Vakatekivu 10
10
Na Nodratou Kawa na Luvei Noa
(1 Veigauna 1.5-23)
1Sa vakaoqo na veimataqali ni luve i Noa, ko Semi, ko Ame, kei Jefeca; ka sa sucu na luvedratou tagane, ni sa oti na waluvu.
2A luve i Jefeca; ko Komera, kei Mekoki, kei Metai, kei Javana, kei Tupali, kei Meseki, kei Tairasa. 3Ia na luve i Komera; ko Asikenasa, kei Rifaca, kei Tokama. 4Ia na luve i Javana; ko Ilaisa, kei Tasisi, kei Kitimi, kei Totenimi. 5Sa votai vei ira oqo na nodra veiyanuyanu na veimatanitu e na nodra veivanua; a tamata yadua me vaka na nodra duivosavosa, ka vaka na nodra veimataqali, e na nodra veimatanitu.
6Ia na luve i Ame; ko Kusa, kei Misireimi, kei Futi, kei Kenani. 7Ia na luve i Kusa: ko Sepa, kei Avila, kei Sapita, kei Reama kei Sapiteka. Ia na luve i Reama: ko Sepa kei Titana. 8A sa sucu ko Nimiroti na luve i Kusa; sa vakatekivu ko koya me tamata kaukauwa e vuravura. 9Sa yaco ko koya me tamata gumatua e na mata i Jiova e na dauvakasasa manumanu e yavai va; o koya oqo sa dautukuni kina, “Sa vakataki Nimiroti, ko koya na tamata gumatua e na mata i Jiova e na dauvakasasa manumanu e yavai va.” 10Ia nai tekivu ni nona matanitu ko Pepeli, kei Ireki, kei Akata, kei Kaline, e na vanua ko Saina. 11Sa lako tani yani ko koya mai na vanua ko ya ki Asiria, a sa tara na koro ko Ninive, kei na koro ko Riopoci, kei Kela, 12kei Risini, e na maliwa kei Ninive vata kei Kela; ko ya na koro levu. 13Ia na luve i Misireimi ko Lutimi, kei Anamimi, kei Leapimi, kei Nafituimi, 14kei Pacirusimi, kei Kasiluimi, (sa tubu mai kina na kai Filisitia,) kei Kapitorimi.
15Ia ko Kenani sa tama i Saitoni, na nona ulumatua, kei Eci, 16kei ira na Jepusaiti, kei ira na Amoraiti, kei ira na Kakesaiti, 17kei ira na Aivaiti, kei ira na Akaiti kei ira na Sainaite, 18kei ira na Avataiti, kei ira na Semaraiti, kei ira na Amataiti, ia e muri era sa tete yani na veimataqali ni luve i Kenani. 19Ia na nodra i yalayala na luve i Kenani sa tekivu mai Saitoni, e na sala ki Kira, ka yaco ki Qasa, e na sala sa lako vaka ki Sotoma, kei Komora, kei Atima, kei Sepoimi, ka yaco sara ki Lesa. 20Oqo na luve i Ame, me vaka na nodra veimataqali, kei na nodra duivosavosa, e na nodra veivanua, kei na nodra veimatanitu.
21Ia ko Semi, sa tamadra kecega na luve i Iperi, na tuakai Jefeca, sa sucu talega eso na luvena. 22A luve i Semi: ko Ilama, kei Asuri, kei Afakisati, kei Luti, kei Erami. 23Ia na luve i Erami: ko Usu, kei Uli, kei Keceri, kei Masi. 24Ia na luve i Afakisati ko Sela; ia na luve i Sela ko Iperi. 25Ia sa sucu na luve i Iperi e lewe rua na gone tagane: a yacana e dua ko Peleki, ni sa wase ko vuravura e na nona gauna; ia na yaca i tacina ko Jokitani. 26A sa luve i Jokitani ko Alimotati, kei Selefi, kei Esamaveci, kei Jera, 27kei Atorami, kei Usali, kei Tikila, 28kei Opali, kei Apimeeli, kei Sipa, 29kei Oferi, kei Avila, kei Jopapa; ko ira kecega oqo sa luve i Jokitani. 30Ia na nodra i tikotiko sa tekivu mai Mesa, mai na sala sa lakovi kina ki Sifari, e dua na ulunivanua mai na tokalau. 31Oqo na luve i Semi, me vaka na nodra veimataqali, me vaka na nodra duivosavosa, e na nodra veivanua, me vaka na nodra veimatanitu.
32Oqo na yavusa i Noa, me vaka na nodra veimataqali, e na nodra veimatanitu; a sa vota vei ira oqo na veimatanitu e vuravura, ni sa oti na waluvu.
Currently Selected:
Vakatekivu 10: FRV21
Highlight
Share
Copy
Want to have your highlights saved across all your devices? Sign up or sign in
