Cakacaka 13
13
E Rau sa Digitaki ka Talai ko Panapasa kei Saula
1A sa tiko vei ira nai soqosoqo lotu mai Anitioki eso na parofita kei nai vakavuvuli, ko iratou ko Panapasa, kei Simione, na yacana talega ko Nikeri, kei Lusiu na kai Kirini, kei Manaini, ko koya erau sa susugi vata kei Eroti na turaga, kei Saula. 2Ia ni ratou sa cakacaka vua na Turaga, ka lolo tiko, sa kaya na Yalo Tabu, “Lesi rau mai vei au ko Panapasa kei Saula ki na cakacaka ka’u sa kacivi rau kina.” 3Ni ratou sa lolo ka masu oti, eratou sa qai tabaki rau e na ligadratou, a ratou sa talaki rau yani.
Mai Saipurusi
4Ia koi rau oqo ni sa vakatalai rau na Yalo Tabu, erau sa lako ki Selusia; a rau sa qai soko tani mai kina ki Saipurusi. 5Ia ni rau sa tiko mai Salamisa, erau sa vunautaka na vosa ni Kalou e na nodra veivalenilotu na Jiu. A sa veivuke vei rau ko Joni. 6Ia ni ratou sa lakova taucoko na yanuyanu ka yaco ki Pafo, eratou sa qai kunea e dua na dauvakadraunikau, a parofita vakailasu, a Jiu, a yacana ko Pari-Jisu. 7Erau sa tiko vata kei na kovana ni vanua, ko Serikiu Paula, a tamata yalomatua, ko koya sa kacivi Panapasa kei Saula, a sa via rogoca na vosa ni Kalou. 8Ia sa tarovi rau ko Elima na dauvakadraunikau (oqo nai balebale ni yacana), ka sa vakatovolea me saumaka tani na kovana me kakua ni vakabauta. 9Ia ko Saula, ko koya talega ko Paula, ni sa sinai e na Yalo Tabu, sa vakaraici koya matua 10ka sa kaya, “Ko iko ka sinai e na dauveivakaisini kece kei na ca kecega, a luve ni tevoro, a meca ni ka kecega e dodonu, ko na sega beka ni muduka na nomu dauvukica nai naki dodonu ni Turaga? 11Ka mo rogoca oqo—sa bikai iko na cudru ni Turaga, ko na mataboko kina, mo sega ni raica rawa na mata-ni-siga me oti mada na siga eso.” A sa lutu vakasauri vei koya na kabukabu kei na butobuto, ka sa vakayayamo voli ni sa vakasaqara eso me tuberi koya. 12Ni sa qai raica na kovana na ka sa yaco, sa vakabauta, ni sa kurabui e nai vakavuvuli ni Turaga.
Ko Paula kei Panapasa mai Anitioki e Pisitia
13Ni sa biuti Pafo ko Paula kei iratou sa lako vata kaya, eratou sa soko sara ki Perika mai Pamifilia. A sa biuti rau ko Joni, ka lesu tale ki Jerusalemi; 14ia ni rau sa lako tani e Perika, erau sa yaco yani ki Anitioki mai Pisitia. A rau sa curu ki na valenilotu e na Siga ni Vakacecegu, ka rau sa tiko sobu. 15Ia ni sa wili oti nai vola ni vunau kei ira na parofita, sa qai talaki vei rau ko ira na turaga ni valenilotu, ka kaya, “Oi kemudrau na veiwekani, kevaka e tu vei kemudrau e dua na vosa ni vakavuvuli vei ira na tamata, tukuna ga mai.” 16Sa qai tucake ko Paula, a sa vakatabataba, ka kaya:
