प्रेरितो काम 3

लेंग्डा भिकारिही चंगाय

1पेत्र अने योहान तीसरा प्रहराआ प्रार्थनाआ वेले मंदिरोमेहे जाते ओते. 2अने मांहे एक जन्मापोरोत लेंगडू ओयत्याहा लाविलो ओतो ते हर एक दीही मंदिराआ बाअणारी जो हाजी कोअहो जात्लू बोहाडीत आपित ओते का मंदिरोम जहापोरोत भिक मागे. 3जांहा तिये पेत्राहा अने योहानाआ मंदिरोम जाआत्लू पालील्यो ताहा तिये भिक माग्ये, 4पेत्राई योहानाआ आरी तिया जागे लक्ष्य आपित कोयु, आमा वोल पाल, 5आखरी तो त्यापोरोत किबी जोडीला आशा कोईत त्याआरोत पाल्हू लाग्यू, 6तेहलाम पेत्राई कोयू, चांदी अने हुनाआ ताहा माआ कोअता होय नाहा परंतु जे मांही होय ते ताहु आपित येशु ख्रिस्त नासरीच्या नावामेहे साल उठ, 7अने तिया हुदू आथे तोईत तियाहा उठाडीलो अने लागेज तियाआ गुडाहा अने घुटन्यामेहे बल आव्ये. 8तो उठित उबुरोत गोल्यो अने चालुला कोअता फिरुहू लाग्यू, अने चालते अने कुदत अने परमेश्वरोओ स्तुती कोईत तियाआ आरी मंदिरोम गोल्यो. 9आखे माहु तियाहा सालीलावेले फिरीलावेले अने परमेश्वरोओ स्तुती कोअत्लू तेहलाम पालीत, 10तियाहा ओलखीत लेधलो का तो तोज होय मंदिराआ हाजी फाटकापो बोहित भिक मागित रोत ओतु अने जी घटना तियापरोत उवी ओती ते जास्तीज नवल कोईत चक्कित उवे.

सुलेमानो ओसाराम पतरसो भाषण

11जांहा तो पेत्र अने योहान तोवीत ओते तेहलाम आखे मांहे जाखो आश्चर्य चक्कित उवे तियाअ वेले जे सुलैमान देवडीपाही गुगदिलो ओते, 12ओ पालीत पेत्राई माहुंहु कोयु, ओ इस्राएल माहुहू, तुमु आव मांहुंपो आश्चर्य कोअता अने आमापो काहा एहलो पालीत होय का आमुज आपाआ सामर्थ्य आव भक्तीमेहे चालुला कोअता फिरुहू योग्य बोणीत आप्लु होय. 13आब्राहम इसहाक अने याकोबाआ परमेश्वर आमा पूर्वजाआ परमेश्वराने आपाआ सेवक येशुउ गौरव कोअयी ज्याहा तुमु तोईत आप्लु अने जांहा पिलातुसो वांही तियाहा सोहिला विचार कोअयु तेहलाम तुमु तियाआ आगाडी तिया नकार कोअयु. 14तुमु तियाअ पवित्र अने धोर्मी तीयाआ नकार कोअयु विनंती कोअयी का एक हत्याराआ तुमा कोअता सोडीत आप्या जावा, 15अने तुमु जीवनाआ कोअनाराहा माईत टाक्ये ज्याहा परमेश्वराने मोल्यामरोत जिवंत कोल्यु ओते अने याआ गोठीही आमाहा साक्षी होय. 16अने त्याज नावामेहे तियाअ विश्वासाआ त्यापोरत जे तियाआ नावापो होय आव मांहाहा ज्याहा तुमु पालत्ले अने ओलखीत पण सामर्थ्य आप्लु, तियाआ विश्वासा जे तियाआ त्यापोरत होय तियाहा तुमु आखा आगाडी ओ डील धनदौलत उवी होय. 17ओमे ओ पाहीही आय ओलखीत्लू का तुमु ओ काम अज्ञानामे कोल्यु होय अने तेहलूज तुमाआ सरदाराआ पण कोल्यु. 18परंतु ज्या गोठीही परमेश्वराने आखे भविष्यवक्ताआ मुखोवाही पहिलुच कोत आप्लु होय का तियाआ दुख ख्रिस्त भोगिलो, तियाहा तिये आव रीतीवाही पुरो कोल्यु. 19याकोअता मोन फिराविला अने फासी आव का तुमाआ पाप पुरोज जाय ज्याआपोरोत प्रभूऊ संमुखाने आराम मुख आवे, 20अने येशुहू मोकल्यीत जे तुमा कोअता पेलरोत ख्रिस्त निवड योजनाला गोल्यो होय. 21आवश्यक होय का तो होर्गाम तियाअ टायमोपो रोत रोही जोपोरोत ते तियाअ जोपोरोत ते आखे गोठीई हुधाऱ्यो नाहाकोईत ओते ज्याआ चर्चा प्राचीन कालोलरोत परमेश्वरोओ आपाआ पवित्र भविष्यवकत्याआ सुबीवाहीच कोयु होय. 22जेहलो का मोशेई कोयु होय, प्रभू परमेश्वर तुमाआ पाही मायरोत तुमा कोअता माअसारखू भविष्यवक्ता कोअयु जाइअलो जो किबी तुमामे कोअही तियाआ होमला. 23परंतु हर एक माहुहीई तियाअ भविष्यवक्ताआ होमल्यु नाहा माहुमेरोत नष्ट कोअयु जाइअलो. 24अने शमुवेल पोरोत तियाआ मागीलाकोत पर्यंत जिये भविष्यवक्ता गोगत्ले तियाहा आखाहा आव दिहिओ संदेश आप्यू. 25तुमु भविष्यवक्ताआ पोऱ्ये अने प्रतिज्ञाआ भागी होय जे परमेश्वराने तुमाआ आगला डायाहा पोरोत चालीलो होय जांहा तिये आब्राहमोहो कोयु ताआ वंशाद्वारे पृथ्वीई पुरो कोआ आशीर्वादित होय. 26परमेश्वराने आपाआ सेवकोहो उठवीत पहीले तुमाही मोकल्ये का तुमाआ मायरोत प्रत्येकाहा तियाहा वाईट सोडीत आशीर्वाद आप्लु.

Currently Selected:

प्रेरितो काम 3: NOINT

Highlight

Copy