लूका 12

शास्री अने फरीसी सारखा मा बोनाहा

1एताम जांहा हजाराआ गोर्दी उवी ओती, इहिंजा का ते एक दिहरापो पोडीत जात ओते, ताहा आखाम पेल आपाआ शिष्यांआ कोहू लाग्यू, परूश्यांआ कपट विषयी खमीरा विषयी होंबाला. 2किबी टापित मेकल्ये नाहा, जे उघडीन्या नाहा जानारू; अने किबी निकायू नाहा, जे होमजुत्लू नाहा. 3याकोअता जे किबी तुमु आंदाराम कोयु होय, ते उजाला मेहे होमल्यु जानारू; अने जे तुमु कोठडाम कानोम कोयु होय, ते कोअलापो प्रचार ओवनारु.

तियाहाज बिहा

(मत्ती 10.28-31)

4आय तुमामे जो ताआ हेगांति ओवुहू शकतो का जो डीला घात कोअता पण तियाआ फासाडी फासी किबी नाहा कोहू शकत, तियाहा नाहा बित. 5आय तुमामे सुचाविणारो का तुमु कोडाआ बितगोये जोवजे, घात कोईलानंतर ज्याहा नरकाआ टाकिलाआ अधिकार होय, तीयाहा बीआ. 6नाहाकोत बेन पैसा पाच सीडे नाहा वेसातो? तेबी पण परमेश्वर त्यापैकी होमला ला पण विहीऱ्यो नाहा. 7तुमाआ मुंडकाआ केहे पण गोणीतमेक्ल्यु आह, याकोअता बित नाहा, तुमु जास्तीज सीडे पेक्षा किमतिई होय.

येशुहु इन्कार कोअलो मतलब

(मत्ती 10.32-33; 12.32; 10.19-20)

8आय तुमामे कोत्लू जो मांहाहा आगाडी माहु स्वीकारीही तियाहा माअहा पोऱ्या पण परमेश्वरोओ स्वर्गदूता आगाडी स्वीकारीत लेही. 9पोन जो मांहाहा आगाडी माआ अस्वीकार कोअनारू तिया परमेश्वरोओ स्वर्गदूता आगाडी नकार कोअयु जानारू. 10जो कोडु माअहा पोऱ्याच्या विरूधोम कोडु गोगनारू, तिया तो अपराध क्षमा नाहा कोअल्यो जानारू पोन पवित्र आत्मा निंदा कोआ नाराहां तियाआ अपराधाआ माफी ने जोड़े. 11जाहा मांहे तुमामे मंदिर सरकार अने अधिकारी याआ आगाडी लेतजाय, ताहा कालजी नाहा कोइलाआ का आमाहा कोडला प्रकारे अने नाहाकोत उत्तर आपी, अने नाहाकोत कोअही. 12काहाके पवित्र आत्माआ तियाआ टायमोमें तुमामे हिकाडीत आपी का नाहाकोत कोहू जोवे.

एक धनी मांहोओ दृष्टांत

13फासाडी गर्दीमोरोत होमला जानोतांहि तियाहा कोयु, “ओ गुरुजी, माआ पाहीहो कोअलो का बाह्हाआ धनदौलत माआआरी वाटीत आप.” 14तो तियाहा कोयु, “ओ मांहु कोडु माहु तुमाआ न्यायाधीश वाटीईलो कोअनारू नेमिहयू होय?” 15तो तियाहा कोयु, “सावध रो, अने हर एक प्रकारोओ लालासापोरोत आपाआ खुद ला वासाडीत मेका; काहाके कोडाआ जीवोन तियाआ धन पोरोत रोत नाहा” 16तिये तियाहा एक दृष्टान्त कोद्ल्यू कोडु होमला श्रीमंत माहाआ जोमिनीही जाअखो ओन आव्ये. 17तेहलाम तो आपाआ मोनामे विचार कोहू लाग्यू, “आय नाहाकोत कोहू? काहाके माआ इही जागू नाहा जीही माआ ओन ओ मेकहु” 18अने तो कोयु, “आय ओ कोअनारू आय आपाआ कोठारे तोडीत तियाआ त्यापोरोत वोडी बोनाडनारू; अने तीही आपाआ आखे ओनाज अने माल मेकही; 19अने आपाआ जीवोहो कोअही का जीवू, ताआ जागे खूप धन मेकल्यी होय; मोज्या को, खा, पिवा, सुखोवाही रो.” 20पोन परमेश्वराने तियाहा कोयु, “ओ फोगु आज राती ताआ जीवताआ पोरोत लेदो जाइअलो; तेहलाम जे किबी तू एकठे कोल्यु होय कोडाआ उवे?” 21एहलो तो मांहु पण होय जो आपाआ याकोअता धन एकठे कोअत्लू, परंतु परमेश्वरोओ नजरो आगाडी मालक नाहा.

