मरकुस 9

येशुउ रूपांतरण

1तो तियाहा कोयु तुमाहा खोरोज कोहो का जो ईही ऊबे होय तीयामरोत एखु ऐहलू होय का जाहा देवोओ राज्य सामर्थ्य आवल्यु ने देखीत लेय ताआ हु जाआ मोइलाआ होवाद कोदाचीत ने चाखे.

(मत्ती 17.1-13; लूका 9.28-36)

2सहा दिहे फासाडी येशु लेतजा पेत्र अने याकोब अने योहान याहा आरी लेधलो, अने एखालाम कोडला होमला डोगोपो लेत गोल्युतीही तियाआ आगाडी त्याआं रूप बोद्लीत गोये, 3अने तियाआ कापडे एहलो सोमकूहु लागाडीत का इही पर्यंत उजालो आवयू, का पृथ्वीपो एगदू थोबी पण एहलो उज्वल नाहा कोहू शकत. 4अने तियाहा मोशेआरी एलिया देखायू; ते येशुआरी गोठी कोहू लेहे; 5आव याकोअता पेत्रने येशु ला कोयु, “ओ रब्बी, आमाहा इही रोहिलो हाजो होय यकोअता आमाहा तीन मंडप बोनावुहू; एक ताआ याकोअता, एक मोशे याकोअता अने एक एलिया याकोअता.” 6कोईत का तो नाहा होमजाडीत ओतु का कि उत्तर आपे, याकोअता का ते घाबरील्यो गोये ओते. 7ताहा होमला वादलावाही तियाहा घेरले, अने तियाअ वादलामरोत ओ शब्द निघाल्यू, “ओ माआ प्रिय पुत्र होय, तियाआ होमला.” 8तेहलाम तिये होमला चारू सेटे नजर कोअयी, अने येशुहू सोडीत आपाआ आरी अने कोडोबी पालील्यो नाहा. 9डोगोपोरोत उतरीलावेले तिये तियाहा आज्ञा कोअयी का जो पर्यंत माअहा पोऱ्या मोईला मायरोत जीवतो न उवे जो पर्यंत तुमु जे किबी पालील्यो होय ते कोडोबी कोओलो नाहा. 10तिये आव गोठीकोता स्मरण मेक्ल्ये; अने आपु आपसामेहे वाद-वाद कोहू लागाडीत, “मोआल्या मायरोत जीवतो उठलो नाहाकोत आर्द होय?” 11अने तिये तियाहा फ़ुस्ल्याआ, “शास्त्री काहा का एलीयाचे पही कोअते आविला गरजेए होय?” 12तिये तियाहा उत्तर आप्लु, “एलिया खरोज पहीले आवीत आखे किबी हुदारे पण माअहा पोऱ्याच्या विषया माय ओ काहा लेखिलो होय तो जाअखो दु:ख वीसही, अने मारीलो जाइअलो?” 13पोन आय तुमामे कोत्लू, का एलिया ताहा आवयू होय, अने जेहलो तियाआ विषयी लेखिलो होय, तियाहा जे जोवे तियाआ आरी कोल्यु.

दुष्टआत्मा सी छुटकारा

(मत्ती 17.14-20; लूका 9.37-43)

