ଯୋହାନ୍ 20
20
କାବାର୍ ଖାଲି
(ମାତ୍ତି. 28:1-8; ମାର୍କୁ. 16:1-8; ଲୁକା. 24:1-12)
1ଏତ୍ଵାର୍ ହୁଲାଙ୍ଗ୍ ଇଦାନ୍ ସେତାଃ ରେ ନୁବାଃ ତାଇକେନ୍ ଇମ୍ତା ରେ ମାରିୟାମ୍ ମାଗ୍ଦାଲା ସାହାର୍ ରେନ୍ ହାର୍ ଏଟାଃ କୁଡ଼ି କୋହ କାବାର୍ ତାଃ ହିଜୁଃନାକୋ, ହାର୍ କାବାର୍ ରାଃ ଦିରି କେ ଗେନାକାନ୍ ନେଲ୍କେଦାକୋ। 2ଏନ୍ତେ ଇନିଃ ନିର୍ କେଦାଏ ହାର୍ ଶିମୋନ୍ ପାତ୍ରାସ୍ ଆଡୋଃ ଏନ୍ ଏଟାଃ ଚେଲା ରାଃ ନାଡ଼େଏ ଅକନିଃକେ ୟୀଶୁ ଦୁଲାଡ଼୍ ତାଇକେନାଏ, ହିଜୁଃକେତେ କାଜିକେଦାଏ, “ଇନ୍କୁ ପ୍ରାଭୁ ରାଃ ମାଣା କେ କାବାର୍ ଏତେ ଅଡୋଙ୍ଗ୍ ଇଦିକେଦାକୋ, ହାର୍ ଆଲେ କାଲେ ସାରିତାନା ଚି, ଇନିଃକେ କୋତାଃ ରେ ମାଣ୍ଡାଅ କିଜାକୋ।” 3ଏନ୍ତେ ପାତ୍ରାସ୍ ଆଡୋଃ ଏଟାଃ ଚେଲା ଅଡୋଙ୍ଗ୍ କେତେ କାବାର୍ ପାଡ଼୍ ସେନ୍ ଜାନାକିନ୍। 4ଏନ୍ ବାରାନ୍ କିନ୍ ମିଶାତେ ନିର୍ ତାଇକେନାକିନ୍, ମେନ୍ଦୋ ଏଟାଃ ଚେଲା ପାତ୍ରାସ୍ ଏତେ ଆୟୁର୍ ନିର୍ କେତେ ସିଦାରେ କାବାର୍ ତାଃ ଥେବାଃ ଜାନାଏ, 5ହାର୍ ଉଙ୍ଗୁଃ କେତେ ମାଣା ଲିଜାଃ ଉୟୁଃକାନ୍ ନେଲ୍କେଦାଏ, ଏଣ୍ଡେ ରେହ ଇନିଃ ଭିତାର୍ କାଏ ବୋଲୋ ଜାନାଏ। 6ଏନ୍ତେ ଶିମୋନ୍ ପାତ୍ରାସ୍ ଇନିଜାଃ ଦୋୟା-ଦୋୟା ଥେବାଃ ଜାନାଏ, ହାର୍ କାବାର୍ ରାଃ ଭିତାର୍ ରେ ବୋଲୋ ଜାନାଏ ଆଡୋଃ ମାଣା ଲିଜାଃ ଉୟୁଃକାନ୍ ନେଲ୍କେଦାଏ; 7ହାର୍ ଏନ୍ ମିୟାଃ ମାଣା ପାଚି ଅକନାଃ ଇନିଜାଃ ବୋଅ ରେ ଥୋଲାକାନ୍ ତାଇକେନା, ଏନ୍ ଲିଜାଃ କୋଲୋଃ ମିଶାତେ ଉୟୁଃକାନ୍ କାହା, ମେନ୍ଦୋ ଏଟାଃ ମିୟାଃ ଜାଗା ରେ ଲାଟୁମାକାନ୍ ନେଲ୍କେଦାଏ। 