Vakatekivu 17
17
Na Cilivi me Vakatakilakila ni Veiyalayalati
1Sa ciwasagavulu ka ciwa na yabaki i Eparama, sa qai rairai vei Eparama ko Jiova, a sa kaya vua, “Koi au na Kalou Kaukauwa;#17.1 Kena vakaIperiu El Shaddai me dodonu na nomu i valavala vei au, ka mo kakua ni cala. 2Ia ka'u na vakayacora na noqu veiyalayalati kei iko, ka vakalewevuqataki iko vakalevu sara.” 3A sa cuva vakatoboicu ko Eparama; ka sa vosa vua na Kalou, ka kaya, 4“Raica, sa tiko kei iko na noqu veiyalayalati, ia ko na tamadra na matanitu e vuqa. 5#Roma 4.17Ena sega tale ni vakatokai me yacamu ko Eparama,#17.5 A kenai balebale a tama ka sa vakacerecerei ia sa na yacamu ga ko Eparaama;#17.5 E kenai balebale eke na tama ni lewe-vuqa ni'u sa lewa vei iko mo tamadra na matanitu e vuqa. 6Ia ka'u na vakalewevuqataka sara na nomu kawa, ka'u na vakatubura mai vei iko na matanitu eso, a ra na tubu mai vei iko na tui eso. 7#Luke 1.55Ka'u na vakataudeitaka na noqu veiyalayalati kei iko, kei ira talega na nomu kawa, e na nodra i tabatamata kecega, ka me veiyalayalati e tawa mudu, ka me'u sa nomu Kalou, ka me'u nodra Kalou talega na nomu kawa. 8#Caka 7.5Ia ka'u na solia vei iko kei ira na nomu kawa, na vanua ko sa tiko vulagi kina, a vanua taucoko ko Kenani, ka me ra taukena ka tawa mudu; ia ka'u na nodra Kalou.”
9Sa kaya talega vei Eparaama na Kalou, “Mo maroroya na noqu veiyalayalati, ko iko, kei ira na nomu kawa era na muri iko, e na nodra i tabatamata kecega. 10#Caka 7.8; Roma 4.11Oqo na noqu veiyalayalati kei kemudou kei na nomu kawa, mo dou maroroya: Me ra cilivi taucoko sara na nomudou gonetagane. 11Dou ciliva na kuli ni vusomudou; ia sa na kenai vakatakilakila oqo ni noqu veiyalayalati kei kemudou. 12Ia ko koya vei kemudou sa bogi walu ena cilivi, na gonetagane kecega e na nomudou i tabatamata kecega, ko koya sa sucu e vale, kei koya sa voli e nai lavo mai vua na kai tani sa sega ni nomu kawa. 13Me cili ga ko koya sa sucu e nomu vale, kei koya sa voli e na nomu i lavo. Ia e na tu e na lewemudou nai vakatakilakila ni noqu veiyalayalati, me veiyalayalati ka tawa mudu. 14Ia na gonetagane sa sega ni cilivi ena muduki tani mai vei ira na kai nona; ni sa voroka ko koya na noqu veiyalayalati.”
Sa Vosaniyalayalataki na Sucu nei Aisake
15Sa kaya talega vei Eparaama na Kalou, “Ko Serai na watimu, mo kakua tale ni vakatoka na yacana ko Serai, ia sa na yacana ga ko Sera. 16Ia ka'u na vakalougatataki koya, ka solia me sucu mai vua e dua na luvemu tagane. Io, ka'u na vakalougatataki koya, ena tubu talega mai vua na matanitu eso; a nodra turaga lelevu na veimataqali ena tubu mai vua.” 17A sa cuva vakatoboicu ko Eparaama, a sa dredre, ni sa kaya e lomana, “Ena sucu beka na gone vua sa qai dua na drau na nona yabaki? Ia ena vakasucu beka ko Sera, ni sa qai ciwasagavulu na nona yabaki?” 18A sa kaya vua na Kalou ko Eparaama, “Isa, me bula mada ga e matamuni ko Isimeli!” 19A sa kaya na Kalou, “E segai, ia ena sucu vakaidina e dua na luvemu-tagane vei Sera na watimu; ia ko na vakatoka na yacana ko Aisake.#17.19 A kenai balebale a sa dredre Ia ka'u na vakataudeitaka vua na noqu veiyalayalati me veiyalayalati ka tawa mudu, vei ira na nona kawa era na muri koya. 20Ia ko Isimeli talega, ka'u sa rogoci iko e na vukuna; raica, ka'u na vakalougatataki koya ka na lewe vuqa mai na luvena, ka'u na vakalevutaki koya vakalevu sara; e le tinikarua na ravouvou ena vakatubura, io ka'u na vakamatanitulevutaki koya. 21Ia ka'u na vakataudeitaka ga na noqu veiyalayalati kei Aisake, ko koya na luvemu vei Sera, o koya ena sucu mai e na gauna vata oqo e na yabaki mai oqo.” 22Ni sa oti na nona vosa tiko vua, a sa lako tani vei Eparaama na Kalou.
23A sa kauti Isimeli na luvena ko Eparaama, kei ira kecega era sucu e nona vale, kei ira kecega era voli e na nona i lavo, a tagane kecega vei ira na lewe-ni-vuvale i Eparaama, a sa cilivi ira e na siga dina ko ya, me vaka ka vosa vua na Kalou. 24A sa ciwasagavulu ka ciwa na yabaki i Eparaama, ni sa cilivi. 25A sa tinikatolu na yabaki i Isimeli na luvena, ni sa cilivi. 26Ia e na siga dina ko ya sa cili ko Eparaama kei Isimeli na luvena; 27kei ira kece na tagane era nona lewe-ni-vuvale, era sucu e vale, kei ira era voli e nai lavo mai vua na kai tani, era sa cili vata kaya.
Currently Selected:
Vakatekivu 17: FRV21
Highlight
Share
Copy
Want to have your highlights saved across all your devices? Sign up or sign in
