U‐Yisaya 28
28
1KWOBA nzima kuyo ikrone ebur̔atshi yabanxili bakwa‐Frayime, nakuyo intyatyambo eshwabanayo yobuhle babo obubungcwalisa, epezu kwentloko yesihlambo esityebileyo sabeyiswayo yiveyine. 2Bona ke, owomeleleyo onamandla wenkosi, yena, njengesipango sezico̔to, njengomvumbi otshabalalisayo, njengengxokolo yamanzi amakulu akukulayo, woyikahlela emhlabeni ngesandla. 3Zonyatelwa ngenyawo ikrone ezibur̔atshi zabanxili bakwa‐Frayime. 4Nentyatyambo eshwabanayo yobuhle babo obubungcwalisa, epezu kwentloko yesihlambo esityebileyo, yoba njengekiwane latanci lingekabiko ihlobo, eliti lakubonwa ngolikangelayo, nxa lisesesandleni sake, liginywe nguye.
5Ngomhla lowo uyehova wemikosi woba yikrone yobungcwalisa, nesitsaba sobuhle, kwisisalela sabantu bake; 6kwa nomoya wobugwebo kohleliyo endaweni yokugweba, nobuṙoti kwababuyisayo ukulwa ngasesangweni.
7Kodwa kwa naba bayaposisa ngeveyine, bayagexa ngotyalwa; umperisite nomprofite bayaposisa ngotyalwa; baginyelwe yiveyine; bayagexa ngotyalwa; bayaposisa ngomboniso; bayajingajinga ekugwebeni. 8Ngokuba zonke itafile zizele ngumhlanzo nokunco̔la; akuko ndawo emhlope. 9Uya kufundisa banina ukwazi? uya kuqondisa banina intshumayelo? Abalunyulweyo emasini; abasusiweyo emabeleni. 10Ngokuba kuko isiyalo ngesiyalo, isiyalo ngesiyalo; ummiso ngommiso, ummiso ngommiso; intwanantwana apa, intwanantwana paya.
11Koko ngomlomo wasemzini, nangolwimi lumbi, aya kuteta kwababantu; 12ngokokuba ebesiti kubo: Nanku ukupumla; pumzani odiniweyo; nanku nokwonwaba; kodwa bebengavumi ukupulapula. 13Ngako ilizwi likayehova lobako kubo, isiyalo ngesiyalo, isiyalo ngesiyalo; ummiso ngommiso, ummiso ngommiso; intwanantwana apa, intwanantwana paya: ukuze bamane besiwa ngomva, bapulwe, batiyelwe, babanjwe. 14Ngako oko, yivani ilizwi likayehova, nina bagxeki! abapata ababantu abase‐Yerusaleme. 15Ngokuba nisiti: Ucebano silwenzile nokufa, nemvumelano siyenzile nehadesi; isibeto esikukulisayo, nxa sicandayo, asiyi kusifikela, ngokuba simisile ilwimi zibe yindawo yetu yokupepela, nangapantsi kwobuxoki sizifihlile. 16Ngako oko, itsho inkosi e nguyehova ukuti: Bona ke, ndiya kubeka e‐Ziyone libe sisisekelo ilitye, ilitye elingiweyo, ilitye legumbi elinqabileyo, isisekelo esiqinileyo: lowo ukolwayo akayi kuba nokunxama. 17Koko ndiya kumisa ubugwebo ngentambo, nobulungisa ngeplumete; isipepelo selwimi izico̔to ziya kusimkisa, nendawo yokufihlela amanzi aya kuyikukulisa. 18Ucebano lwenu nokufa lwotshatyalaliswa, nemvumelano yenu nehadesi ayisayi kuma; isibeto esikukulisayo, nxa sicandayo, niya kwandula ninyatelwe pantsi siso. 19Ngexesha sisukuba sicanda, sonisusa ke; ngokuba ngokusa ngokusa siya kucanda; ngemini nangobusuku: kwoba yimvuselelo nokuba kuviwa iṙeto laso kodwa. 20Ngokuba umandlalo umfutshane ukuba kwolulwe, nesigubungelo sixinene ukuba kutwe tyu. 21Ngokuba uyehova eya kusuka njengasentabeni ye‐Peratsime, uya kuqumba njengasemhlanjeni we‐Gibeyone; ukuba asenze isenzo sake, isenzo sake abengasazi; nokuba asebenze umsebenzi wake, umsebenzi wake abengawuqeli. 22Ngako kaloku, ningazilahleli ekugxekeni, zingabi izinxibo zenu ziqiniswe; ngokuba ukugqityelwa, kwa oko kumisiweyo, ndikuvile, kuvela enkosini, kuyehova wemikosi, pezu kwelizwe lonke.
23Nikani indlebe, nive ilizwi lam; pulapulani, nive ukuteta kwam. 24Yimini yonke na apulushayo umpulushi ukuba ahlwayele? yimini yonke na aku̔belayo aqwakanise umhlaba wake? 25Akati na, akuba elungelelanisile ubuso bawo, andule ayicite idile, ayiti sa ikumine, abeke inqolowa ngenṙozo, neṙalasi endaweni eyimiselweyo, nespelete emdeni wake? 26Ngokuba utixo wake emazisa okufanelekileyo; yena uyamfundisa. 27Ngokuba idile ingabulwa ngentsimbi zento yokubula; kanjako ivili yenqwelo ayiqengqwa pezu kwekumine; koko idile ibulwayo ngentonga, nekumine ngoluti. 28Inqolowa iyanqushwa; ngokuba engayi kuba ngamaxesha onke eyibula; kanjako akayi kuqu̔ba ingqengqeleko yenqwelo yake namahashe ake pezu kwayo; akayi kuyityumza. 29Nalento iyavela kuyehova wemikosi, okuceba kungummangaliso, okwenza kukulu.
Currently Selected:
U‐Yisaya 28: XHO1902A
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902.
