Wĭkheegŭn 19
19
1Toocheu’ netwāje Peloot wekwĕhlal Sāsoosŭl ha oomatŭhal.
2Ha sŭmagŭnŭsŭk ootŭlŭskŭn‐wŏtŭmŭn’ea chetookā’pesoot’ menooseā’, ha oochetookā‐pela’nea, ha mooskwŏŏnĭmkwŏŏpĕhtĕh wesāgŭnŭsoot’ oonasāhtooŏnea.
3Ha pĕtabase’neal, ha etŭmootooŭk: Koolasekoolpŭn kel kĭnchamŭsweŭn Lĕsweesooĭkŏŏk. Ha ookaske‐gwĕhtahawŏl.
4Peloot apch ootŭlĭhan ha ootĭha: Sagĭhtŏŏk, n’pĕjĭpha āoolteĕkw koojĭkchĭjetoo’nea nel skat ’nmŭskŭmooŭn patawĕhkasooagŭn oohŭkĕk.
5Netwāje wĕchkooe‐noodahat Sāsoos oopŭskŭmŭn chetookāpesoot’ menooseā’, ha neaga mooskwŏŏn‐ĭmkwŏŏpĕhtĕk wesā’gŭnŭsoot’, ha ootĭha: Sagĭhtŏŏk ooskedap’.
6Netwāje k’chepatŭleasŭk ha noojĭkwŏŏnkateejĭk nĕmehatĭt, ŭksekowā‐wĕstootooŭk, etŭmootooŭk: Sedakwtaha’n! sedakwtaha’n! Peloot ootĭha: Kelooow’ wekwĕhlook ha sedakwtoohook! eebŭchŭl nel skat n’mŭshŭmooŭn patawĕh‐kasooagŭn oohŭkĕk.
7Lĕsweesŭk ootasedāmawŏl: Bootoosooagŭn n’te’‐enā’n: ha neeloon n’bootoosooa’gŭnŭn ĕlkŭmawĭk chooe‐mĕche‐nĕp’; eebŭchŭl lĕhlŭsoopŭn Nŭkskam ookwŏŏsĭn.
8Netwāje Peloot noodŭk yoot kŭlooswagŭn, oopeāmesĕksĭn,
9Ha apch ŭksĕhĕ k’chesakŭmowĭgwamŭk, ha ootĭhal Sāsoosŭl: Tama’ ktŭtlāyow’? Kānookŭloo Sāsoos skadama ootasedĕmow’eŭl.
10Toocheu’ Peloot ootĭhal: Skat kŭlooleu? skat ŭkŭjejetooŭn nel n’teĭn tŭpĕltŭmooagŭn ŭktasedakwtŭhoo’lŭn? ha neaga n’teĭn tŭpĕltŭmooagŭn ŭkpoonĕhlŭlŭn?
11Sāsoos asedāmat: Kel skatŭp ŭktëeewŭn tŭpĕltŭmooagŭn ooche nel, skat oochemĭl’oomook’ spŭmŭk. Netwāje nāgŭm nŭt tan melooĕt n’hŭk, peĕmkekoon lakŭmĭksooagŭn āĭt.
12Net wĕjātagāmŭk Peloot ootŭkwājeboonĕhlal. Kānookŭloo Lĕsweesŭk kĭntakwsooltooŭk etŭmootooŭk: Poonĕhlŭt wŏŏt ooskedap, skat koosewāwewŭn Sesŭl. Tan wĕn kesĕhlŭsĭt ookĭnchāmŭsooĭn, oonathŭmooŏl Sesŭlŭl.
13Netwāje Peloot nootŭk yootŭl kŭlooswa’gŭnŭl, oonootĕphăl Sāsoosŭl ha ŭpĕssoo bootoosoo‐agŭne‐kwootŭpoot’, tan tĕt lewĭhtasoo Lapskŭneegŭn owt, ha Lĕsweesooŏdooāmŭk, Gabbata.
14Net kesook oolăjooltĭn nankŭmehagāwā’ wĭkhŭpaltemŭk, ha tamahal’ paskwĕ. Ha ootĭha Lĕswees: Sagĭhŏŏk, kĭnchāmŭsmooŏh!
15Kānookŭloo kĭntakwsooltooŭk: Ulmĭpha’n! ŭlmĭpha’n! sedâkwtŭha’n! Peloot ootĭha: n’tase’dakwtaha’ch kĭnchāmŭsŭmooŏ? K’chepatŭleasŭk ootasedāmawŏl: Skadama n’teewawĭn kĭnchāmŭs tĕpŏŏkt Sesŭl.
