लूका 6

येशु सब्तओ प्रभु

(मत्ती 12.1-8; मरकुस 2.23-28)

1फासाडी शब्बाथआ तेदीही तो गोवोओ खेतामेरोत जात ओतु अने तियाआ शिष्य कोंहे तोडीत-तोडीत अने आथो कोईत सोलीन खात जात ओते. 2तेहलाम पारुश्यामरोत केते जोओ कोहू लागाडीत, “तुमु ते काम काहा कोअता जे शब्बाथाआ तेदीही कोअला योग्य नाहा?” 3येशु तियाहा उत्तर आप्लु कि तुमु ओ वाचले नाहा काहा दाविद जांहा तो अने तियाआ हेगांति पुखल्ये ओते ताहा कि कोल्यु? 4तो केहलु परमेश्वरोओ कोअमे गोल्यो अने भेटीई रोटा खाद्योओ ज्याहा खाअलाकोता याजकाहा सोडीत दिहीराहा खाअला योग्य निमिले अने आपाआ दोस्ताहा पण आप्लु? 5अने तिये तियाहा कोयु, माअहा पोऱ्या शब्बाथ दिहिओ प्रभू होय.

सब्त दिह रोगिही हाजु कोअयु

(मत्ती 12.9-14; मरकुस 3.1-6)

6एहलो उवे का कोडला दिहरा शब्बाथ च्या तेदीही तो मंदिरोम जात हिकुहू लाग्यू अने तीइही एक माहुहू ओतु अने तिया आथे उगात गोल्यू ओतु. 7शास्त्री अने परुसी तियापो दोष लागाडिया योग्य वेल जोडोन्याहा नदोम ओते का पाल्हू शब्बाथआ तेदीही हाजो कोअत्लू का नाहा. 8पण तो तियाआ विचार होमजाडीत ओतु; त्यापोत तिये उगालू आथाआ माहुंहु कोयु, “उठ मायज उबु रो”, तो उठित उबु रोला. 9येशु तियाहा कोयु, आय तुमामे ओ फुसल्यू का शब्बाथ च्या तेदीही काहा योग्य होय हाजो कोअला का वाईट कोअला जीवोहो वासाडीतो का नाश कोईओलो? 10तेहलाम तिये चारही सेटे तियाअ आखाहा पालहु तिया माहुंहु कोयु, ताआ आथे सेटू को, तिये तेहलूज कोल्यु अने तिया आथे हाजू ओतगोयु गोल्यो. 11पोन ते आअडित कोईत आअडीन एक दुसऱ्याला कोहू लाग्यू का आपु येशुआरी नाहाकोत कोईओलो?

बारा प्रेरित

(मत्ती 10.1-4; मरकुस 3.13-19)

12तिया दिहोमे तो प्रार्थना कोइला कोअता गोल्यो, अने परमेश्वरोओ प्रार्थना कोअलाआ आखे रात काढीत टाक्यी. 13फासाडी दीही उग्यु तेहलाम तिये शिष्यांआ हादीत तीयामरोत बाराजोहो निवडीत लेधलो, अने तियाहा प्रेषित कोयु, 14अने ते ओ होय शिमोन तियाआ नाव तिये पेत्र पण मेक्ल्ये, अने तिया पाही आंद्रिया अने याकूब अने योहान अने फिलीप्प अने बरतुल्मै, 15अने मतय अने थोमा अने अल्फीई पोऱ्या याकोब अने शिमोन जो जीलोत कोयू जात ओतु, 16अने याकोबाआ पोऱ्या यहुदा अने यहुदा इस्करियोती जो तियाहा तोईत आपणारो बोल्यू.

