dua bau kei kedaru, me vakadinata ko vuravura ni kemuni sa talai au mai. 22Ia na vakarokoroko ko ni a solia mai vei au, ka'u sa solia vei ira; me ra dua bau, me vaka edaru sa dua bau, 23me'u tu vei ira, ka mo ni tu vei au, me ra vakayacori sara me ra dua bauga, ia me kila kina ko vuravura ni kemuni sa talai au mai, ka ni kemuni sa lomani ira me vaka ko ni sa lomani au. 24I Tamaqu, au sa vinakata me ra tiko talega kei au e na vanua ka'u sa tiko kina, ko ira ko ni sa solia vei au, me ra raica na noqu i ukuuku ko ni a solia mai vei au, ni kemuni a lomani au ni sa sega ni tekivu ko vuravura.
25 “I Tamaqu yalododonu, sa sega ni kilai kemuni ko vuravura, ia ka'u sa kilai kemuni, a ra sa kila ko ira oqo ni kemuni sa talai au mai. 26Ia ka'u sa vakatakila vei ira na yacamuni, ia ka'u na vakatakila tiko, me tu vei ira na loloma ko ni a lomani au kina, me'u tiko talega kei ira.”
Currently Selected:
Joni 17: FRV21
Highlight
Share
Copy
Want to have your highlights saved across all your devices? Sign up or sign in