14अने तो शिष्याआरी आवयू, ताहा पहीले का तियाआ आरी एक वोडी गोर्दी जोम्यी होय अने शास्त्री तियाआ आरी वादविवाद कोईत होय, 15तियाहा पालताज आखे जाखो आश्चर्य कोअला लागाडीत, “अने तियाआ जागे गुगदिलो आवीत तियाहा नमस्कार कोअयु.” 16तिये तियाहा फ़ुस्ल्याआ, “तुमु यांआरी नाहाकोत वाद-वाद कोईत होय?” 17गोर्दी मायरोत एकाने उत्तर आप्लु, “ओ गुरु, आय आपाआ पोऱ्याहा, यामे मुको आत्माआ फोह्यू होय, ताआ जागे लेतआवये उवनारा.” 18जीही कोठे ती तियाहा तोए, तिहीज सेलीत आपलो अने तो सुबीम फेस लेत आवलू अने दात पिसायला कोअता लागत्लू अने उगाईत जाहोआंय ताआ शिष्यांआ कोयु का ते तियाहा काढीत टाकीदेय, परंतु ते काड्हु सेकेले नाहा. 19ओ होमलित तिये तियाहा उत्तर आपित कोयु, “ओ अविश्वासी मांहे, का केधी पर्यंत ताआ आरी रोही? तियाहा मांही लेतआव.” 20तेहलाम ते तियाहा तिया जागे लेत आव्ये अने तिये तियाहा पालील्यो, ताहा तियाअ आत्मावांहि लागेज तियाहा निपटी टाक्ये; अने तो धरतीपो पोडीत, अने सोबिमरोत फेस गोलिलावेल निहित गोल्यो. 21तिये तियाआ बाह्हाहा फ़ुस्ल्याआ, “याआ ए हालत केधी पोरोत होय?” तिये कोयु, “हानू पणापोरोत. 22तिये याहा नष्ट कोइला कोअता याहा केधी आगीम ताहा केधी पाअयोम पाडिलो; परंतु केधी किबी कोहू गोयो, ताहा आमापो दया कोईत उपकाराआ को.” 23येशु लेतजा तिया कोयु; केधी तू कोहू सेकेहे? “ए नाहाकोत गोठी होय विश्वास कोइला कोअता आखे किबी उवहू शकत.” 24पोऱ्याआ आंबहाही लागेज विनंती कोईत कोयु, “ओ प्रभू आय विश्वास कोअत्लू, माआ अविश्वासाआ उपाय को.” 25जाहा येशु पालील्यो का मांहे गुगदिलो आवीत गोर्दी कोईत होय, ताहा तिये अशुद्ध आत्माहा ओ कोत धमकाव्ये “ओ मुक्यो बोयरा आत्मा आय ताहु आज्ञा आपोहो, तियाआ मायरोत निहित जा अने तीयाम केधीज प्रवेश कोहू नाहा.” 26तेहलाम तो आयडीत अने तियाहा जाखो निपटी निहित गोल्यो; अने मोल्याहोस सारखू ओवयू, आव पर्यंत का जाअखो मांहे कोहू का तो मोईत गोल्यो. 27पोन येशु तिया आथे तोईत तियाहा उठविले, अने तो उबुरोत गोल्यो. 2828 जाहा तो कोअमे आवयू, ताहा तिया शिष्यांनी एखालाम तियाहा फ़ुस्ल्याआ, “आमाहा तियाहा काहा काढहु शकलो नाहा?” 29तिये तियाहा कोयु, “ए जात बिना प्रार्थना वांही कोडला फासी उपास नाहा निहित जात.”

येशु तियाआ मृत्युउ विषय मेहे इजी कोअलोओ

(मत्ती 17.22-23; लूका 9.43-45)

30कोईत ते तिहीरोत निहित गोये, अने गालीला मधून जातले ओतोऱ्याआ इच्छा नाहाओती कोडाआ मालुम रोहू, 31कोईत तो आपाआ शिष्यांआ संदेश आपोहो अने तियाहा कोयु ओतु, “माअहा पोऱ्या, मांहाहा ओतु कोईत तोईत जाइअलो, अने ते तियाहा माईत टाकही; अने तो मोईला तीन दिहो नंतर उठाडीलो जाइअलो.” 32पण ए गोठी तियाआ लक्षाम नाहा आवयी, अने ते तियाहा फुसिला कोअता बित ओते.