कोडनीज गुठीई चिंता मा कोअहा

(मत्ती 6.25-34; 6.19-21)

22तेहलाम तिये आपाआ शिष्यांआ कोयु, याआ कोअता आय तुमामे कोत्लू, आपाआ जिवोअ चिंता नाहा कोहू का आमाहा नाहाकोत खावा; नाहा आपाआ डीलाआ का नाहाकोत कालीलो. 23काहाके का आगीपेक्षा जीव, अने कापडा पेक्षा डील विशेष होय. 24कागड़ा पोओ लक्ष लागाडा; ते पेअते नाहा, नाहा वाडीलो कोईत; त्याआं कोठारे न त्याआं मोठी होय; तेबी परमेश्वर तियाहा वागवितोलु तुमाआ किमोत सिडा पेक्षा जाअखो जाखो होय. 25तुमाआ मेरये एहेलू कोडू होय जो चिंता कोअल्यावाही आपाआ आयुष्याम एक वेल पण हुकाडहु शकतो? 26यकोअता जर तुमु आखाम हानू काम तीयाहाभी नाहा कोहू शकत, तेहलाम फाशीई दिहरा गोठी याकोअता काहा चिंता कोईत रोतेहे? 27सोसन कोअनारा साडोपो लक्ष दया का ते केहलो वोदतो रोतेहे ते नाहा मेहनत कोईत, नाहा वाडिलो कोईत; तेबी पण आय तुमामे कोत्लू का सलमोन तीयाहाभी आपाआ आखा वैभवाआ, तियाआ कोडु होमला एक सारखे कापडे पेअल्यु ने ओतू. 28यकोअता जर परमेश्वर धरतीउपो खोडोहो, जे आज होय हादां आगीम मेकल्या जाइअलो, एहेलू काल्त्लू; ताहा ओ अल्प विश्वासी जनोहो, तो तुमामे काहा नाहा पेअही? 29अने तुमु ई गोठीई होदामेहे मा रोहा की खाहु की पीहू, अने ने शंका को. 30कोईत अन्यजाति ऐऐ आखे संसार वस्तुऊ होदिला मेहे रोत्ले अने तुमाआ बाह्हू ओलखीत्लू का तुमामे आव वस्तूची गरज ओतली होय. 31पोन परमेश्वरोओ राज्या अने धार्मिकता होद कोआ तेऐ आखी वस्तू बी जोडीत जाय.

धन का एखठू कोअलोओ?

32ऐ हाना झुंड, नाहा भिईलो; काहाके तुमाआ बाह्हाहा हाजो लागेहे, का तुमामे राज्य आपलो 33आपाआ धन वेसेत दान को; तेहलूज होर्गामेऱ्ये अक्षय धनोओ जीरल्यो न उवनारू खोतली आपाआ कोअता कोईत मेका तीही बांड आवीत नाहा अने किडु लागित नाहा. 34कोईत का जीही तुमाआ धन होय तीइही तुमाआ मोन तीयाहाभी लाग्यीही रोही.

कायम तियार रोवा

(मत्ती 24.42-44)

35तुमाआ कोमारे बांधीत मेकली ओये अने तुमाआ दिवे पेटाळलेल्या ओये, 36अने तुमु तियाअ मांहाहोस बन्यो, जे आपाआ मालकाआ वात पालीत रोतेहे का तो वेह्वालोमेरोत कोयो फासी आवे, अने जांहा तो आविलो बायणो टोकीही तेहलाम लागेज तियाआ याकोअता उगाड्या. 37धन्य होय ते दास जांहा मालक आविलो जागतू पालीही; आय तुमामे खरोज कोत्लू का तो कोमोर बाधित तियाहा रोटू कोइला याकोअता बोहाडे अने जागे आविलो तियाआ सेवा कोअही. 38जर तो रातीई दिहरा पहर पोन तिसऱ्या वेल आविलो जागतू पालीही, तेहलाम तो दास धन्य. 39पोन तुमु ओ होमजीत ल्या का जर कोआआ मालकोहू मालुम ओते का बांड कोडला टायमोमें आवे, तेहलाम जागतू रो अने आपाआ कोओहो फोडू आप्लु कायना ओतो 40तुमु तीयाहाभी तीयारिमे रो; काहाके का ज्या टायमोमें तुमु विचार तीयाहाभी कोईत नाहा, तियाअ टायमोमें माअहा पोऱ्या आवे.

