Vakatekivu 21
21
Na Sucu i Aisake
1A sa talevi Sera ko Jiova me vaka ka kaya eliu, a sa cakacaka vei Sera ko Jiova me vaka na nona vosa. 2#Ipe 11.11A sa kunekune ko Sera, ka vakasucuma vei Eparaama e dua na luvena tagane ni sa qase mai ko koya, e na gauna sa lokuci, ka sa vosa kina vua na Kalou. 3Ia ko Eparaama sa vakayacana na luvena ko Aisake, o koya ka vakasucuma ko Sera. 4#Vteki 17.12; Caka 7.8A sa cilivi Aisake na luvena ko Eparaama, ni sa qai bogi walu, me vaka ka vakarota vua na Kalou. 5A sa dua na drau na yabaki i Eparaama, ni sa sucu na luvena ko Aisake. 6A sa kaya ko Sera, “Sa vakadredrei au na Kalou; era na dredre vata kei au ko ira kecega era na rogoca.” 7Sa kaya talega ko koya, “Ko cei mada e bau kaya vei Eparaama eliu ni na qaravi gone ko Sera? Ia oqo ka'u sa vakasucuma e dua na luvena tagane ni sa qase cake sara ko koya.”
Rau Vakatalai Tani ko Eka kei Isimeli
8A sa tubu na gone, ka sa kali. A sa cakava e dua na magiti levu ko Eparaama e na siga ka kali kina ko Aisake. 9Ia ko Sera sa raica na luvedrau ko Eka na yalewa ni Ijipita kei Eparaama, ni qito voli kei Aisake na luvena.#21.9 E na vaKirisi (Gk) kei na vakaLatina (Vg): Sega e na vakaIperiu (Hb) kei Aisake na luvena 10#Kala 4.29,30A sa kaya kina vei Eparaama ko koya, “Mo vakatala yani na yalewa bobula oqo kei na luvena; ni na sega ni taukena vata na luvena na yalewa bobula oqo kei na luvequ ko Aisake.” 11A sa ka ni rarawa sara vei Eparaama na ka oqo e na vuku ni luvena. 12#Roma 9.7; Ipe 11.18A sa kaya vei Eparaama na Kalou, “Me kakua ni ka ni rarawa vei iko e na vuku ni gone, kei na vuku talega ni nomu yalewa bobula. Na ka kecega sa kaya vei iko ko Sera, mo vakayacora, ni na vakatokai me nomu na kawa mai vei Aisake. 13Ia ko koya na luvena na yalewa bobula, ka'u na vakatuburi koya talega me dua na matanitu, ni sa nomu kawa.” 14A sa sou e na mataka ko Eparaama, ka kauta na kakana, kei na saqa wai, ka solia vei Eka, ka biuta ki na usouso ni domona, kei na gone, ka vakatala yani. A sa lako yani ko koya, a sa lako sese voli mai na loma ni vanua lala mai Peri-sepa.
15Ni sa maca na saqa, a sa biuta na gone ko koya ki na dua na ruku ni vunikau. 16A sa la'ki tiko me donuya, sa vaka beka na kena yawa sa vanataki e dua na gasau; ni sa kaya ko koya, “Isa, me'u kakua ni raica ni sa ciba na gone.” A sa tiko donuya, a sa tabalaka na domona, ka tagi. 17A sa rogoca na domo ni gone na Kalou; a sa kaci vei Eka na agilosi ni Kalou mai lomalagi, ka sa kaya vua, “A cava ko lomaleqa kina, Eka? Kakua ni rere; ni sa rogoca na Kalou na domo ni gone e na tikina sa koto kina. 18Mo tu cake, mo keveta cake na gone, ka taura e ligamu; ni'u na vakayacori koya me dua na matanitu levu.” 19A sa qai dolava na matana na Kalou, ka sa kunea e dua nai keli-wai. A sa lako ko koya, ka vakasinaita na saqa e na wai, ka vagunuva na gone.
20A sa tiko kei na gone na Kalou, ka sa tubu ko koya. A sa bula voli e na loma ni vanua lala, ka sa yaco me tamata dauvavana ni dakaititi. 21A sa tiko mai na vanua lala mai Perana; a sa kauta vua ko tinana e dua me watina mai na vanua ko Ijipita.
Rau Veiyalayalati ko Eparaama kei Apimeleki mai Peri-sepa
22 #
Vteki 26.26
Ia e na gauna ko ya, erau a vosa vei Eparaama ko Apimeleki kei Fikoli na kavetani ni nona mataivalu, ka rau kaya, “Sa tiko vata kei iko na Kalou e na ka kecega ko sa cakava. 23O koya oqo mo bubului eke vei au e na mata ni Kalou ni ko na sega ni valavala vakailasu vei au, se vua na luvequ, se vua na makubuqu. Mo kitaka ga vei au, ki na vanua talega ko sa tiko vulagi kina, me vaka na loloma ka'u sa kitaka vei iko.” 24A sa kaya ko Eparaama, “Au sa vosa bubului kina.”
25Ni sa vunauci Apimeleki ko Eparaama e na vuku ni keli-wai era kovea na tamata nei Apimeleki, 26a sa kaya ko Apimeleki, “Au sa sega ni kila se ko cei sa kitaka na ka oqo; ia ko iko talega ko a sega ni mai tukuna vei au, ka'u a sega talega ni rogoca eliu, ia ka'u sa qai kila ga oqo edaidai.” 27A sa qai kauta kina na sipi kei na bulumakau ko Eparaama ka solia vei Apimeleki, ka rau sa ia na veiyalayalati koi rau. 28A sa taura e vitu na lami yalewa ko Eparaama ka biuti iratou vakatikitiki. 29A sa kaya vei Eparaama ko Apimeleki, “Sa vakaevei na lami yalewa e vitu oqo ko sa biuti iratou vakatikitiki?” 30A sa kaya, “Mo na ciqoma na lami yalewa e vitu oqo mai na ligaqu, me yaco kina mo noqu i vakadinadina ni ka'u a kelia nai keli-wai oqo.” 31O koya sa vakatokai kina na tikina ko ya ko Peri-sepa;#21.31 A kenai balebale Keli-wai e vitu se Keli-wai ni bubului ni rau a bubului ruarua. 32A rau sa ia na veiyalayalati mai Peri-sepa; sa qai cavu tu ko Apimeleki, kei Fikoli na kavetani ni nona mataivalu, a rau a lesu tale ki na vanua ko Filisitia. 33A sa tea mai Peri-sepa e dua na kau ko Eparaama, ka masuta mai kina na yaca i Jiova, na Kalou e Sega ni Mudu.#21.33 Kena vakaIperiu El Olam 34A sa vuqa na siga sa tiko kina ko Eparaama e na vanua ko Filisitia.
Currently Selected:
Vakatekivu 21: FRV21
Highlight
Share
Copy
Want to have your highlights saved across all your devices? Sign up or sign in