8ଏନ୍ତେ ଏଟାଃ ଚେଲା ହଗି ଅକନିଃ କାବାର୍ ତାଃ ସିଦା ଥେବାଃ ଲେନାଏ, ଭିତାର୍ ତେ ବୋଲୋ ଜାନାଏ ଆଡୋଃ ନେଲ୍କେତେ ବିଶ୍ଵାସ୍ କେଦାଏ। 9ଇନ୍କୁ ଦୋ ନାଆ ସାନ୍ତେ ପାବିତାର୍ ପୁଥି ରାଃ ଏନ୍ କାଜିକେ କାକୋ ବୁଝାଅଲେନା ଚି ଇନିଃକେ ଗୋଜାକାନ୍ କୋଏତେ ଜୀହିଃ ହୋବାଅଃୱା। 10ଏନ୍ତେ ନେ ଚେଲାକିନ୍ ଆକିନାଃ ଅଡ଼୍ଆଃ ତେ ରୁଆଡ଼୍ ଜାନାକିନ୍।
ମାଗ୍ଦାଲା ସାହାର୍ ରେନ୍ ମାରିୟାମ୍ କେ ୟୀଶୁ ନେଲ୍ ଜାନାଏ
(ମାତ୍ତି. 28:9,10; ମାର୍କୁ. 16:9-11)
11ମେନ୍ଦୋ ମାରିୟାମ୍ ରାଆ ତାନ୍ କାବାର୍ ରାଃ ନାଡ଼େଏ ରେଗି ତିଙ୍ଗୁକାନ୍ ତାଇଜାନାଏ, ହାର୍ ରାଆ-ରାଆ କାବାର୍ ପାଡ଼୍ ଉଙ୍ଗୁଃକେତେ, 12ବାରିୟା ସିର୍ମାଦାସୀ କେ ମାସ୍କାଲ୍ ଲିଜାଃ ତୁସିଙ୍ଗ୍କାନ୍ ମିହୋଡ଼୍ କେ ବୋଅ ପାଡ଼୍ ରେ ହାର୍ ଏଟାଃ ନିଈ କେ କାଟା ପାଡ଼୍ ରେ ଦୁବାକାନ୍ ନେଲ୍ କେଃକିନାଏ, ଅକ୍ତାଃରେ ୟୀଶୁ ରାଃ ମାଣା ଦୋହୋକାନ୍ ତାଇକେନା। 13ଇନ୍କୁ ଇନିଃକେ କାଜିକେଦାକୋ, “ହେ ମାଈ, ଆମ୍ ଚିନାଃ ମେନ୍ତେ ରାଆ ତାନାମ୍?” ଇନିଃ ଇନ୍କୁକେ କାଜିୟାଃକୋୱାଏ, “ଇନ୍କୁ ଇଙ୍ଗ୍ଆଃ ପ୍ରାଭୁ କେ ଉଠାଓ ଇଦିକେଦାକୋ ହାର୍ ଇଙ୍ଗ୍ କାଇଙ୍ଗ୍ ସାରିତାନା ଚି ଇନିଃକେ କୋତାଃ ରେ କୋ ମାଣ୍ଡାଅ କିଜାକୋ।” 14ନେୟା କାଜିକେତେ ଇନିଃ ଦୋୟା ବିୟୁର୍ ଜାନାଏ ହାର୍ ୟୀଶୁ କେ ତିଙ୍ଗୁକାନ୍ ନେଲ୍କିଜାଏ, ମେନ୍ଦୋ କାଏ ନେଲ୍ ଉରୁମ୍ କିଜାଏ ଚି ଇନିଃ ୟୀଶୁ ତାନିଃ। 15ୟୀଶୁ ଇନିଃକେ କାଜିକେଦାଏ, “ହେ ମାଈ, ଆମ୍ ଚିନାଃ ମେନ୍ତେ ରାଆ ତାନାମ୍? ଅକଏ କେ ସାଙ୍ଗାରି ତାନାମ୍?” ଇନିଃ ମାଲି ମେନ୍ତେ ପାହୋମ୍ କେତେ ଇନିଃକେ କାଜିକେଦାଏ, “ହେ ସାହେବ୍, ଆଗାର୍ ଆମ୍ ଇନିଃକେ ଇଦି କାଇଜାମ୍ ରେଦୋ ଇଙ୍ଗ୍କେ ଉଦୁବାଇଙ୍ଗ୍ ମେ ଚି କୋତାଃ ରେ ମାଣ୍ଡାଅ କିଜାମ୍ ଆଡୋଃ ଇଙ୍ଗ୍ ଇନିଃକେ ଇଦିୟାଇଙ୍ଗ୍।” 