Elshiler Kitap haqqında maǵlıwmat
Kitap haqqında maǵlıwmat
Bul kitaptı Luka jazǵan. Ol elshiler menen jaqsı tanıs bolıp, elshi Paveldiń kóp saparlarında oǵan joldas bolǵan. Kitapta biziń eramızdıń I ásiriniń ortalarında payda bolǵan birinshi iseniwshi jámáátlerdiń 30 jıl ishindegi tariyxı aytıladı.
Bul kitap Luka jazǵan Xosh Xabardıń dawamı bolıp, elshilerdiń xızmetleriniń hám birinshi jámáátler arqalı Qudaydıń isleriniń dawam etip atırǵanın kórsetedi.
Jáne de, bul tórt Xosh Xabardı hám elshilerdiń xatların baylanıstırıwshı kópir bolıp, elshiler Petr hám Paveldiń xızmeti haqqında hám iseniwshi jámáátlerge jazılǵan jańa kelisimdegi xatlar jazılǵan waqıtta qanday jaǵday bolǵanı haqqında maǵlıwmat beredi.
Kitaptaǵı waqıyalar Erusalimnen baslap Rimge deyingi aralıqta bolıp ótedi. Lukanıń bul kitaptı jazǵandaǵı maqseti tek iseniwshi jámáátlerdiń tariyxın jazıp qaldırıw emes, al Iysa Masiyxtıń Xosh Xabarınıń pútkil dúnyaǵa tarqatılıwı ushın Muxaddes Ruwxtıń iseniwshiler arqalı neler islegenin kórsetiwden ibarat edi. Óytkeni Iyemiz Iysanıń Ózi: «Biraq sizlerge Muxaddes Ruwx túskende kúsh-quwat alasızlar hám Erusalimde, pútkil Yahudiyada, Samariyada, hátte, dúnyanıń shetine deyin Meniń gúwalarım bolasızlar», – degen edi (1:8).
Házir de Muxaddes Ruwx Iysa Masiyxqa tiyisli iseniwshi jámáátler arqalı solay is alıp barmaqta.
Currently Selected:
Elshiler Kitap haqqında maǵlıwmat: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022