“Oi kemuni na Isireli, kei kemuni sa rerevaka na Kalou, ni vakarorogo mai. 17#Lako 1.7; 12.51Na nodra Kalou na tamata oqo, io na nodra na Isireli, sa digitaki ira oti na noda qase, ka sa vakalevui ira na tamata, ni ra sa tiko vulagi mai na vanua ko Ijipita, ka sa kauti ira mai kina e na ligana kaukauwa. 18#Tiko 14.34; Vrua 1.31Ia ni sa vosota ko koya na nodra i valavala e na loma ni vanua lala ka yabaki vasagavulu. 19#Vrua 7.1; Josua 14.1Ni sa vakawabokotaka oti na matanitu e vitu e na vanua ko Kenani, sa qai vota vei ira na nodra vanua. 20#Dvei 2.16; 1Samu 3.20Sa oti oqo, sa qai lesia eso na turaganilewa ka yabaki va na drau ka limasagavulu, a sa yacovi Samuela na parofita. 21#1Samu 8.5; 10.21Sa oti oqo, era sa qai gadreva me dua na nodra tui; a sa soli Saula vei ira na Kalou, ko koya sa luve i Kisi, a tamata e na yavusa i Penijamini, ka yabaki vasagavulu. 22#1Samu 13.14; 16.12; Same 89.20Ia ni sa kauti koya tani, sa qai vakatuburi Tevita me nodra tui; a sa tukuni koya talega, ka kaya, ‘Au sa kunei Tevita na luve i Jese, a tamata sa vaka na lomaqu, ko koya ena cakava kecega na noqu lewa.’ 23Mai na nona kawa, me vaka na vosa ni yalayala, sa vakatubura na Kalou vei ira na Isireli nai Vakabula, ko Jisu. 24#Mari 1.4; Luke 3.3Ni se bera na nona lako mai, a sa vunautaka taumada ko Joni na papitaiso ni veivutuni kivei ira kecega na Isireli. 25#Maciu 3.11; Mari 1.7; Luke 3.16; Joni 1.20,27Ia ni sa vakaotia tiko na nona cakacaka ko Joni, sa kaya, ‘Kemuni sa nanuma se ko cei koi au? Au sa sega ni o koya. Ka raica, e dua sa muri au mai, ia nai vava ni yavana, ka’u sa sega ni yaga me’u sereka.’
26“Oi kemuni na veiwekani, na kawa i Eparaama, kei ira kecega vei kemuni sa rerevaka na Kalou, sa talai vei keda na vosa ni bula oqo. 27Ko ira era sa tiko mai Jerusalemi, kei na nodra turaga, ni ra sa sega ni kilai koya, se na nodra vosa na parofita sa wili e na veisiga ni vakacecegu, era sa vakayacora ni ra sa lewai koya me mate. 28#Maciu 27.22,23; Mari 15.13,14; Luke 23.21-23; Joni 19.15Ka sa dina era sa sega ni kunea e dua na ka sa dodonu me mate kina, ia era sa masuti Pailato me vakamatei ko koya. 29#Maciu 27.57-61; Mari 15.42-47; Luke 23.50-56; Joni 19.38-42Ia ni ra sa vakayacora oti na ka kecega sa volai e na vukuna, era sa kevutaka sobu mai na kau, ka buluta e na dua nai bulubulu. 30A sa vakaturi koya cake tale mai na mate na Kalou; 31#Caka 1.3ka bogi vuqa sa rairai kina ko koya vei ira era a lako vata kaya mai Kalili ki Jerusalemi, a sa dautukuni koya ko ira oqori vei ira na tamata. 32#Same 2.7Ia keirau sa tukuna vei kemuni nai tukutuku vinaka ni yalayala ka caka vei ira na qase, 33ni sa vakayacora na Kalou vei keda na luvedra, ni sa vakatuburi Jisu cake tale ko koya; me vaka na ka sa volai e nai karua ni Same,
‘Ko iko na Luvequ,
au sa vakatuburi iko e na siga oqo.’
34 #
Aisea 55.3
Ia e na vuku ni sa vakaturi koya cake mai na mate, me kakua ni vuca tale, sa kaya vakaoqo ko koya,
‘Au na solia vei kemudou na veika sa yalataki dina vei Tevita.’