16ୟୀଶୁ ଇନିଃକେ କାଜିକିଜାଏ, “ମାରିୟାମ୍! ଇନିଃ ତାୟୋମ୍ ବିୟୁର୍ କେତେ ଇନିଃକେ ଇବ୍ରାନୀ ବାକାଣ୍ ରେ କାଜିକେଦାଏ, ‘ରବ୍ବୁନୀ!’ ମାନେ ‘ହେ ଗୁରୁ।’ ” 17ୟୀଶୁ ଇନିଃକେ କାଜିକିଜାଏ, “ଇଙ୍ଗ୍ଆଃ କାଟା ସାବ୍ କେତେ ଆଲୋମ୍ ରୋକାୱିଙ୍ଗ୍ୟା, ଚିୟାଃଚି ଇଙ୍ଗ୍ ନାଆ ସାନ୍ ଆବା ତାଃ ଚେତାନ୍ କାଇଙ୍ଗ୍ ସେନ୍ କାନା, ମେନ୍ଦୋ ଇଙ୍ଗ୍ଆଃ ହାଗା କୋତାଃ ସେନ୍ କେତେ କାଜିୟାକୋମେ, ଚି ଇଙ୍ଗ୍ ଇଙ୍ଗ୍ଆଃ ଆବା ହାର୍ ଆପେୟାଃ ଆବା ହାର୍ ଇଙ୍ଗ୍ଆଃ ପାର୍ମେଶ୍ଵାର୍ ହାର୍ ଆପେୟାଃ ପାର୍ମେଶ୍ଵାର୍ ତାଃ ଚେତାନ୍ ସେନ୍ ତାନିଙ୍ଗ୍।” 18ମାରିୟାମ୍ ମାଗ୍ଦାଲା ସାହାର୍ ରେନ୍, ଇନିଃ ସେନ୍କେତେ ଚେଲାକୋକେ ଉଦୁବ୍ କେଃକୋୱାଏ, “ଇଙ୍ଗ୍ ପ୍ରାଭୁ କେ ନେଲ୍ କିଜାଇଙ୍ଗ୍ ହାର୍ ଇନିଃ ଇଙ୍ଗ୍କେ ନେ କାଜି କାଜିକେଦାଏ।”
ୟୀଶୁ ଚେଲା କୋତାଃ ଉଦୁବ୍ ଜାନାଏ
(ମାତ୍ତି. 28:16-20; ମାର୍କୁ. 16:14-18; ଲୁକା. 24:36-49)
19ଏନ୍ ଏତ୍ଵାର୍ ହୁଲାଙ୍ଗ୍ ଗି ଶିଙ୍ଗି ଡୁବିଃ ସାମାୟ୍ ରେ ଚିମ୍ତା ଏନ୍ ଅଡ଼୍ଆଃ ରାଃ ଦୁହାର୍ ଅକଣ୍ଡେ ଚେଲାକୋ ତାଇକେନାକୋ, ୟାହୁଦୀ ଗୁରୁ କୋୱା ବୋରୋତେ ହାଣ୍ଡେଃ ତାଇକେନା, ଇମ୍ତାଙ୍ଗ୍ ୟୀଶୁ ହିଜୁଃ ଜାନାଏ ହାର୍ ଇନ୍କୁୱାଃ ଥାଲା ରେ ତିଙ୍ଗୁ କେତେ ଇନ୍କୁକେ କାଜିକେଦାଏ, “ଆପେକେ ଜୀଉସୁକୁ ନାମୋଃକା।” 