Hojii Seensa
Seensa
Kutaan Luqaas inni lammaffaan kitaaba Hojii Ergamootaa jedhamee beekama (Luq 1:0 Affeerraa Luqaas – Hojii Ergamootaa, akkasumas odeeffannoo Wangeela Luqaas irratti gad fageenyaan dhiʼeeffame seensa Luqaas ilaalaa). Tokkoon tokkoon kutaawwan jaʼan Kitaaba Hojii Ergamootaa sadarkaa babalʼachuu sochii Kiristoos haaraa isa Yerusaalem keessaa gara alaatti taʼe duukaa buʼanii ibsu. Mallattoon garaa garummaa kutaawwan kanaa hundinuu jecha, Babalʼachuu fi milkaaʼuun sagalee Waaqayyoo itti fufe jedhuun beekama.
Tokkoffaa, waldaan Kiristaanaa Yerusaalem keessatti hundeeffamte afaan Giriik dubbatti turte; kunis akka isheen ergaa ishee empaayericha keessatti babalʼistu eeyyameef.
Itti aansee, sochiin sun naannoo Paalestiinaa hunda keessatti babalʼate.
Sadaffaa, namoonni ormaas wal gaʼii duuka buʼoota Yesuus isa Yihuudoota of keessaa qabutti dabalaman.
Afuraffaa, ergamoonni gara kutaa biyyaa Asiyaa ishee dhiʼa Roomaatti ergamtutti ergaman.
Shanaffaa, ergamoonni kunneen Awurooppaa seenan.
Sadarkaa jaʼaffaa fi kutaa isa xumuraa, sochiin sun magaalaa guddittii Roomaa fi hawaasa sadarkaa ol aanaa irra jiraatu bira gaʼe; haala kanaan mootummaan Waaqayyoo saba hundumatti labsame.
Currently Selected:
Hojii Seensa: HAH
Highlight
Share
Copy
Want to have your highlights saved across all your devices? Sign up or sign in
Kitaaba Qulqulluu, Hiikkaa Ammayyaa Haaraa™, Loqoda Dhiʼaa
Mirgi seeraan eegama © 2022 Biblica, Inc.
Eeyyamaan itti fayyadamu.
Mirgi hundi addunyaa guutuu irratti kan eegamee dha.
Holy Bible, New Oromo Contemporary Version™, Western
Copyright © 2022 by Biblica, Inc.
Used with permission. All rights reserved worldwide.