चेला मेहे आखाप रोत वोडू कोड़ो होय

(मत्ती 18.1-5; लूका 9.46-48)

33फासाडीनंतर ते कफरनहूम माय आवये अने कोअमे आवीत तियाहा फुसल्ये, “वातेम तुमु कोडला गोठीपो वादविवाद कोअता ओते?” 34ते ठावकू रोल्या, काहाके रस्ताम तिये आपसामेहे ओ वाद-वाद कोअता ओते का आमा पेक्षा वोडू कोडू होय 35तेह्लाम तिये बोहित बाराजोंहू हादिलो अने तियाहा कोयु, “केधी कोडु वोडू उवूंहू पालत्लू, तो आखाम हानू अने आखाआ सेवक बोनल्यो.” 36अने तो एक पोऱ्याहा लेत तियाआ माय उबु कोईत आप्यू अने तियाहा मांडित लेत तियाहा कोयु, 37“जो कोडु माआ नावामेहे एहला पोऱ्यामरोत कोडाआ होमला पोऱ्याहा ग्रहण कोत्लू, तो माहु ग्रहण कोत्लू; अने जो कोडु माहु ग्रहण कोअत्लू तो माहु नाहा, पण माहु मोकलीनाराहा ग्रहण कोत्लू.”

(लूका 9.49-50)

38तेह्लाम योहानाई तियाहा कोयु, “ओ गुरु, आमाहा होमला मांहाहा ताआ नावामेहे दुष्टात्मा काडत्लू पालील्यो अने तियाहा. 39जेते नाहा कोअला लाग्यू, काहाके तियाअ आमा फासाडी सामर्थ्य आवयू ओतु.” 40येशुउ कोयु, तियाहा नाहा कोहू नाहा; काहाके एहेलू कोडूच नाहा जो माआ नावामेहे सामर्थ्याआ काम कोअही, अने वेगुज माहु वाईट कोडु गोयो, 41काहाके जो कोडू एक वाटकी पाई याआ कोअता पीवाडे तो मसीही आय तुमाहा खोरोच कोहो का आपाआ प्रतीफोल केहला प्रकारे बी ने गोमावे.

येशुउ परीक्षा विषय मेहे चेतावनी

(मत्ती 18.6-9; लूका 17.1-2)

42जो कोडु आव हठ्या मायरोत मापो विश्वास कोअता, कोडाआ ठोकायू पोचाळीओत ताहा तियाआ याकोअता ओच भलो होय का एक वोडो कोअटी पूड तियाआ गोलामेहे लोटकाड्यू जावा अने तियाहा समुद्राम टाक्ये जालो. 43केधी ताआ आथे माहु ठोकायू पोचाळीओत ताहा तियाहा वाडीत टाकव्यंग होतगोयो जीवनामे प्रवेश कोता कोअता याआरोत हाजो होय का बेन आथे ओमेत नरकाआ आगमेहे मेकल्या जाइअलो जी केधीज विजनार नाहा. 44जीही तियाआ किडू ने मोअत्लू अने आग ने उलात्ल्यी. 45केधी ताआ गुडू ताहु ठोकायू पोचाळीओत ताहा तियाहा काढीत टाकलगडा होतगोयो जीवनामे प्रवेश को ताआ याकोअता याआरोत भलो होय का बेन गुडू ओमेत नरकाआ टाक्ये जाय. 46जीही तियाआ किडू मोअत्ल्यु अने ने उलाल्यी. 47केधी ताआ डोउ ताहु ठोकायू पोचाळीओत ताहा तियाहा काढीत टाकचकणा होतगोयो परमेश्वरोओ राज्याम प्रवेश कोअला ताआ याकोअता याआरोत भलो होय का बेन डोआं ओमेत तू नरकाआ टाक्यू जाइअलो. 48जीही तियाआ किडा मोईत नाहा अने आगी उलवित नाहा 49काहाके हरएकजो आगीवाही खाराम जोड्या जाइअलो. 50खारो हाजो होय, पण खाराम चव जीत होय ताहा, तो तियाहा किहांवाही खाराम चव लावता आवे आपामे खारो मेका, “अने आपसामेहे मिलून मिलीलू रो.”

Currently Selected:

मरकुस 9: NOINT

Highlight

Copy