येशु मांहोहो उपदेश आप्यु अने हाजु कोअयु

(मत्ती 4.23-25; 5.1-12)

17तेहलाम तो तियाआ आरी उतरित हारको जागापो उबु रोला अने तियाआ शिष्याआ वोडा टोला अने आखे यहुदा अने यरुशलेम अने सोर अने सीदोन समुद्राआ मेरेरोत जास्तीज मांहे, 18जे त्याआं होमल्ये अने आपाआ बिमारीही हाजो उविला कोअता त्याजागे आव्ये ओते अने अशुद्ध आत्मावांहि पिडलेले मांहे पण हाजो कोल्यु जात ओते. 19आखे तियाहा स्पर्श कोअला इच्छा कोईत ओते काहाके तीयामरोत सामर्थ्य निहित आखाहा हाजो कोईत ओते.

आशीर्वादो वचन

20तेहलाम तो आपाआ चेलाही पालहु कोयु, धन्य होय तुमु जे नम्र होय, काहाके परमेश्वरोओ राज्य तुमाआ होय. 21धन्य होय तुमु जे फुकल्यु होय काहाके ते तृप्त कोल्यु जानारू होय, धन्य होय तुमु जे ओमे रोडतले काहाके ओहीही. 22धन्य होय तुमु जांहा माअहा पोऱ्याकोता तुमाआरी मांहे तुमाआ द्वेष कोअनारू अने तुमामे काढीत आपी अने तुमाआ निंदा कोअनारू अने तुमाआ नाव वाईट होमजीत काढीत टाकही, 23तियाअ तेदीही आनंदावाही उडीत माईलाआ काहाके पाला, तुमा कोअता होर्गाम वोडो फोल होय; तियाआ आगला डायाहा आरी पण भविष्यवक्ता आरी पण ऐहलेच कोईओलो.

शोक वचन

24पोन हाय तुमापो जे ओमे श्रीमंत होय काहाके तुमु आपाआ सांत्वन मिलवीत लेधलो होय. 25हाय तुमापो जे ओमे तृप्त होय काहाके फुकले ओवाहा हाय तुमापो जे ओमे ओहीत होय काहाके दुख कोअनारू अने रोडे. 26हाय तुमापो जांहा आखे मांहे तुमामे हाजो कोअही काहाके त्याआं आगाडी डाये पण खोटो संदेष्टाआरी ऐहलेच कोईत ओतु.

शत्रु पोओ भी प्रेम कोअलोओ

(मत्ती 5.38-48; 7.12)

27पोन आय तुम्हाआ होमलिनाराहा कोत्लू का आपाआ दुष्मनापो प्रेम को; जो तुमाआ दुश्मन होय तियाआ हाजो को. 28जो तुमामे शाप आपी तियाहा आशीर्वाद दया, जो तुमामे बदनाम कोअत्लू, त्याकोता प्रार्थना को. 29जो ताआ एक गालोपो थापोड देही आगाडी दिहरू गाल पण आगाडी को; अने जो ताआ डोगलो सांडाडत्लू तियाहा बनियन ए घेऊन जाहु विरोध कोहू नाहा. 30जो कोडु ताअही मांगनारू तियाहा आप; अने जो ताआ वस्तु मागित लेही त्यापोरोत मागहु नाहा. 31जेहलो तुमामे लागेहे का मांहे तुमाआरी कोअनारू तुमु पण त्याआरी तेहलूज को. 32जर तुमु आपाआ प्रेम कोअनारापोज प्रेम कोअनारू ताहा तुमाआ नाहाकोत जाखो? काहाके पापी पण आपाआ प्रेम कोअनारापो प्रेम कोअता 33जर तुमु आपाआ हाजो कोअनाऱ्या उपऱ्यो हाजो कोअता तीयाम तुमाआ नाहाकोत जाखो? काहाके पापी पण ऐहलेच कोअता. 34जर तुमु उद्धार आपी त्याआरोत फासी लेअला आशा तेहित होय ताहा तुमाआ नाहाकोत जाखो? काहाके पापी पाप्याहा उद्धार आपोहो का तो तेवडोग फासी मेलविनारू. 35पोन आपाआ दुष्मनापो प्रेम को अने हाजो को अने फासी जोडीला आशा तोहुं नाहा, अने उध्दार दया; अने तुमा कोअता वोडो फोल होय अने तुमु परमप्रधानो पोऱ्ये ठराविलो काहाके तो तियापो जे तियाआ आभार मानणारु नाहा अने वाईटापो पण दयालु होय 36जेहलो तुमाआ बाह्हू दयालु होय तेहलूज तुमु पण दयालु व्हा.

