मत्ती 27

पिलातुसो सामने येशु

(मरकुस 15.1; लूका 23.1-2; युहन्ना 18.28-32; प्रेरितो काम 1.18-19)

1जाहा वेगीई उवी ताहा मुख्य याजकाहा अने माहाआ डाये मिलित येशुहु माईत टाकीलाआ होमच्यु कोअया. 2तिये तियाहा बाधित पिलात सुभेदार याआ आथोमेहे होपित आप्लु.

यहूदा ईस्कोरयोतीई आत्महत्या

3जांहा तियाहा तोईत आपनाऱ्या यहुदाने पालील्यो का तो दोषी नाहा फासाडी तो पस्ताव्यु अने ते तीस सांदीई शिक्के मुख्य याजक अने डाये याहा जागे फासी लेत आवल्यो. 4अने कोयु, आय निर्दोष जीवोहो तोईत आपित पाप कोल्यु होय, ते कोयु, तियाआ आमाहा कि? तो पालीत ले. 5फासाडी तिये ते शिक्के मंदिरोम टाकीत आप्लु अने निहित गोल्यो, अने जात आपाआ खुदला फासी लेदि. 6मुख्य याजकावाही ते शिक्के घेऊन कोयु, दान कोशात मेकिलो हाजो नाहा, काहाके ओ रक्ताआ मोल होय. 7आखरी ते विचार कोईत तियाअ हिकिलो उपऱ्याना पुराविकोता कुंभाराहा खेत वेसातो लेधलो. 8यामुळे ते खेत आज पर्यंत रक्ताआ खेत कोयु जाहो. 9तेहलाम जे वचन यिर्मया संदेष्टाआ व्दारे कोयु ओते ते पुरो उवे तिये ते तीस शिक्के म्हणजे ते ठेरविल्ये मोल (ज्याहा इस्राएलोओ कुलोमरोत केताहा ठेरवीही ओते) घेऊन लेधलो, 10अने जीही परमेश्वरोओ माहु आज्ञा आप्यी ओती तेहलूज तियाअ कुंभाराआ खेताहा मोल माय आप्यी ओती.

पिलातुसो येशुहू प्रश्न

(मरकुस 15.2-5; लूका 23.3-5; युहन्ना 18.33-38)

11जांहा येशु सुभेदाराआ आगाडी उबु ओतु तेहलाम सुभेदाराही तियाहा फ़ुस्ल्याआ, नाहाकोत तू यहुदीयाचा राजा होय? येशु तियाहा कोयु तू खुद कोयु होय. 12जांहा मुख्य याजक अने डाये तियापो दोष लागाडीत ओते तेहलाम तिये नाहाकोत उत्तर आप्लु नाहा. 13यापोरोत पिलातुसो वांही तियाहा कोयु, कि तुमु नाहा होम्लाडित का ओ तुमाआ विरूध केतो झुटी साक्ष आपित होय? 14परंतु तिये तियाहा एकभी गोठीही उत्तर नाहा आप्लु, ईहि पर्यंत का सुभेदाराहा जाअखो आश्चर्य वाटेम.

येशुहू सुडुहू पिलातुस असफल

(मरकुस 15.6-15; लूका 23.13-25; युहन्ना 18.39-19.16)

15सुभेदाराआ ए रीत ओती के तियाअ तिवार मेहे माआहुकोअता कोडनीबि एक बंदिवनाला तियाहा जे उलखित्लू ओते, सोडीत आपित ओते. 16तियाअ टायमोमें तियाआ इही बरब्बा नावाआ एक मानितले बाधित मेक्ल्यो ओतु. 17आखरी जांहा ते एकठे उवे, ताहा पिलातुसो वांही तियाहा कोयु, तुमु कोडाआ जाआत्ले का आय तुमाआ याकोअता सोडीत आपुहू? बरब्बाहा, पोन येशुहू जो ख्रिस्त कोयु होय? 18काहाके येशुहू हेवाकोइत तोईत आप्लु ते तियाहा मालूमे ओते. 19जांहा तो न्यायासणापो बोह्ये ओते ताहा तियाआ बयोहोस तियाहा खोबोर मोकल्यु, “तू तियाअ नीतीमानाआ बाबतीम आपु पोडहू नाये, काहाके आय आज होपनाआ तियाआ पोऱ्ये जाअखो यातना सोसल्या.” 20मुख्य याजक अने डाये यांहि माहुंहु मोन वळविले ते बरब्बाहा मागित लेदलेए, अने येशु नाश कोईओलो. 21सुभेदारानी तियाहा फ़ुस्ल्याआ, “आव दिहोम कोडाआ जाआत्ले का आय तुमा कोअता सोडीत आपुहू?” ते कोयु, “बरब्बाहा” 22पिलातुसो वांही तियाहा फ़ुस्ल्याआ, “फासी येशुहू जो ख्रिस्त कोअहो जात्लू, नाहाकोत कोहू?” आखाज तियाहा कोयु, “तियाहा वधस्तभावर खिलून टाका.” 23सुभेदाराही कोयु, “काहा, तियाआ नाहाकोत वाईट कोल्यु होय? पण ते फासी आयडीत-आयडीत कोहू लागाडीत,” तियाहा वधस्तभावर खिलून टाका. 24जांहा पिलातुसो वांही पाल्लये का किबी फरक नाहा पोडीत होय पण तियाआ उलटो तंटा वोदतो चालेहे होय, तेहलाम तिये पाई घेऊन गोर्दी आगाडी आपाआ आथे तुण्यो अने कोयु, “आय आव नीतीमानाआ रक्ताआ निर्दोष होय; तुमाआ तुमुज पाला.” 25आखे माहु उत्तर आप्लु, “तियाआ रक्त आमापो अने आमा पोऱ्या होय.”