35 #
Same 16.10
Ka sa kaya talega kina ko koya e na dua tale na Same,
‘O na sega ni laiva na nomu Le dua sa yalosavasava me vuca mai.’
36Ia ko Tevita, ni sa qarava oti na nona i tabatamata me vaka na lewa ni Kalou, sa qai moce, a sa buluti vata kei ira na nona qase, a sa vuca mai; 37ia ko koya sa vakatura cake tale na Kalou, sa sega ni vuca mai. 38O koya oqo mo ni kila, na veiwekani, ni sa vunautaki vei kemuni na kena vosoti nai valavala ca e na vukuna oqo; 39e na vukuna talega sa vakadonui kina ko ira kecega era sa vakabauta, e na ka kecega, ko ni sa sega ni vakadonui rawa kina e na vunau i Mosese. 40O koya oqo mo ni qai raici kemuni vinaka, de yaco vei kemuni na ka sa vosa kina ko ira na parofita:
41 #
Apa 1.5
‘Raica, koi kemudou sa daubeca,
ia mo dou kidacala ka rusa,
ni’u sa kitaka e dua na cakacaka e na nomudou gauna,
a cakacaka dou na sega sara ni vakadinata, kevaka sa dua e tukuna vei kemudou.’ ”
42Ia ni ra sa curu tiko yani, era sa kerekere me vunautaki vei ira na vosa oqo e na Siga ni Vakacecegu sa tarava mai. 43Ia ni ra sa suka tani ko ira na soqoni vata, sa lewe vuqa na Jiu kei na tamata sa lotu vaka-Jiu, era sa muri Paula kei Panapasa, e rau sa vosa vei ira, ka vakarota vei ira, me ra taura deivaka na loloma ni Kalou. 44Ia e na Siga ni Vakacecegu sa muri, sa vo vakalailai me oti kecega na lewe ni koro ni ra sa soqoni vata me rogoca na vosa ni Kalou. 45Ia ni ra sa raica ko ira na Jiu era sa lewe vuqa, era sa sinai e na vuvu, a ra vakalasuya na veika sa tukuna ko Paula, ka vosavakacacataka. 46A rau sa qai doudou ko Paula kei Panapasa, ka kaya, “E dodonu ga me vunautaki eliu vei kemudou na vosa ni Kalou. Ia ni dou sa biuta tani vei kemudou, ka lewai kemudou mo dou sega ni yaga mo dou bula tawa mudu, raica, keirau sa lako vei ira sa matanitu tani. 47#Aisea 42.6; 49.6Ni sa vakarota vakakina vakaoqo vei keitou na Turaga,
‘Au sa vakaturi iko mo nodra rarama na veimatanitu,
mo yaco mo vu ni bula ki nai yalayala kei vuravura.’ ”
48Ia ni ra sa rogoca ko ira sa matanitu tani, era sa reki, a ra sa vakarokorokotaka na vosa ni Turaga; ia sa vakabauta ko ira kece era sa vakarau tu me vinakata na bula tawa mudu. 49A sa kuruvaki na vosa ni Turaga ki na veiyasana kecega oqori. 50A ra sa vakauqeti ira na yalewa lotu, kei ira na marama, kei ira na turaga ni koro, ko ira na Jiu, a ra sa vakatubura na dauveivakacacani vei rau ko Paula kei Panapasa, ka vakasevi rau tani e na nodra yasana. 51#Maciu 10.14; Mari 6.11; Luke 9.5; 10.11A rau sa kureitaka vei ira na soso mai na yavadrau, a rau sa lako ki Ikoniona. 52Ia ko ira sa lotu era sa sinai e na marau kei na Yalo Tabu.
Currently Selected:
Cakacaka 13: FRV21
Highlight
Share
Copy
Want to have your highlights saved across all your devices? Sign up or sign in
