लूका 20

यीशु हक पुठ सवाल

1यक रोज ईं भु कि जिखेईं यीशु देहेर अन्तर मेह्‍णु शिचालण लगो थिआ त खुश खबरी शुणाण लगो थिआ तिखेईं मुख्य पुजारे, धर्मशास्त्री त टजे स्याणे जुएई साते#20:1 ए दल पूरे टजे प्रतिनिधि मिआई कइ बणो थी। इस दल जे शयद “सिन्‍हेड्रीन” बोतेथ। ए सोबी केआं ज्यादा ताकतवर यहूदी मेह्‍णु के शासन करणे बाड़ा दल थिआ, जे रोमी मेह्‍णु छड़ दुतो थिए। ए दल कोउं दोषी मरणे सज्जा पाणे लेएक असा त कोउं नेईं तस ठीक कतीथ त पता रोमी सपाही के धे दी छतेथ। तसे भेएड़ एई कइ खड़ी गे,#लूका 19:47 2त बोलुण लगे, “असी जे बोल, तु एन्हि सोब कमी कोस हक जुए कता त से कोउं भो जेन तेन्धे ए हक दुतो असा?” 3तेन तेन्हि जे बोलु, “अउं बि तुसी केईआं यक सवाल पुछता। मोउं बताए। 4यूहन्ने मेह्‍णु चुसुणे हक स्वर्गे कनारा थिआ या मेह्‍णु के कनारा थिआ?” 5तिखेईं से अपफ बुच बोलुण लगे, “अगर अस बोलुण ‘स्वर्गे कनारा थिआ’ त से असी जे बोता, ‘त फिर तुसी तेसे बोकी पुठ विश्वास किस ना किआ?’ 6होर अगर अस बोलियेल ‘मेह्‍णु के कनारा’ त सोब मेह्‍णु असी पुठ मरण तकर घोड़िआ देन्ते।#20:6 यहूदी मेह्‍णु के ई रिवाज थिआ कि जेस बि मरणे डन मेताथ, तस सम्हाई मेह्‍णु किठे भोई कइ घोड़िआई घोड़िआई कइ मार छतेथ। पुजारोठि 20:27; यूहन्ना 8:3-7; 10:33 किस कि ए सोब मानते कि यूहन्ना यक भविष्य वक्ता थिआ।” 7पता, तेन्हि बोलु, “असी नेईं पता, से केसे कनारा थिआ।” 8त यीशु तेन्हि जे बोलु, “तोउं अउं बि ना बोता कि अउं इन्हि सोब कम केस हक जुए कता।”

दुष्ट आधिबाड़े कथा

मत्ती 21:33-46; मरकुस 12:1-12

9तोउं यीशु मेह्‍णु जे ई कथा शुणाण लगा : “केनि मेह्‍णु दछि बगिंचा ला त कुछ मेह्‍णु कें धे आधी दी कइ सुआ रोजी लिए परदेश घेई गा। 10जिखेईं दछि पक्की गई त तेन यक नौखर तठि आधिबाड़े केईं लंघा कि से कुछ दछि तसे धे दी छड़ियेल। पर आधिबाड़े से मडी कइ खाली हतेउ वापस लंघाई छड़ा। 11तोउं तेन यक होरा नौखर लंघा। तेन्हि से बि मडी कइ त तसे बेज्जती कर कइ खाली हतेउ वापस लंघाई छड़ा। 12तोउं बि तेन टेका नौखर लंघा। तेन्हि से बि घायल कर कइ बाहर किढ़ छड़ा। 13तोउं तेस बगिंचे मालिके बोलु, ‘मोउं की करुं? अउं अपु इकलौता ट्यारे कुआ लंघान्ता। शयद से एस हेर डरियेल।’ ईं सोच कइ तेन अपु कुआ लंघाई छड़ा। 14जिखेईं आधिबाड़े से का त से अपफ बुच मेझर करण लगे, ‘एईएं त हकदार भो; चले अस एस मार छते, तोउं ए धन दौलत हें भोई घेन्ति।’ 15तोउं तेन्हि से बगिंचे केआं बाहर किढ़ कइ मार छड़ा। त इए शुणे! तोउं दछि बगिंचे मालिक तेन्हि जुए की कता? 16से एई कइ तेन्हि आधिबाड़ी मुकाई छता त दछि बगिंचा केसे होरी कें धे दी छता।”

एस शुण कइ कथा शुणणे बाड़ी बोलु, “परमेश्वर करियेल, इ ना लौतु भुओ।” 17त तेन तेन्के धे हेर कइ बोलु, “तोउं ई किस परमेश्वरे नियम अन्तर लिखो असु? एसे मतलब की असु?