16Toocheu netwāje oopoonātooŏnân’eal Sāsoosŭl oopeteenooŏk ootasedâkw‐tŭhaselĭn. Ha nāgŭmow wekwĕhlawŏl Sāsoosŭl, ha ootŭlĭphawŏl.
17Ha pŭmegalal oochebeat‐koomŭl, ha ŭlĭhĕ net tan ĕlewĭhtasĭk, Oosŭgatŭp, tan Lĕswesooŏdooāmŭk lewĭhtasoo, Gŏlgŏta;
18Tan tĕt ĕtle‐sedâkwtŭhatĭt, nāgŭm ha neaga sedâkwtŭhasooŭk kŭtŭkĭhĭ nesoo wejāachĭhĭ, tŭhĕdooĭkagoo, ha Sāsoos ā’baseu’.
19Ha Peloot wesooŭnhasoo āwĭkhŭk, ha oosasetaskĕhtoon chebeatkŏŏk. Ha ŭlooĭkhasoo: Sāsoos Nasalĕtkāoo, Lesweesŭk ookĭnchāmŭsŭmooŏl.
20Netwāje yoot wesooŭnhasoo ŭktanâkwsooŭk Lĕsweesŭk ĕketŭmootĭt, eebŭchŭl net ĕtlesedâkwtŏŏhoot kweheu’ oodāānĕk; ha ŭlooĭkhasoo Lĕswesooŏdoowāweu’, ha Glekāwŏdoowāweu’, ha Lătŭnwŏdoowāweu’.
21Netwāje Lĕsweesŭk ookechepatŭleasŭmooŏ ootĭhawŏl Pelootŭl: Moo sak ŭlooekŭmookŭch’, Lĕsweesŭk ookĭnchāmŭsŭmooŏl: ŭlooĭkhŭmoon’tak’: Eetŭmoopŭn nel Lĕsweesŭk ookĭnchāmŭsŭmooŏl.
22Peloot asedāmat: Tan keswĭkhŭm, n’kesewĭkhŭmŭn.
23Toocheu’ sŭmagŭnŭsŭk kese sedakwtŭhatĭt Sāsoosŭl, wekwĕhtooŏn’eal oohŭlgwootāwa’gŭnŭl ha oonāwĭchpŭnmŭneal, ātăseu sŭma’gŭnŭs n’koojechpŭt; ha neaga ootŭpskwŏŏns. Net pŭskoonas skadama legwŏdĭgŭneu’, ha ooche‐maje‐atŭketa’hasoos’ kwŏŏnaskweu malŭmŭtā ĕmĕkāu’.
24Netwāje yŏŏhoodooltooŭk: Chegow’ skat skwŏŏskenā‐too’wŭkw, kŭtootĕhmowtooltenĕch tak wĕnŭch oomŭchĕsoom. Wĕlaman Nŭkskamwā Wĭkheegŭn tan eetŭmooĭk ŭlĭhĕ: Oosesĕnmân’eal n’tŭlkwŏŏtāwa’gŭnŭl, ha ookŭtootĕh‐mowtool‐te’nea n’tŭpskwŏŏns.
25Yootŭl kĕkwsăl sŭmagŭnŭsŭk ĕlookhŭteetĭtpŭnĭl. Ha kweheu’ skŭltooŭk Sāsoos oochebeatkoomŭk, Sāsoos wegoowŏŏsŭl, ha neaga Male Clopŭs oonesooeteejĭl, ha neaga Male Mădlān.
26Sāsoos netwāje nĕmĭhat wegoowŏŏsŭl ha neaga net noodŭkĕhkemoojĭl tanĭl moosalajĭl sĕhke kwĭheu’, ootĭhal wegoowŏŏsŭl: Apet, sagehan’ kwŏŏs.
27Toocheu’ ootĭhal noodŭkĕhkemoojĭl: Sagehan’ kegoowŏŏs’. Ha wĕjātagāmŭk net tŭpaskoodeegŭn nŭt noodŭkĕhkeemoot ootŭlĭphal weegŭk Sāsoos wegoowŏŏsŭl.
28Net agĭmte Sāsoos eebŭchŭl ookŭjejihtoon m’seu’kĕkwsăl tŭkā’ch n’keka‐kesātasĭn, wĕlamân Nŭkskamwā’ Wĭkheegŭn tan eetŭmooĭk kesātasoop, eetŭm: N’kŭtoowŏŏsŭm.