दोष मा लागाड़ाहा

(मत्ती 7.1-5)

37दोष लागाडहु नाहा, काहाके तुमापो पण दोष लागाड्यू जानारू नाहा दोषी ठेरवूहू नाहा, म्हणजे तुमामे पण दोषी ठेरव्यो जानारू नाहा दिहराहा क्षमा को म्हणजे तुमामे पण क्षमा कोअयी जाइअलो. 38आपा म्हणजे तुमामे पण आपलोम आवे मांहे माप दाबीन-दाबीन अने आलाडीत अने हिग पोईत तुमाआ पोदर कालतेहे काहाके ज्या मापोवांही तुमु आपाहा तियाआ मापोवांही तुमामे पण आप्लु जाइअलो. 39फासाडी तिये तियाहा एक दृष्टान्त कोयु, कि आंदलू आन्दालाहा वात कोहू शकतो नाहाकोत? नाहाकोत ते बेन खाडामेहे पोअनारू नाहा? 40शिष्य आपाआ गुरुपोरोत वोडू नाहा पण जो पुरो हिकीही तो आपाआ गूरुहोस उवे. 41तू आपाआ पायहोओ डोआमेऱ्यूं कोचाराहा काहा पालत्लू? अने आपाआ डोआमेऱ्यूं कोसरू होमजाडीत नाहा? 42तू आपाहाज डोआमेऱ्यो कोचाराहा पालीत नाहा ताहा आपाआ पायहोहो केहलो कोहू शकतो, ओ पाही थोबिलो जा ताआ डोआमेऱ्यूं कोसरू काढीत आपुहू काहा? ऐ कपटी पहीले ताआ डोआमेऱ्यूं कोसरू काड, फासाडी जो कोसरू ताआ डोआम होय तियाहा हाजा प्रकारे पालहु काढहु सेकेहे.

साड़ोओ उल्खात फलवासी

(मत्ती 7.17-20; 12.34-35)

43कोडलो हाजो साड नाहा, जो बेन कामोओ फोल लेतावणारू एन कोडलो बेन कामोओ साड नाहा जे हाजो फोल लेतआविही. 44हर एक साड आपाआ फलोपारोत ओलख जाहो काहाके मांहे काटाआ साडोपरोत अंजीर तोडीत नाहा अने बोराआ साडोपरोत द्राक्ष तोडीत नाहा. 45हाजू माहुहू आपाआ मोनोमेहे हाजा भांडारामोरोत हाजा गोठी काडत्लू अने वाईट माहुहू आपाआ मोनोमेहे वाईट भांडारामोरोत वाईट गोठी काडत्लू काहाके जे मोनामे पाअये होय तोज सोबिम येत.

कोअ बोनावनारा बेन प्रकारो मांहे

(मत्ती 7.24-27)

46जाहा तुमु माआ कोअलो मानीत नाहा ताहा माहु ओ प्रभू, ओ प्रभू काहा कोतले? 47जो कोडु मा आहने आवत्लू अने माआ गोठी होमलित्लू तियाहा मानीत होय आय तुमामे कोत्लू तो कोडाहोस होय. 48तो तिया माहुहुहोस होय जीआ को बोनाविलावेले जमीन उंडो खोदित खोडकापो पायू टाक्यू अने जांहा खाड आवयू ताहा पाअयोंआ धारा तियाहा लाग्या पण तियाहा आलाडहु शकल्या नाहा काहाके ते पक्को बोन्यो ओते. 49पोन जो होमलित मानीत नाहा तो तियाअ माहुहुहोस होय जीआ धरतीपो बिना पाया कोअ बोनाडल्ये जांहा तियाहा धारा लाग्या ताहा ते लागेज पोडीत गोये अने निसे पोडीत तिया नाश ओतगोयु.

Currently Selected:

लूका 6: NOINT

Highlight

Copy