यूहन्ना 8

पापी जिल्हाणु त यीशु

1पर यीशु जैतुने फाट पुठ गा। 2त पथवारी देहेर अन्तर आ, त सम्हाई मेह्‍णु तस केईं ए। से भीं बिश कइ तेन्हि शिक्षा देण लगा।

3तपल धर्मशास्त्री त फरीसी यक जिल्हाणु अण्ही, जे तेन्हि होर मेह्‍णु जुए टातो थी। तस बीचो बुच खड़ कर कइ तेन्हि यीशु केआं पुछु 4“ए गुरु! असी ए जिल्हाणु नाजायज रिश्ता रखते टातो असी। 5मूसे नियम अन्तर त असी जे निआंग असी कि ईं जिल्हाणु घोड़िआई घोड़िआई मारीण।#पुजारोठि 20:10; विधि 22:22-24 पर तु इस जिल्हाणु बारे की बोता?” 6तेन्हि तस खरे चलाक जुए गलत बोलुण जे ई पुछु, ताकि तेस पुठ दोष लाई बटियेल। पर यीशु उनकुशी कइ भीं लिखुण लगा।

7जपल से तस पुछुण लगे त तेन सुसुर भोई कइ तेन्हि जे बोलु, “तुं बुच जेन कदी पाप नेईं किओ, पेहले तस घोड़े देण दिए।” 8तोउं दुबारी से उनकुशी कइ अपु अंगुलु बइ लिखुण लगा।

9पर तसे ई बोक शुण कइ बुढे केआं गभुर तकर सम्हाई यक यक कइ तठिआ नश गे, त यीशु अकेला रेही गा। से जिल्हाणु बुच खड़ खड़ थी। 10यीशु सुसुर भोई कइ तस जे बोलु, “जिल्हाणुआ! से सम्हाई को गे? तोउ पुठ कि केनि कोई दोष ना ला ना?” 11त तेन तस जे बोलु, “ए प्रभु, केनि ना।” त यीशु तस जे बोलु, “अउं बि कोई दोष ना लान्ता। गा त दुबारी कदी पाप ना कर!”]

यीशु, धरती टगड़ियार

12पता, यीशु दुबारी मेह्‍णु जे बोलुण लगा, “अउं धरती टगड़ियार भो; जे में पतोती एन्ता, से कदी अन्हारे अन्तर ना हंटता। पर से टगड़ियार तस जीवने बथ हरालती।”#मत्ती 5:14; यूहन्ना 9:5 13त फरीसी तस जे बोलु, “तु अपफ अपु उगाही देन्ता; त तें उगाही कोई ना मानता।”#यूहन्ना 5:31 14यीशु तेन्हि जे जवाब दी कइ बोलु, “अउं अपु उगाही अपफ बि दिउं त, तोउं बि से सही असी, किस कि मोउं पता असा कि अउं कोठिआ अओ असा त को जे घेन्ता। पर तुसी पता नेईं कि अउं कोठिआ अओ असा त को जे घेन्ता। 15तुस इस धरती हेसाब जुए पंची कते; पर अउं केसे पंची ना कता। 16अगर अउं पंची बि करुं तोउं बि में पंची सच्ची असी; किस कि अउं अकेला ना कता, अउं त में बोउ जेन अउं लंघो असा, अस दुहिए कते। 17तुं नियम अन्तर बि ई लिखो असु कि दुई उगाही के कोई बि बोक पक्की भुन्ति।#विधि 19:15 18यक उगाह त अउं अपफ असा, होरा उगाह में बोउए असा जेन अउं लंघो असा।” 19तेन्हि तस केआं पुछु, “तें बोउ कोठि असा?” त यीशु तेन्हि जे बोलु, “अगर तुसी में पता भुन्ताथ त में बोउए बि पता भुन्ताथ।” 20ई सोब बोक तेन देहरे बहोड़ भण्डार भेएड़े शिक्षा देण टेम बोली, पर केनि से ना टाता; किस कि तसे टेम अपल तकर नेओथ अओ।