‘जे घोड़ मिस्त्री रेज समझ कइ फटओ थिआ,

सेईंए कुणे खास घोड़ बण गा।’#20:17 कुणे खास घोड़ से भिन्थ जे गीहे खाई देन्ते टेम सोबी केआं पेहले छते। ए घोड़ सुसुर लौता किस कि होरे घोड़ इस जुए जोड़िन्तु त इस पुठ टिगेईंन्‍ते। अगर ए उन्न खड़ि भुन्ता त गीहे खाई त पूरु गी बि तिहांणि भुन्तु।#छुआंरी 118:22-23

18‘जे एस घोड़ पुठ झड़ता, से चूर चूर भोई घेन्ता;

होर जेस पुठ ए घोड़ झड़ता, से ढची घेन्ता।’”

कैसरे धे मामला देण

मत्ती 22:15-22; मरकुस 12:13-17

19तिखेईंए मुख्य पुजारे त धर्मशास्त्री यीशु टाणे कोशिश की, किस कि से समझ गो थिए कि तेन तेन्के खिलाफ ए कथा शुणाई। पर से मेह्‍णु हेर डर गे। 20होर से तसे गैशि अन्तर बिश गे, त सपाही तसे पतूं लंघाई छड़े ताकि से तसे कोई गलत बोक टाइ कइ तस रोमी अधिकारी हक अन्तर दी छड़ियेल कि से तस दोषी करे। 21त तेन्हि तस केआं पुछु, “ए गुरु, असी पता असा कि तु जीं बि बोता यकदम ठीक बोता त मेह्‍णु बि शिचालता। होर बजन केहर-बेहरी परमेश्वरे बत हंटणे बोके सच्चाई जोई शिचालता। 22त छने असी बताण दिए कि रोमी मेह्‍णु के राजा कैसरे धे मामला देण ठीक असु कि नेईं?” 23पर तेन तेन्के चलाकी हेर कइ तेन्हि जे बोलु, 24“यक मेलकी मोउं हराले। इस पुठ केसे छाप त नओं असु?” तेन्हि बोलु, “कैसरे” 25त तेन तेन्हि जे बोलु, “त जे कैसरे भो तस कैसरे धे दिए; त जे परमेश्वरे भो, तस परमेश्वरे धे दिए।” 26तेन मेह्‍णु के साम्हाणि जे किछ बि बोलु, तेन्हि तेस अन्तर कोई गलती किढ़ न बटी। पर तसे बोकी बइ हैरान भोई कइ चुप रेही गे।

