Amaculo 30
30
ICULO XXX.
Iculo eliyingoma yokutwasiswa kwendlu, elika‐Davide.
1NDOKUPAKAMISA, Yehova! ngokuba undinyusele pezulu, nentshaba zam ungazivuyisanga ngam. 2Yehova, Tixo wam! ndalilela kuwe, waza wandipilisa ke. 3Yehova! unyusile umpefumlo wam encw̔abeni; undigcinile ndihleli, ndize ndingehli ndiye esihogweni.
4Culani kuyehova, nina bangcwele bake! nibulele ngenkumbuzo yobungcwele bake. 5Ngokuba engumzuzwanyana kodwa engqunjeni yake; kuko ukudliwa kwobomi embukweni yake: ngokuhlwa kungalalisa ukulila, kodwa kwakusa kufika ukugcoba.
6Ndati mna ebutamsanqeni bam: Andisayi kuza ndishukunyiswe napakade. 7Wena, Yehova! ngembuko yako, umisile intaba yam ibe namandla; wafihla ubuso bako, ndasendituswa ke. 8Ndabizela kuwe, Yehova! kwa kuye uyehova ndataṙuzisa. 9Kuko uncedo lwanina egazini lam, ndakuhlela emnxunyeni? utuli lwokudumisa na? lwoshumayela inyaniso yako na? 10Yiva, Yehova! ube nofefe ngakum; Yehova! yiba ngondincedayo. 11Undiguqulele ukulila kwam kwaba kududa; uyicumbulule intlakantlaka yam, wandibinqisa uvuyo; 12ukuze ingcwalisa yam icule kuwe, ingati tu. Yehova, Tixo wam! ndiya kubulela kuwe kude kube ngunapakade.
Currently Selected:
Amaculo 30: XHO1902A
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902.
