यूहन्ना 2
2
गलीला रे काना में पहिला हेरानी रा काम
1चिउंणे धयाडे गलीला रे काना में कासका ब्याहा, होर यीशु री आमा भी तखे थी। 2यीशु होर तेऊरे चेले भी तेऊ ब्याहा में शादी दे थी। 3जेबा दाखरस घटु, तेबा यीशु री आमा तेऊबै बोलू, त्या सेटा दाखरस नांई रहू। 4यीशु तेसाबे बोलू हे बेटड़ी, माँह ताहका कैह काम? ऐबरे मेरा वक्त नांई आउआ। 5तेऊरी आमा सेबका बे बोलू, जोह कुछ सह तमाबे बोलल, तेडा ही करे। 6तखे यहूदी रे शुद्ध करणे री रीति रे साबे पाथरा रे छह घड़े डाही दे थी, जासू में दुई-दुई चीण-चीण मन समाऊंदा थी। 7यीशु तयाबे बोलू, मटके में पाणी भरा। त्याहे त्या पुरे-पूरे भरी। 8तेबा तेऊ तयाबे बोलू, ऐबा काडी करे धामा रे प्रधाना सेटा बे निआं। होर त्याहे नीऊं। 9जेबा धामा रे प्रधाने सह पाणी परेखु, जोह दाखरस बणु थी, होर नांई ज़ाणदअ, कि यह कंधा का आउआ (पर जुणी सेबके पाणी काढु, त्या जाणा थी) तेबा धामा रे प्रधाने लाडे शादी करे तेऊबै बोलू, 10हर एक मणश पहिले शोभला दाखरस दिंदा, होर जेबा लोका झूटी करे रजा, तेबा मझ़ला दिंदा; पर ताए शोभला दाखरस ऐबरे तणी डाहुदा। 11यीशु गलीला रे काना में आपणा यह पहिला चिन्ह रिहाई करे आपणी महिमा प्रकट करी होर तेऊरे चेले तेऊ पेंदे बुशाह करू। 12तेता बाद सह होर तेऊरी आमा होर तेऊरे भाई होर तेऊरे चेले कफरनहूम वै, नाठे होर तखे थोड़ी धियाड़ी रही।
देहुरे का बयपारी बागे काहणे
(मत्ती 21.12,13; मरकुस 11.15-17; लूका 19.45,46)
13यहूदी रे फसहा री ज़ाच नेड थी, होर यीशु यरूशलेमा बे नाठअ। 14तेऊ देहुरे में बलदा भेडा होर कबूतरा बेचण आले होर सरारफो बेठेदे हेरी। 15तेबा तेऊ राशी रअ कोडे बानीकरे, सबे भेडा होर बलदअ देहुरे का काहडी, होर सराफ़ो रे ढबे फुनी होर त्याह रे मंजे उलटे करी, 16होर कबूतर बेचण आले बे बोलू, याह अखा का नींयां। मेरे पिता रअ परमेश्वरा रअ प्रार्थना घर धान्दे रअ घर नांई बणाऐं। 17तेबा तेऊरे चेले याद आई कि लिखू दा साहा, की तेरे घरा री धुना हाऊं खाणअं। 18ऐता पेंदे यहूदिये बोलू, तूह जोह यह करा तेबा हामा बे कुण जेहअ चिन्ह रिहाउंदा? 19यीशु तयाबे उतर दिंना, ऐऊ देहुरे पेचा, होर माँह यह चीई धयाडी में खडअ करन। 20यहूदी बोलू, ऐऊ देहुरे बणाऊणे में चाल़ी बर्षा लागी दी आसा, होर ताह कैह चिई धयाडी में त्यारअ करणअ? 21पर तेऊ आपणी देहा का देहुरे रे बारे में बोलू। 22अगर सह मुएंदे मेज़ा का जिऊंदअ होऊ तेबा तेऊरे चेले याद आई कि तेऊ बोलू; होर त्याहे पवित्र शास्त्र होर तेऊ बचना री जोह यीशु बोलू, बुशाह करु।
यीशु मणशा रे मना जाणा
23जेबा सह यरूशलेमा मे फसह रे वक्ते ज़ाचा में थी, तेबा बहू कै त्या चिन्ह जोह सह रीहाउंदा थी, हेरी करे तेऊरे ना पेंदे बुशाह करू। 24पर यीशु आपणे आपा बे त्यारे बुशाहा में नांई डाहू, किबेकि सह सभी जाणा थी; 25होर तेऊ ज़रुरत नांई आंधी थी, कि मणशा रे बारे में कोई गुआही दे, किबेकि ऐबा आपे ही जाणा, कि मणशा रे मने कैह साहा दा।
Currently Selected:
यूहन्ना 2: ISJNT
Highlight
Share
Copy
Want to have your highlights saved across all your devices? Sign up or sign in
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.
