Amaculo 66

ICULO LXVI.

Iculo lokuvunywa, liba̔lelwe umhlabeli omkulu.

1DANDULUKANI ngovuyo, mhlaba wonke! 2Culelani ubungcwalisa begama lake; yenzani bungcwalisa udunyiswa lwake. 3Yitini kutixo: Hai ukwoyikeka kwemisebenzi yako! ngenxa yobukulu bamandla ako, intshaba zako zozenzisa kuwe. 4Wonke umhlaba uya kubedesha wena, bacule kuwe; boculela igama lako. Sela.

5Yizani nibone imisebenzi katixo: woyikekile ngokwenza kwake ngakubo onyana babantu. 6Waguqula ulwandle lube ngumhlaba owomileyo, ukuba bawele umlambo ngenyawo: kona apo siya kuvuya ngaye. 7Upete ngamandla ake ngonapakade; amehlo ake ayagqala abaheyideni: abanenkani mabangazipakamisi. Sela.

8Bongani utixo wetu, nina bantu! vakalisani ilizwi lokudunyiswa kwake: 9omisa umpefumlo wetu ekudliwenikwobomi, engavumi ukuba inyawo zetu zishukunyiswe. 10Ngokuba wena, Tixo! usilingile; usicokisile njengokuba kucokiswa isilivere. 11Wasingenisa elutanjeni; wabeka ubunzima esinqeni setu. 12Wenza ukuba kukwele abantu pezu kwentloko zetu; sangena emlilweni nasemanzini; kodwa wasiku̔pela endaweni yobuninzi.

13Ndiya kungena endlwini yako namadini okutshiswa; ndiya kufeza kuwe izibambiso zam, 14owabuzivulela umlomo wam, waziteta kwa umlomo wam, nxa bendisekubandezelweni. 15Ndiya kunikela kuwe amadini okutshiswa atyebileyo, kunye nesiqumiso senkunzi zegusha; ndiya kunikela inkomo kunye nebokwe. Sela.

16Yizani nipulapule, nonke nina nimoyikayo utixo! ndandiya kushumayela oko akwenzele umpefumlo wam. 17Ndabizela kuye ngomlomo wam, wapakanyiswa ngolwimi lwam. 18Ukuba ndibe ndibonile inkohlakalo entliziyweni yam, inkosi inga ingandivanga: 19kanti utixo uvile ngenyaniso; upulapule ilizwi lomtandazo wam. 20Makabongwe utixo ongapambukisanga umtandazo wam, kwa nobubele bake kum.

Currently Selected:

Amaculo 66: XHO1902A

Highlight

Copy