Maarqos Seensa
Seensa
Wangeelli Maarqos nama Roomaa keessa jiraatu tokkoof waan barreeffame fakkaata. Gara xumura kitaaba kanaatti labsiin ajajaan dhibbaa Roomaa tokko, Namichi kun dhugumaan Ilma Waaqaa ture jedhee labse sun, Yesuus isa wangeelli kun cimsee waaʼee isaa dhugaa baʼu sana argisiisa.
Jalqabni walakkaa seenaa saffisaa kanaa gaaffii Isin immoo eenyu anaan jettu? jedhu irratti hundeeffama. Taateen gara xumura gartokkee jalqabaa, akka Yesuus namicha jaamaa tokko sadarkaa lamaan fayyisee, namichis suuta suutaan akka arguu dandaʼe argisiisa. Karaadhuma wal fakkaatuun barattoonni sun Yesuus eenyu akka taʼe suuta suuta hubatan. Ergasiis seenaa sana keessatti yeroo murteessaa taʼetti gartokkee lamaan gidduutti Phexros akka Yesuus kun Kiristoos taʼe dhugaa baʼa.
Amma egaa wal diddaan ifatti baʼuu jalqaba. Yesuus karaa jireenya haaraa murteessaa kan hariiroo humna yeroo sana turee dadhabsiisu beeksisuuf dhufeera. Gartokkeen walakkaa seenaa kanaa inni lammaffaan kutaa sadiin waan kana ibsa:
Tokkoffaa, Yesuusii fi barattoonni isaa gara Yerusaalem deemuu isaanii.
Itti aansee, Yesuus mana qulqullummaa keessatti barsiisuu isaatii fi hooggansa duraan ture wajjin walitti buʼuu isaa.
Xumura irratti, hooggansi sun waan inni duraan hojjete hunda diiguudhaan karoora isaa hojii irra oolfatee, Yesuusiinis qabsiisee fannisse. Waaqayyo garuu gochaa isaanii garagalchee Yesuusin duʼaa kaasee jiraachise. Kanaafuu, dubbistoonni Maarqos dhiphina keessatti illee Yesuusiif amanamoo akka taʼaniif waamamaniiru; kunis haala Waaqayyo sirna kanaan dura ture diigee karaa jireenyaa isa Yesuus barsiise ittiin hundeessu waan taʼeef.
Currently Selected:
Maarqos Seensa: HAH
Highlight
Share
Copy
Want to have your highlights saved across all your devices? Sign up or sign in
Kitaaba Qulqulluu, Hiikkaa Ammayyaa Haaraa™, Loqoda Dhiʼaa
Mirgi seeraan eegama © 2022 Biblica, Inc.
Eeyyamaan itti fayyadamu.
Mirgi hundi addunyaa guutuu irratti kan eegamee dha.
Holy Bible, New Oromo Contemporary Version™, Western
Copyright © 2022 by Biblica, Inc.
Used with permission. All rights reserved worldwide.