21तेन तोउं तेन्हि जे बोलु, “अउं घेन्ता, त तुस मोउं तोपते त अपु पापे बजन माफी मरते। जेठि अउं घेन्ता, तठि तुस एई ना सकते।” 22त यहूदी नेते अपफ बुच बोलु, “ए कि अपु मारणी मरता ना त किस बोता, ‘जेठि अउं घेन्ता, तठि तुस एई ना सकते।’” 23त तेन तेन्हि जे बोलु, “तुस उन्‍होरी भीन्‍थ, त अउं खड़ोरिया अओ असा। तुस धरती भीन्‍थ, पर अउं धरती ना भो। 24तोउं त मेईं तुसी जे बोलु कि तुस अपु पापे बजन माफी मरते। अगर तुस विश्वास ना कते कि ‘अउं सेईंए भो#8:24 अउं सेईंए भो जपल मूसा मिदियान देश अन्तर पुहाल बण कइ जीण लगो थिआ, तपल पेहली बार परमेश्वरे यक जाओ किय्हामिलि अन्तरा तस जोई बोक की। मूसे जपल पुछु कि “तुस कोउं भिन्थ?” परमेश्वरे तस जे जवाब दिता, “अउं सेईंए भो।” मतलब जे अउं पेहले थिआ, से अभेईं बि असा। (निसुणे 3:14)’, त तुस अपु पापे बजन माफी मरते।” 25त तेन्हि तस केआं पुछु, “तु कोउं भो?” यीशु तेन्हि जे बोलु, “जीं अउं शुरुवात केआं बोता अओ असा, ‘अउं सेईंए भो’। 26तुं बुराई बारे मोउं सुआ बोलुण त पंची बि करीण असी। पर अउं ना कता। किस कि अउं सद सेईंए बोता, जे मेईं तस केआं शुणो असु, जेन अउं लंघो असा। से सच्चा असा।”

27पर से ईं ना समझे कि यीशु तेन्हि जे परमपिता परमेश्वरे बारे बोलुण लगो असा। 28त यीशु तेन्हि जे बोलु, “जपल तुस मनखे कुआ खड़िया ढनान्ते, तपल तुसी पता लगता कि ‘अउं सेईंए भो’ त अउं अपफ कुछ ना कता, पर जीं बोउ शिचालता, तीं अउं बोक कता। 29त जेन अउं लंघो असा, से मोउं जोई साते असा; तेन अउं अकेला नेईं छोओ, किस कि अउं हमेशा सेईंया कम कता, जे तस खुश कते।” 30यीशु ई बोलुण लगो थिआ कि सुआ मेह्‍णु तस पुठ विश्वास किआ।

सच्चाई अजाद कती

31तपल यीशु तेन्हि यहूदी मेह्‍णु जे बोलु, जेन तसे बोक मनो थी, “अगर तुस में बोक मानते रेहन्ते त तुस सच्चे में चेले बणते। 32तुसी सच्चाई पता लगता, त से सच्चाई तुसी अजाद कती।” 33त तेन्हि तस जे बोलु, “अस अब्राहमे ऊड़ी भो#मत्ती 3:9; लूका 3:8 त कदी केसे गुलाम नेईं बणो; त तु कीं बोता कि असी अजादी मेती?” 34यीशु तेन्हि जे बोलु, “अउं तुसी जे बोता कि जे बि पाप कता, से पापे गुलाम भो। 35त गुलाम हमेशा गी ना बिश्ता; पर कुआ बिश्ता। 36त अगर कुआ तुसी अजाद कता, त तुस सच्चे अजाद भोई घेन्ते। 37मोउं पता असा कि तुस सम्हाई अब्राहमे ऊड़ी भो; तोउं बि तुस मोउं मारण चहन्ते, किस कि में बोक पुठ विश्वास करणे तुं मन नेईं। 38अउं तसे बोता, जे अपु बोउ परमेश्वर केईं काओ असु, त तुस तसे कते, जे तुस अपु बोउ केआं शुणते।”