क्रूस पोओ सोड्वुहू होप्लोओ

26याआ वरून तिये बरब्बाहा त्याकोअता सोडीत आप्लु, अने येशुहू फटके माईत तियाआ होपित कोल्यु का वधस्तभावर खिलून टाका.

सिपाही द्वारा येशुउ अपमान

(मरकुस 15.16-20; युहन्ना 19.2-3)

27तेहलाम सुभेदाराही शिपायाआ येशुहू वाडामे घेऊन जात आखी तुकडी तियाआ चारू जागे जोमाड्यो. 28अने तियाआ कापडे उतरित तियाहा लाल रंगाआ किरमिजी झगा हगाटला, 29अने काटाआ मुकुट गुतीत तियाआ मुंडकापो मेकलू, अने तियाआ हाजला आथोमेहे बोरु आप्यू अने तियाआ आगाडी टोसणे टेक्यू तियाआ थट्टा कोअयी अने कोयु, “ओ यहुदीया राजा, नमस्कार.” 30अने तियापो थूप्ये; अने तोज बोरु घेऊन तियाआ मुंडकापो माआहि लागाडीत. 31जाहा ते तियाआ थट्टा कोहिताहा तिया झगा तियाआ दिलोमेरोत काढीत फासी तीयाआज कापडे तियाहा पेआड्या, अने वधस्तभावर खिलीलाकोअता घेऊन गोये.

येशुहू क्रूस पोओ सोड्विलोओ

(मरकुस 15.21-32; लूका 23.26-39; युहन्ना 19.17-19)

32बारथे जात ओयताहा तियाहा शिमोन नावाआ एक कुरेनी मांहु मिल्यू तियाहा तिये तिया वधस्तंभ वाहण्या कोअता वेठीस तोने. 33त्या जाग्तली जो गुलगुथा म्हणजे कवटीई जागू इंही आविलो पोच्योता. 34तिये तियाहा पित्त मिश्रीत द्राक्षरस पिहीलेपोत आप्यू, परंतु तो साखीत देखल्यापो तो पिईनाहा. 35तियाहा वधस्तभावर खिल्योतांहा तिये चिठ्या टाकीत तियाआ कापडाहा वाटीत लेदा. 36अने तीइही बोहित तियाआ राखावली कोअला लागाडीत. 37अने तिया दोषारोपाचा लेख तिया मुंडकापो लागाड्यू, का ओ यहुदीई राजा येशु होय. 38तेह्लाम त्याआरी बेन बांड एक हाजावोगे अने एक डावासाईटोहो, वधस्तभावर खिळले गोये. 39आवणारे जाणारे मुंडको आलाडित-आलाडीते तियाआ निंदा कोईत ओते. 40अने ओ कोयु ओते का, “अरे, मंदिर तोडीत टाकणारे अने तीन दिहोम बादिलो, आपाआ स्वतःहा ताहा वासाड जर तू परमेश्वरोओ पोऱ्या होय, ताहा वधस्तंभावरुन उतरित आव.” 41आव रीतीवाही मुख्य याजक पण शास्त्री अने डाये ह्यांच्या बरोबरीने थट्टा कोईत-कोईत कोयो ओते, 42“तिये दिहराहा वासाडये, अने आपाआ स्वतःहा नाहा वाचाआडयो शकतहा ताहा इस्राएलाआ राजा” होय. ओमे वधस्तंभावरुन उतरित आवयू ताहा आमाहा तियापो विश्वास मेकही. 43तो देवापो विश्वास मेकोहो; ताहा तो तियाहा होवा होय, ताहा ओमे तियाहा सोडवीत ले, काहाके तिये कोयु ओते, आय परमेश्वरोओ पोऱ्या होय. 44त्यापोरोत बांड पण जे तियापरोत वधस्तभावर खिळले गोये ओते, तियाआ निंदा कोईत ओते.