विश्वासयोग्य सेवक कोड़ो?

(मत्ती 24.45-51)

41तेहलाम पेत्रसाई कोयु, “ओ प्रभू, नाहाकोत ओ दृष्टान्त तू आमाहा का आखाज कोयु आह.” 42प्रभू कोयु, तो विश्वासाजोगो अने विचार शाली कोडू होय, ज्याचा मालक तियाहा पावर पावोरोपो कारभारी मेकनारू का तियाहा टायमोपो रोटू साधन आपी? 43धन्य होय जो दास, ज्याहा तिया मालक आविलो ऐह्लोज कोअत्लू तेहलाम पालनारू. 44आय तुमामे खरोज कोत्लू, तो तियाहा आपाआ आखे धन उपो अधिकार ठेरवीही. 45पोन तो जर सेवक विचार कोअनारू का माआ मालक आविला वाअ कोईत होय, अने दासे अने दासी याहा माआहि देई लाग्यू, अने खात पित अने मस्त उवे. 46ताहा तियाअ सेवको मालक एहला तेदीही, जांहा तो तियाआ वात पालीलो नाहा रोही अने एह्ली वेल ज्या तो होमजुत्लू नाहा, आविलो अने तियाहा वाडीत टाकही तियाहा विश्वास नाहा आरी मेकनारू. 47तो दास जो आपाआ मालकाआ इच्छा होमजाडीत ओतु, अने तीयार नाहा रोला अने तिया इच्छावाहि जातलू, जास्तीज माआदे खाही. 48पण जो नाहा होमजीत माआदे खाअलाकोता काम कोअही तो कोम माआदे खाही; अने ज्याहा जाखा होफहोपिन आप्लु होय, तियाआ त्यापोरोत जाखा लेदिओलो जानारू.

शान्ति नाहा फूट

(मत्ती 10.34-36)

49आय धोरतीपो आग लागळा याकोअता आवयू होय; अने नाहाकोत पालोहो फक्त ओ का ओमे पेटयी ओते. 50ताहु ताहा एक बाप्तिस्मे लेअला होय, अने जोपोरोत तो उवे नाहा तोपोरोत आय कोडला व्यवस्थाम रोही. 51नाहाकोत तुमामे सोमजीतलो का आय धोरतीपो शांतता कोइला याकोअता आवयू होय? आय तुमामे कोयु; नाहा ताहा अलग कोइला याकोअता आवयू होय. 52काहाके ओमे पोरोत होमला कोआत पाच जोओ आपामे विरोध कोअनारू, तीनुविरुद्ध बेन अने बेनुविरुद्ध तीनु. 53बाह्हू पुत्रा शी, अने पुत्र बाह्हारी विरोध कोअनारू; याह्ही पोऱ्यीरी अने पोऱ्यी याह्हीरी, हावोहो वोवडीआरी, अने वोवडीहही हवोहोरी विरोध मेकही.

टायमोहो उलखिलोओ

(मत्ती 16.2-3)

54तिये माहुऊ पण कोयु, जांहा तुमु वाढलाहा पश्चिमे त्यापोरोत आविलावेले पालल्ते तेहलाम लागेज कोतले का पाई पोडी, अने तेहलूज ओते. 55अने जांहा दक्षिणाआ वारू सुटल्लू तेहलाम का तेहलाम तुमु कोतले का गरम उवे अने तेहलूज उवनारा ओते. 56अरे ढोंग कोणारा तुमु धोरती अने जुगोमेरयो रुपरांगोमे भेद कोहू सेकतेहे, परंतु आव युगाआ विषयी काहा भेद कोहू शकत नाहा?

खुदोओ समश्यारी समजोवता

(मत्ती 5.25-26)

57तुमु स्वतः निर्णय काहा नाहाकोईत लेत का हाजो नाहाकोत होय? 58जांहा तू आपाआ वाद कोअनाऱ्या आरी अधिकारी जात होय ताहा वाटेम तियाआ पोरोत सोडीलाआ पर्यंत को, एहलो नाहा उवूंहू जोवजे का तो ताहु न्यायधीश जागे घेऊन जानारू, अने न्यायधीश ताहु शिपायाआ आथे होपीही अने शिपाई ताहु जेलुमे टाकही. 59आय तुमामे कोत्लू का जोपोरोत तू दमडी-दमडी पोईत नाहा आपी तोपोरोत तीहीरोत सुटे नाहा.

Currently Selected:

लूका 12: NOINT

Highlight

Copy