39त तेन्हि तस जे जवाब दिता, “हें बोउ अब्राहम भो।” त यीशु तेन्हि जे बोलु, “अगर तुस सच्चे बि अब्राहमे गभुर भुन्तेथ त तुस बि तसे ईं कम कतेथ। 40पर तुस त मोउं मारण चहन्ते, जे तुसी परमेश्वर केआं शुणो सच्चा वचन शुणान्ता। अब्राहमे त कदी ईं किओरु नेओथ। 41पर तुस अपु बोउए ईं कम कते।” त तेन्हि तस जे बोलु, “अस तें ईं हलड़ नेईं जमो; हें यके बोउ असा, जे परमेश्वर भो।” 42त यीशु तेन्हि जे बोलु, “अगर परमेश्वर तुं बोउ भुन्ताथ त तुसी अउं बि ट्यारा भुन्ताथ; किस कि अउं परमेश्वर केआं अओ असा। अउं अपफ नेईं अओ, पर परमेश्वरे अउं लंघो असा। 43तुसी में बोक तोउं ना समझ एन्ती किस कि तुस में बोक ना मानते। 44तुसी सम्हाई के बोउ शैतान भो त तुस तसे इच्छाई मुताविक जीण पसंद कते। से त शुरुवात केआं ईं मेह्‍णुमार असा#रोमी 5:12 त तस कदी परमेश्वरे सच्चा वचन ट्यारे ना लगे, किस कि सच्चाई तस अन्तर नेईं। जपल से झूठ बोता, त अपु सभावे हिसाब जुए बोता किस कि से झूठा असा त झूठ बोलुणे बाड़ी के बोउ असा। 45तोउं त जपल अउं सच्चाई बतान्ता, त तुस मोउं पुठ विश्वास ना कते। 46तुं बुच कि कोई बि में दोष किढ़ बटता ना? त अगर अउं सच्चु बोता त तुस मोउं पुठ विश्वास करिये लौता। 47जे परमेश्वर केआं असा, से परमेश्वरे बोक शुण कइ मानता। पर तुस तोउं शुणुण नेईं लगो, किस कि तुस परमेश्वर केईआं नेईं।”

यीशु अब्राहम केआं बि बोडा

48ई बोक शुण कइ यहूदी नेती तस जे बोलु, “कि असी ठीक ना बोलु ना कि तु यक सामरी#8:48 यूहन्ना 4:9 हेरे त यूहन्ना 4:5 पाद टिप्पणी बि हेरे। ईं असा त तें अन्तर दुष्ट आत्मा असी।” 49यीशु तेन्हि जे बोलु, “मोउं अन्तर कोई दुष्ट आत्मा नेईं। पर अउं अपु बोउए इज्जत कता त तुस में बेज्जती कते। 50अउं अपु शान ना चहन्ता, पर यक असा जे में शान चहन्ता। से सम्हाई के पंची कता। 51अउं तुसी जे बोता कि जे मेह्‍णु में बोक मानता, से कदी मरते नउ,#8:51 यीशु इठि जिसमे मरणे बारे नेईं, बल्कि आत्मा अन्तर मरणे बारे बोलुण लगो असा जी तेन यूहन्ना 3:16; 5:24; 6:47 अन्तर बुलो असु। पर तेन्हि अमर जीवन मेता।” 52त यहूदी नेती तस जे बोलु, “अब असी पता चला कि तें अन्तर सच्चे बि दुष्ट आत्मा असी; किस कि अब्राहम त जाई कपल मरि गो असा, भविष्य वक्ते बि जाई कपल मरि गो असे त तु बोता कि ‘अगर कोई में बोक मनाल त से अमर भोई घेन्ता, त कदी ना मरता।’ 53हें लकड़ दादु अब्राहम त मर गा, त तु कि तस केआं बि बोडा असा ना? भविष्य वक्ते बि मर गे, त तु अपफ जे की समझता?” 54यीशु जवाब अन्तर बोलु, “अगर अउं अपफ अपु इज्जत कता त में इज्जत कुछ नेईं। पर में इज्जत करणे बाड़ा में बोउ असा, जेस तुस ‘हें परमेश्वर’ बोते। 55पर तुस तस ना जाणते, अउं जाणता। अगर अउं बोता कि ना, तसे मोउं पता नेईं, त अउं बि तुं ईं झूठा बणता। पर अउं तस जाणता त तसे बोक मान कइ जीन्ता। 56में धरती पुठ बिशणे रोज हेरण जे तुं लकड़ दादु अब्राहम सुआ हप्पड़िये थिआ, त तेन काओ बि त सुआ खुश भुआ।” 57तेन्हि यीशु जे बोलु, “तोउ होता पंझा साल बि नेईं भो, त तु बोता कि अब्राहम काओ असा।” 58यीशु तेन्हि जे बोलु, “अउं तुसी जे बोता कि अब्राहम जमुण केईआं पेहलाई अउं असा।”#निसुणे 3:13,14 59तपल तेन्हि तस मारण जे घोड़ टाते#8:59 किस कि यीशु अपफ परमेश्वरे जोई बराबरी किओ थी, त जीं मूसे पुजारोठि 24:13-16 अन्तर बुलो असु, तीं तेन्हि घोड़िआ दी कइ यीशु मरणे कोशिश की। पर यीशु नियोख कइ देहेर केआं नश गा।

Currently Selected:

यूहन्ना 8: pgg

Highlight

Copy