येशुउ जिव सूडलोओ

(मरकुस 15.33-41; लूका 23.44-49; युहन्ना 19.28-30)

45दिह पोरोत तिसऱ्या पहरीरोत तियाअ आखे देश मेहे आंदारो पोडीत. 46सुमारे नवव्या टाईमोओ येशु वोडा आवाजोमें आअडीत कोयु, “एली-एली लमा सबखुथनी” म्हणजे ओ माआ देवा, “ओ माआ देवा, तू माहु काहा सोडये?” 47जे तीइही उभे ओते, तीयामरोत केतेहे जोये ओ होमलित कोयु, “ओ ताहा एलीयाहा आवाज आपेहे.” 48तियाअ मायरोत एक जोओ वेगु गुगदिलो, अने स्पंज लेत आंबेत बुडावल्यो, अने बोरुच्या टोकोहपे मेकीत तियाहा चाखाछाकोता आप्यू. 49किबी जानोतांहि कोयु, “असू आप, एलिया तियाहा वासाडूहू आवत्लू का नाहा.” 50तोयों येशु फासी वोडा आवाजोमें आयडीत जीव सोडयु. 51फासी पाला मंदिरो पडदू उपो पोरोत ते निसे पर्यंत फटीत तुकडे उवे अने धरती काढीलो अने खोडको फुट्योहो, 52अने कब्रे उगडाव्यी, अने हुवतले पवित्र महुअ खूप डीले जीवतो उठी, 53अने तियाआ पुनरुत्थाना फासाडी ते कब्रे मायरोत निहित पवित्र नगरामे गोये अने दिहराहाबी देखायो. 54तोयों सुबेदार अने तियाआ बोरोबर पाहरा कोईत ओते, भूकंप अने जे किबी उवे ओते ते पालहु जास्तीज बितगोये ओते अने कोयु, “खरोज ओ देवाआ पुत्र ओतु.” 55तीही खूप बोई तियाअ गालीलोमरोत येशुउ सेवा कोईत तियाआ आरी आव्या कोयु. 56त्या माय मरिया मग्दालिया, अने याकोब अने योसेफ यांआ याह्ही मरिया, अने जब्दीच्या पोऱ्याआ याह्ही ओती.

येशुहू गाड़लोओ

(मरकुस 15.42-47; लूका 23.50-56; युहन्ना 19.38-42)

57कोईत हांजेपो उवेताहा योसेफ नावाआ अरीमतिया मेरया एक धनवान मांहु जो आपाआ ए येशु शिष्य ओतु, आवयू. 58त्याने पिलाताही जात येशुउ डील माग्ये यापोरोत पिलातुसो वांही आपिली आज्ञा कोअयी. 59योसेफाहा डील लेधलो, तियाहा साफ सादराम गुडाळेहे, 60अने तियाहा आपाआ नव्यो कब्रेचए बनापो वोडू डोण्यू लटकीत निहित गोये. 61मरीया मग्दलिनी अने दिहरी मरिया तीइही कब्रे जागे बोही ओती.

येशुउ कब्र पोओ पहरेदारी

62दिहरा तेदीही जो तीयारी फासाडी चा दीही ओतु, मुख्य याजक अने परुसी पिलाताही टोलु कोयु, 63“ओ महाराज, आमाहा ओर होय का तियाअ पुलविनाराही जांहा तो जिवंत ओतु, कोयु ओते आय तीन दिहो नंतर उठनारू.” 64सेवटे आज्ञा आप्यी का तिसऱ्या दिहेजा कब्रेची पाहानारू कोअयी गोयी, होय न ओवो का तियाआ शिष्य आविलो तियाहा चोरीते घेऊन जानारू अने मान्होहो कोय की तोओ मोअलाम रोत जीवतू ओवयुहु तेहलाम फासाडी धोखा पेल्ल्यापोरोत वाईट उवे. 65पिलातुस तियाहा कोयु, “तुमाही राखोन ताहा होय जा, तुमावाही उवे तेह्लू होंबाला का.” 66आखिर ते राखोन आरी गोये, अने दोणोपो शिक्का लागाडीत कब्रचा होंबाला कोअयु.

Currently Selected:

मत्ती 27: NOINT

Highlight

Copy