29Net malĭkeĕsees net ŭpoo p’sŭnpĕ peneegŭl; ha oochĭpsŭnpātoo’nea sĭnkŭlateegŭn, ha oonasakw’hŭmŭn’ea ha ootŭlakwhŭmooŏn’ea ootoonŭk.
30Sāsoos netwāje kes mĕs’ŭnŭk peneegŭl, eetŭm: Kesātasoo ha ŭlaagoo, ha ĕkoolamoo.
31Netwāje Lĕsweesŭk eebŭchŭl oolajooagŭnekeesook net keesook, wĕlamân m’hŭkeŭl skatŭp ëeuëŭl chebeatkwĭkŏŏk atlasĭmooe‐kesookŭk, eebŭchŭl net atlasĭmooekesook k’chekeesook net, oopagoowŏŏma’nea Pelootŭl ookatooŏl tŭmĭhtĕhmoo‐ootŭp ha pŭlewooplĭphak.
32Netwāje sŭmagŭnŭsŭk pĕdabase’nea ha tŭmĕhtooŏn’eal tŭmkāwāâl ookatŭl ha neaga kŭtŭkĭl tanĭl wej’e‐sedakwtoohoot.
33Kānookŭloo pĕjeëeatĭt Sasoosŭl ha nĕmehatĭl oomĕchenalĭn tŭkā’ch, skatama ootĕmĕhtooow’neal ookatŭl.
34Kānookŭloo pĕskw nĭkt sŭmagŭnŭsŭk oosaphal ĕpmĕlwalĭt tŭkŭteegŭnŭk, ha nŭkŭsaeu’ pŭgahkŭn ha samagwŏn wĕjesakheejooŭk.
35Ha nŭt tan kese‐nŭmĭhtakw kesĭnspeuwŏŏlamĕh, ha oonŭspeuwŏŏlâmāwagŭn oolamāweu’, ha ookŭjejĭhtoon tan eetŭk oolamā, wĕlaman kelooow’ neaga koolamsŭtŭmootenea’p.
36Ebŭchŭl yootŭl kĕkwsâl wĕjekesātasegĭl wĕlamân tan Nŭkskamāwā’ Wĭkheegŭn edŭmooĭk, ŭlāu: Pĕskoon ooskŭneesŭm skatŭch tŭmĕhtaseu’.
37Ha apch kŭtŭk tan āwĭkhasĭk Nŭkskamāwā’ Wĭkheegŭn ĭkŏŏk, eetŭmooĭk: Ootŭsagehawŏl’ch nāgŭm tanĭl saphatĭtpŭnĭl.
38Ha agĭmtĕ yoot, Soosĕp tan tŭlā’ Alĭmŭteâk, tan Sāsoos oohŭkĕk wĕtŭkĕhkemoot’, kānookŭloo ke’gemeu’ eebŭchŭl oonŭgaala Lĕswees, pagoowŏŏman Pelootŭl ookesĕltŭmagoon oomajĕptooŏn Sāsoosŭl oohŭk: ha Peloot ookesĕltŭmooŏn. Netwāje pŭkŭchehĕ ha oomajĕptooŏn oohŭk Sāsoosŭl.
39Ha neaga Nĭkoodĕm pŭkŭchehĕ tan tŭmk oopŭkŭchehanāāpŭnĭl Sāsoosŭl ne’baeu’, ha oopĕjĭptoon [n’pesoonŭl] mŭl ha alos wowëŭkĭhĕ tamaha’l n’koodât’kw kĕsĭtkeegoon.
40Toocheu’ wĭhkwĕhtoo’ŏnea Sāsoosŭl oohŭk’, ha wĭsĕgĕhlawŏl atoolhawā’gŭnŏŏk, maweu yootŭl melepookĭl: tan Lĕsweesŭk eelĕhlahtĭt n’pooenooŭl pooskŭnatĭt.
41Net tan tĕt ĕtlesedâkwtŭhootpŭn n’pesoonkĭkan ëupŭn, ha n’pesoonkĭkanŭk ëupŭn pelā’ pooskŭnegŭnalŭkw, net tĕt mĕsk wĕn māch kese poonawŭnaweepŭn.
42Netwāje net tĕt poonatĭt Sāsoosŭl ooche Lĕsweesŭk oolajoo‐agŭne‐keesookŭmoowŏ; eebŭchŭl net pooskŭnegŭnalŭkw kwĭheu ëupŭn.
Currently Selected:
Wĭkheegŭn 19: PQM1870
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1870.
