ल़ेह-पेन छ्य़ेगी ङोहस्यी
छ्य़ेगी ङोहस्यी
दि छ्य़े लूकागी प्रुह नाङग्यो यिहम्बा। “ल़ेह-पेहनया़की छ्या़ले” की छ्य़ेला लूकागी खास पेहती येशूगी स्याहप्च्यी दाङ ल़ेह-पेन पावलकी छ्या़लेकी तेहन्दाला प्रुह नाङदी येहबा। दि छ्य़े लूकागी मिह-लोह (ईस्वी सम्बत्) ६० यिहन्ज्यु ६५ की पाहर्कीला प्रुह नाङग्यो यिहम्बा म़ेदी माहङ-छ्येवा बाइबलकी ख्येम्बा ताहक्पुया़गी साम्लु येहबा। पावल रोम क्याहल-खापला फेप्ती राहङगी खाम्ज्युकी फैसला पेहकेन्की ङ्यिहमा क़ूह तेहती येहकें। (रोम ताहन्दा यूरोप क्याहल-खाप छ्यिम्बुगी ल्हो ङो़ले येहकेन्की इटाली माएँ क्याहल-खापकी क्याहल्सा यिहम्बा।) साम्बा ठिमगी ती़हजीला रोम क्याहसा थाम्ज्यी म़ेदी चा़ छ्यिम्बु क्याहसा येहकें। ओ़ह ती़हजीला रोमला माहङबुराङ चा़ छ्येवा मिहया़गी “दि साम्बा मास्यीकापा छ्य़े-ठिम काह-ठि छ्य़े यिहम्बा, का़हलेगी थेम्बा” म़ेदी टी़हगेनॱराङ येहकें। ओ़ह सोङबे मास्यीकापा छ्य़े-ठिम काह-ठि पेहती छू़बा, येशू मास्यीका सु यिहम्बा, ओहले मिहरोकी या़हबु लेहङगु काह-ठि पेहती यरूशलेम यिहन्ज्यु रोम लुहङबा थु फेल्दी काहल्बा माएँ तेहन्दाला लूकागी या़हबु पेहती लुहक्सो प्रुहएँकी आप्ता च्येसीन। ओहले दि यिहगी प्री़ह फान्ज्यो रोमी स्युहङ-पेन छ्यिम्बु मेहन्दा च्यी़ “माननीय थियोफिलस” ला ताङसीन (लूका १:१-४; ल़ेह-पेन १:१ ला ज़ी़-नाङदोङ)। थियोफोलसकी तेहन्दाला लेहमेननी च्यिॱआङ क्यी़ह म़ेह।
पावलगी लूकाला “ज्यिबुराङ निङ च्ये़हएँकी आम्ज्यी लूका” म़ेदी सुङ नाङगे (कलस्सी ४:१४)। लूका स्यार ङो़गी सिरिया क्याहल-खापकी एन्टिओखिया माएँ क्याहसाकी मिह यिहन्गे। ओ़ह सोङबे पावल एन्टिओखियाला ज़्य़ू नाङगेमु लूका दाङ पावल थ़ूक्यो ओहङ ख़ूएँ। पावल रोमला फेप नाङगेमु लूकाॱआङ ङ्याम्बु-ङ्याम्बुराङ फेप नाङसीन (ल़ेह-पेन २७:१; २८:१६)।
मास्यीकापा छेन्छोक छ़ूक्योगी तेहन्दाला प्रुहक्योकी दि छ्य़ेला “ल़ेह-पेनया़गी छ्या़ले” म़ेदी सुङ नाङदी येहबा, यिहॱनाङ खास पेहती दि छ्य़ेला “नाम्पार-ताहक्पा थुगी छ्या़ले” म़ेदीॱआङ मा ख़ूएँ। च्यिबेमाना का़हन्दी छ्या़ले ओ़ह ल़ेह-पेनया़गी जे नाङबा, ओ़ह छ्या़लेया़ नाम्पार-ताहक्पा थुकी काटीन दाङ ओङगी जे नाङग्यो येहकें। मिहया़गी तेहन्दाला च्यी़राङ मिहम्बा यिहॱनाङ ओ़ह मिहया़गी पाहर्कीला छ्या़ले जेती ज़्य़ू नाङगे नाम्पार-ताहक्पा थुगी तेहन्दालाॱआङ दि छ्य़े प्रुह नाङदी येहबा।
दि छ्य़ेला येहकेन्गी ने़जोया़
पाङबुगी तेहन्दाला च्याहङदार १:१-२६
क) येशूगी नाङग्योकी का दाङ ताहम्ज्या १:१-१४
ख) ल़ेह-पेन यहूदागी छापला दाम्योगी मिह १:१५-२६
यरूशलेमला पाङबु २:१–८:३
यहूदीया दाङ सामरियाला पाङबु ८:४–१२:२५
पावलगी या़हबु लेहङगु स्ये नाङग्योकी ग्या़या़ १३:१–२८:३१
क) तोहङस्यो कोरा क्याहप्क्योगी ग्या़या़ १३:१–१४:२८
ख) यरूशलेमला तेहक्यो छो़बा छ्यिम्बु १५:१-३५
ग) लेहमा ङ्यिपा कोरा क्याहप्क्योगी ग्या़या़ १५:३६–१८:२२
घ) लेहमा सुम्बा कोरा क्याहप्क्योगी ग्या़या़ १८:२३–२१:१६
ङ) यरूशलेम दाङ कैसरिया क्याहसाला पावल चोन-खाङला छ्यिक्यो २१:१७–२६:३२
च) रोम क्याहसाला पावल चोन-खाङला छ्यिक्यो २७:१–२८:३१
Currently Selected:
ल़ेह-पेन छ्य़ेगी ङोहस्यी: HYLM
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.