Cakacaka 3
3
Sa Vakabulai na Tamata Lokiloki
1Ia erau sa lako vata ko Pita kei Joni ki na vale-ni-soro e na aua sa dauia kina na masumasu, e na kenai kaciwa. 2A sa dua na tamata sa lokiloki mai na kete i tinana sa colati voli, ko koya era sa vakadavora e na veisiga e na mata ni katuba ni vale-ni-soro, sa vakatokai ko Lagilagi, me kere ka-ni-loloma vei ira sa curu ki na vale-ni-soro. 3Ni sa raici Pita kei Joni ko koya ni rau sa voleka ni curu ki na vale-ni-soro, sa kerekere vei rau me dua na ka-ni-loloma. 4A rau sa vakaraica matua ko Pita kei Joni, ka kaya, “Raici keirau mai.” 5A sa vakaraici rau vinaka ko koya, ni sa nanuma ena rawata mai vei rau e dua na ka. 6Sa qai kaya ko Pita, “A siliva kei na koula e sega ni tu vei au, ia na ka ga sa tu vei au ka’u na solia vei iko. E na yaca i Jisu Karisito na kai Nasareci, tu cake ka lako.” 7Sa qai taura na ligana i matau, a sa tubera cake; sa qai vakaukauwataki sara na yavana kei na nona qurulasawa. 8Sa qai rika cake ko koya ka wavu tu, ka lako voli, a sa curu vata kei rau ki na vale-ni-soro, a sa lako, ka rika, ka vakarokorokotaka na Kalou. 9A sa raici koya ko ira na tamata kecega, ni sa lako voli ka vakarokorokotaka na Kalou, 10a ra sa kila ni sai koya ka dautiko e na mata ni katuba ko Lagilagi, mai na vale-ni-soro, me kere ka-ni-loloma. A ra sa rere ka kurabui sara e na vuku ni ka sa qai yaco vua.
Vunau ko Pita e na Varada i Solomoni
11Ia ni sa tauri Pita kei Joni na tamata lokiloki sa qai vakabulai, era sa cici vata ko ira kecega na tamata kivei iratou ki na varada sa vakatokai Na Varada i Solomoni, a ra sa kurabui vakalevu. 12Ia ni sa raica ko Pita, sa kaya vei ira na tamata, “Oi kemudou na Isireli, dou sa kurabui e na ka oqo e na vuku ni cava? Se cava dou sa vakaraici keirau matua kina, me vaka sa neirau kaukauwa se yalododonu keirau sa vakayacora kina vei koya oqo me lako rawa? 13#Lako 3.15A Kalou i Eparaama, kei Aisake, kei Jekope, a nodra Kalou na noda qase, sa vakarokorokotaka na Luvena ko Jisu, ko koya dou a solia yani, ka cakitaka e na mata i Pailato, ni sa lewa ko koya me sereka. 14#Maciu 27.15-23; Mari 15.6-14; Luke 23.13-23; Joni 19.12-15Ia dou a cakitaki koya na Yalosavasava ka Dodonu, ka masuta me soli vei kemudou e dua na daulaba, 15ka dou a vakamatea na Vu-ni-bula, ko koya sa vakatura cake tale mai na mate na Kalou. Keitou sai vakadinadina e na ka oqo. 16Ia na yacana, e na vuku ni sa vakabauti na yacana, sa vakaukauwataki kina ko koya oqo, ko koya dou sa raica ka kila; io, ni sa vakabauti koya, sa soli vua na bula vinaka sara oqo e na matamudou vakaaduaga.
17“Ia oqo, koi kemudou na veiwekani, au sa kila ni dou a cakava ni dou sa sega ni kila, me vakataki ira talega na nomudou turaga. 18Ia na veika oqori sa vakatakila eliu na Kalou, e na gusudra kecega na nona parofita, ni na mate na nona Karisito, ka sa qai vakayacora vakakina ko koya. 19O koya mo dou qai veivutuni ka saumaki mai, me vakasavasavataki kina na nomudou i valavala ca, 20me yaco kina na gauna ni veivakaukauwataki mai na mata ni Turaga, ka me tala yani na Karisito ko koya, io ko Jisu ka vunautaki eliu vei kemudou, 21ko koya e dodonu me tiko mada ga mai lomalagi me yacova na gauna sa vakataucokotaki kina na ka kecega me vaka e vosa kina na Kalou e na gusudra kece na nona parofita yalosavasava e na gauna makawa. 22#Vrua 18.15,18Ni sa dina sa kaya ko Mosese, ‘Ena vakatubura cake vei kemudou ko Jiova na nomudou Kalou, mai vei ira na wekamudou, e dua na parofita me vakataki au. Ko koya oqo mo dou na vakarogoca na ka vakaaduaga ena tukuna vei kemudou. 23#Vrua 18.19Ia ena yaco, a tamata yadua sa na sega ni vakarorogo vua na parofita ko ya, ena vakarusai tani mai vei ira na tamata.’ 24Ia ko ira talega na parofita kecega, sa kenai vakatekivu ko Samuela kei ira talega sa tarava, ko ira kecega era sa vosa, era sa tukuna eliu na gauna oqo. 25#Vteki 22.18Oi kemudou sa luvedra na parofita, kei na vosa ni veiyalayalati ka cakava na Kalou vei ira na noda qase, ni sa kaya vei Eparaama, ‘Ena kalougata na veimataqali kecega e vuravura e na vuku ni nomu kawa.’ 26Sa tala na Luvena ko Jisu na Kalou, ka liu vei kemudou, ni sa vakatura cake, me vakalougatataki kemudou, ni sa saumaki kemudou yadua mai na nomudou i valavala ca.”
Currently Selected:
Cakacaka 3: FRV21
Highlight
Share
Copy
Want to have your highlights saved across all your devices? Sign up or sign in
