Génesis 9
9
Diósïri pakatperakua Noé jinkuni
1Diosï úch'akuraspti Noéni ka uáp'echani ka arhiaspti: Uánekua sapichani kaa je ka parhakpenirhu uiniata je. 2Iámentu manakorherichaksïni cherheati, káraticha, enkaksï echerirhu jauaka ka enkaksï itsïrhu jauaka, cháts'ï juramukuauaka. 3Iámentu ampe enka manakorhek'a ka tsipitik'a úk'atsï t'irerani, jatsimakua ka xakua ampe jíksïni íntskuxaka. 4K'óru enka k'uiripetani tsípekua íntskuk'a imani nóri úk'a arhani eska, iurhirini. 5Jimpokaksïni kurhamarhentaka chári iurhirini jimpo, ka manakorhericheri iurhirini jimpo, mántani k'uiripuni kurhamarhentaaka eracheri tsípekua jimpo.
6Ne enka uantikpeaka, atap'itini máteru nema uantikuntaati, jimpoka k'uiripu Diósïri eranhekua kueranhaska.
7Cha, uánekua sapichani káaje ka parhakpenirhu uiniataje.
8Diósï, Noé ka úp'a jempechani jinkuni uantaxespi ka arhiaspti: 9Exe je, ji pakatperakua cha jinkuni úxaka ka chári sïrukuechani jinkuni, enkaksï nótki antap'enuk'a. 10Ka iámentu tsípitichani jinkuni enkaksï cha jinkuni jaka: Káraticha, ikimenharhicha, enkaksï xáni icharhutarhu uénhentaaka. 11Cha jinkuni úxaka pakatperakua ka nóteru méni iurhentpekua jimpo k'amatskaka k'uiripuni ka manakorherichani. 12Diósï uantaspti: I jintesti minta enkani chá jinkuni úni jaka ka iámentu tsípitichani jinkuni ka métku ísï ísïuati. 13Janikuarhu péraska xupakata ka arhikuekasïnti eska jucheti pakatperakueska parhakpeni jinkuni. 14Enka janikua jauaka, jiák'ani xarharaati xupakatani. 15Ka miántaaka pakatperata enkani chá jinkuni úka ka iámentu tsípitichani ka nóteru jauati iúrhentpekua enka k'amantpek'a. 16Xupakata janikuarhu xarharaati ka miántaaka pakatperakua. Diósïri pakatperakuesti tsípitichani jinkuni enka parhakpenirhu jaka. 17I jintesti minteni enkani tsípitichani jinkuni úka enkaksï parhakpenirhu jaka. Ka Diósï Noéni, ísï arhispti.
Enka Noé kauipka
18Noé úp'echa enkaksï icharhutarhu uénhepka arhisptikï: Semi, Kami, enka Kanaaniri táte jémpepka ka Jafeti. 19Noé uáp'esptiksï tanimu ka imaksï uánekua sapichani kaaspti ka parhakpeniksï uánentaspti.
20Tátsekua Noé uénaspti tarheni ka ubasï jatsiatakata jatsispti. 21Ka arhaspti ubasï itsïrhuta ka kauispti ka iámu ampe p'iraspti kuakuarhu. 22Enka Kami, Kanaeri táte jempa exepka xásku táte jempa aiánkuaspti tsimani pirenchi jempechani enkaksï uérakua jápka. 23Jimak'ani Semi ka Jafeti p'ikusptiksï takusï ka k'uanintisptiksï ka tátsepani isïksï inchantaspti onharipani nóksï exespti táte jempani patsïki jasï.
24Enka Noé ampanharhintapkia ka mítepka ampe enka úkupka uáp'a sapichu. 25Uantaspti: ¡No sési ampe ústi Kanaani! ¡Iasï jantspekuauati imeri tsimani p'irenchi jempechani!
26Ka uantaspti: ¡Eska jucheti ACHA Diósï úch'akuraaka Semini ka eska Kanaa jántspekuaka!
27¡Eska Diósï kánerakuaka echeri Jafetini! ¡Eska Semiri kuakuarhu irekaaka ka eska Kanaa jántspekuaka!
28Enka na nitamapkia k'éri uirhentpekua Noé irekaxapti témpeni iumu tsimani ekuatse ka témpeni uéxurhiniteru, (350) paxaptia irekani. 29Noé tsimani irepeta ka iumu tsimani ekuatse ka témpeni (950) uéxurhini jatiri uarhispti.
Currently Selected:
Génesis 9: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.