20ହାର୍ ନେୟା କାଜିକେତେ ଇନିଃ ଆୟାଃ ଘାଅ ତିଈ ରାଃ ଆଡୋଃ ଆୟାଃ ପାଞ୍ଜ୍ରା ରାଃ ଇନ୍କୁକେ ଦେଖାଅ କେଃକୋୱାଏ। ଏନ୍ତେ ଚେଲାକୋ ପ୍ରାଭୁ କେ ନେଲ୍କେତେ ରାଶିକାଜାନାକୋ। 21ୟୀଶୁ ଆଡୋଃଗି ଇନ୍କୁକେ କାଜିକେଃକୋୱାଏ, “ଆପେକେ ଜୀଉସୁକୁ ନାମୋଃକା; ଚିଲ୍କା ଆପୁ ଇଙ୍ଗ୍କେ କୁଲ୍ କାଦିଙ୍ଗାଏ, ଏନ୍ଲେକାଗି ଇଙ୍ଗ୍ ହ ଆପେକେ କୁଲ୍ ପେ ତାନିଙ୍ଗ୍।” 22ନେୟା କାଜିକେତେ ଇନିଃ ଇନ୍କୁୱାଃ ଚେତାନ୍ ରେ ଅଙ୍ଗ୍ କେଦାଏ ଆଡୋଃ ଇନ୍କୁକେ କାଜିକେଦାଏ, “ପାବିତାର୍ ଆତ୍ମା ଇଦିପେ। 23ଅକନ୍ କୋୱାଃ ପାପ୍ ଆପେ ଛାମା ୟାପେ, ଏନାକୋ ଇନ୍କୁ ଲାଗିନ୍ ଛାମା ରିକାକାନା, ହାର୍ ଅକନ୍ କୋୱାଃ ପାପ୍ ଆପେ କାପେ ଛାମା ତାନା, ଏନା କା ଛାମା ଅଗା।”
ଥୋମା କେ ୟୀଶୁ ନେଲ୍ ଜାନାଏ
24ମେନ୍ଦୋ ବାରାଝାନ୍ ଚେଲା କୋଏତେ ମିହୋଡ଼୍ ମାନେ ଥୋମା ଅକନିଃ ଦୀଦ୍ମୁସ୍ ନୁତୁମୋଃୱାଏ, ଚିମ୍ତା ୟୀଶୁ ହିଜୁଃ ଲେନାଏ ଇମ୍ତାଙ୍ଗ୍ ଇନ୍କୁ ଲୋଃ କାଏ ତାଇକେନାଏ। 25ଚିମ୍ତା ଏଟାଃ ଚେଲାକୋ ଇନିଃକେ କାଜିକିଜାକୋ, “ଆଲେ ପ୍ରାଭୁ କେ ନେଲ୍ କିଜାଲେ,” ଇମ୍ତା ଇନିଃ ଇନ୍କୁକେ କାଜିକେଦାଏ, “ଇଙ୍ଗ୍ ଇନିଜାଃ ତିଈ ରେ କାଣ୍ଟି ବିଡ଼ାକାନ୍ ରାଃ ଚିହ୍ନା କାଇଙ୍ଗ୍ ନେଲ୍ ରେଦୋ ହାର୍ କାଣ୍ଟି ବିଡ଼ାକାନ୍ ରାଃ ଚିହ୍ନା ରେ ଇଙ୍ଗ୍ଆଃ ସାର୍ସାର୍ ତେ କାଇଙ୍ଗ୍ ଜୁଟିଃ ଲେରେ ହାର୍ ଇନିଜାଃ ପାଞ୍ଜ୍ରା ରେ ଇଙ୍ଗ୍ଆଃ ତିଈ ତେ କାଇଙ୍ଗ୍ ଜୁଟିଃ ଲେରେ ଦୋ ଇମ୍ତାଙ୍ଗ୍ ଜାକେଦ୍ କାଇଙ୍ଗ୍ ବିଶ୍ଵାସେୟା।” 26ଆଠ୍ ଦିନ୍ ତାୟୋମ୍ତେ ଇନିଜାଃ ଚେଲାକୋ ଆଡୋଃଗି ଅଡ଼୍ଆଃ ଭିତାର୍ ରେ ତାଇକେନାକୋ, ହାର୍ ଥୋମା ଇନ୍କୁଲୋଃ ତାଇକେନାଏ, ହାର୍ ଦୁହାର୍ ହାଣ୍ଡେଃ ତାଇକେନା, ଇମ୍ତା ୟୀଶୁ ହିଜୁଃ ଜାନାଏ ହାର୍ ଇନ୍କୁୱାଃ ଥାଲା ରେ ତିଙ୍ଗୁ କେତେ କାଜିକେଦାଏ, “ଆପେକେ ଜୀଉସୁକୁ ନାମୋଃକା।” 