दुबारी जीण त ब्याह

मत्ती 22:23-33; मरकुस 12:18-27

27तोउं सदूकी#20:27 “सदूकी” मेह्‍णु यक दले नओं असु जे यहूदी मेह्‍णु के बुच फरीसी दल केईआं बि सुआ ताकतवर थिए। से देहरे त अपु टजोटी जेसे “सिन्‍हेड्रीन” बोते, तथ खरा हक रखतेथ। ए होरे यहूदी नेता केआं ज्यादा रोमी अधिकारी जुए सुसुर बरतान्‍तेथ। नओएं यक होरे दले मेह्‍णु, जे बोते कि मुओ मेह्‍णु कदी दुबारी ना जीं सकते, यीशु भेएड़ एई कइ पुछु, 28“ए गुरु, मूसा असी जे ई लिखो असु कि अगर बगैर गभुर कोई भाई मर घेन्ता त तसे भाई तसे जुएली टोप दी कइ अपु भाई जे गभुर जमाणण। 29अब बोक इ असी कि सत भाई थिए। तेन्हि बुचा पेहला भाई ब्याह कर कइ बगैर औलाद मर गा। 30-31तोउं दोका, त टेका बि बजन गभुर मरी गे। इहांणि सतो भाई बजन गभुर मर गे। 32पता से जिल्हाणु बि मर गई। 33तोउं त, दुबारी जी कइ से केसे जुएली बणती? किस कि तेन सतोही जुए ब्याह किओ थिआ?” 34यीशु तेन्हि जे बोलु, “इस जुगे मेह्‍णु के ब्याह त भुन्ता 35पर जे मेह्‍णु एणे बाड़े जुग अन्तर जीणे लेएक भुन्ते, से ना त ब्याह कते, होर ना करेईन्ते। 36से दुबारी मरते बि नोउ; किस कि से स्वर्गेदूते ईं भुन्ते त मरण केआं दुबारी जी कइ हरालते कि से परमेश्वरे गभुर भो। 37पर ए बोक कि मरो मेह्‍णु बि जी घेन्ते मूसे जाओ किय्हामिलि कथाई बेलि बोलो असी कि से प्रभु जे ‘अब्राहमे परमेश्वर, त इसहाके परमेश्वर होर याकूबे परमेश्वर’ बोता।#20:37 अब्राहम, इसहाक त याकूब मूसा केआं सुआ साल पेहले मरी गो थिए। पर यीशु ई बोता कि से अभेईं बि जीन्ता असे। निसुणे 3:6 38परमेश्वर मुड़दी के ना, बल्कि जीन्ते मेह्‍णु के परमेश्वर भो। किस कि तसे भेएड़ सोब जीन्ते असे।” 39तपल ईं शुण कइ धर्मशास्त्री बुचा केहि बोलु, “ए गुरु, तुसी खरु बोलु।#20:39 सदूकी ई ना मानतेथ कि मुओ मेह्‍णु दुबारी जीन्ते। पर फरीसी एस विश्वास कतेथ। इस बोकी पुठ सदूकी त फरीसी झगड़ीन्‍ते रेहन्तेथ। धर्मशास्त्री अन्हि दुई दले केआं थिए। त शयद केनि फरीसी दले धर्मशास्त्री यीशु बोलुण पुठ शबाशि दिती। प्रतिनिधि 23:6-8; लूका 20:46” 40त तेन्हि तस केआं कुछ पुछणे हिम्मत ना भुई।

मसीह केसे कुआ भो?

मत्ती 22:41-46; मरकुस 12:35-37

41तोउं यीशु तेन्हि केआं पुछु, “मसीह जे राजा दाऊदे गभुर कीं बोते? 42किस की दाऊदे अपफ छुआरि के कताब अन्तर लिखो असु”,

प्रभु परमेश्वरे में प्रभु जे बोलु,

43जोउं तकर अउं तें दुश्माणी तें खुर पड्डे ना छइ छउं,

तोउं तकर तु में सुमले कना#20:43 इज्जत त ताकते जगाह बिश।#छुआंरी 110:1

44“दाऊद त तस जे प्रभु बोता त फि से तसे कुआ कीं भुआ?”

कपटी के शिक्षाई केआं खबरदार

मत्ती 23:1-12; मरकुस 12:38-40

45जिखेईं सोब मेह्‍णु शुणुण लगो थिए त यीशु अपु चेली जे बोलु, 46“तेन्हि धर्मशास्त्री केआं समोझि बिशे, जे लम्मे लम्मे झिणे लाई कइ#20:46 यहूदी मेह्‍णु अपफ जे बोडे धर्मी त नेक हरालण जे लम्मे लम्मे झिणे डबतेथ। डालण बिश्ते। बाजार अन्तर सोबी केआं ‘नमस्ते जी’ शुणुण चहन्ते। से अराधनालय अन्तर त धामी बुछ बिशुण जे अब्बल अब्बल जगाह तोपते। 47से विधवाई के गी उजाड़ते, त मेह्‍णु हरालण जे चेरे तकर प्रार्थना कते। अन्हि सुआ डन मेता।”

Currently Selected:

लूका 20: pgg

Highlight

Copy