27ଇମ୍ତାଙ୍ଗ୍ ଇନିଃ ଥୋମା କେ କାଜିକିଜାଏ, “ଆମାଃ ସାର୍ସାର୍ ଆୟୁର୍ କେତେ ଇଙ୍ଗ୍ଆଃ ତିଈ କେ ଜୁଟିଃ କେତେ ନେଲେମ୍ ହାର୍ ଆମାଃ ତିଈ ଆୟୁର୍ କେତେ ଇଙ୍ଗ୍ଆଃ ପାଞ୍ଜ୍ରା ରେ ଜୁଟୀଦେମ୍ ହାର୍ ଆବିଶ୍ଵାସୀ କାହା ମେନ୍ଦୋ ବିଶ୍ଵାସୀ ବାଇୟେନ୍ ମେ।” 28ନେୟା ଆୟୁମ୍କେତେ ଥୋମା କାଜିରୁଆଡ଼୍ କିଜାଏ, “ହେ ଇଙ୍ଗ୍ଆଃ ପ୍ରାଭୁ, ହେ ଇଙ୍ଗ୍ଆଃ ପାର୍ମେଶ୍ଵାର୍!” 29ୟୀଶୁ ଇନିଃକେ କାଜିକିଜାଏ, “ଆମ୍ ଇଙ୍ଗ୍କେ ନେଲ୍କେଦାମ୍, ଚିନାଃ ଏନାଲାଗିନ୍ ବିଶ୍ଵାସ୍ କେଦାମ୍? ଧାନ୍ୟା ଇନ୍କୁ ତାନ୍କୋ ଅକନ୍ କୋ କାକୋ ନେଲ୍କେତେ ବିଶ୍ଵାସ୍ କେଦାକୋ।”
ନେ କିତାବ୍ ଅଲେ ରାଃ ଦାର୍କାର୍
30ୟୀଶୁ ଆଡୋଃଗି ମିଃଥିମ୍ବା ଚିହ୍ନା ଚେଲାକୋୱାଃ ନାଡ଼େଏ ରେ ଦେଖାଅ କେଦାଏ, ଅକନାଃ ନେ କିତାବ୍ ରେ କା ଅଲାକାନା। 31ମେନ୍ଦୋ ନେୟା ନେମେନ୍ତେ ଅଲାକାନା ଚି, ଆପେ ବିଶ୍ଵାସ୍ ଏପେ ଚି ୟୀଶୁ ଗି ପାର୍ମେଶ୍ଵାର୍ ରାଃ ହୋନ୍ ମାସୀହ୍ ତାନିଃ, ହାର୍ ଇନିଃକେ ବିଶ୍ଵାସ୍ କେତେ ଇନିଜାଃ ନୁତୁମ୍ ତେ ଜାନାଓ ଜୀଦାନ୍ ନାମେପେ।
Currently Selected:
ଯୋହାନ୍ 20: UNXNT
Highlight
Share
Copy
Want to have your highlights saved across all your devices? Sign up or sign in
Munda (ମୁଣ୍ଡା) Bible by The Love Fellowship is licensed under Creative Commons Attribution-ShareAlike 4.0 License.
