Wĭkheegŭn 17
17
1Yootŭl kŭlooswa’gŭnŭl Sāsoos etŭkŭb’ŭnĭl, ha spŭmŭk spŭmkeek ŭlaboopŭn, ha etŭmoopŭn: Me’takwe’ tĕbŭnaskooĭhak egĕhĕ k’chetŭmetŭhamâ’n kwŏŏs, wĕlamân kwŏŏs kechetŭmetŭhamŭkw kel.
2Stŭkā’ kel ĕlemĭltŭpŭn ootŭpĕltŭmŭn m’seu m’hŭk, wĕlamân oomeelân askŭmowsooagŭn m’seu tanĭhĭ mĭltŭbŭnĭhĭ.
3Ha yoot net askŭmowsooagŭn, ŭknŭnagoon kel tĕpŏŏkt wĕlâmāwe‐Nŭkskam‐weŭn, ha neaga ookŭjejeha’nea Sāsoos‐Newĕskool tan pĕtŭkĭmtŭpŭn.
4Nel kechetŭmetŭham‐ŭloopŭn k’takŭmeegook: n’kesātoon lookāwagŭn tan meleŭnpŭn n’tŭlooka’dŭmŭn.
5Ha tŭkā’ch, Me’takwe’, oochĭkchetŭmetŭhamen kel ŭkhŭkĕk net k’chetŭmetŭhamkoosooa’gŭn ĭkŏŏk tan neseëyŭkwpŭn mĕskw kĕhtakŭmĭgwenook.
6N’takĭnoowātooŏnāpŭn koocesooŭn nĭktŭk pŭmowsooenooŭk tanĭk wĕje‐meleŭnpŭnĭk ooskĭt’kŭmĭkw. Kel nĕhkĕtkŭk, ha kel k’melenŭk, ha oosaktŭm‐ŭneapŭn ŭkŭlooswagŭn.
7Tŭkā’ch ookŭjejetoo’nea m’seu kĕkwsăl tanĭl kese meleŭnpŭnĭl oochehĕ ŭkhŭkĕk.
8Eebŭchŭl kŭlcosooa’ gŭnŭl tanĭl meleŭnpŭnĭl, n’melanā’pŭnĭl, ha oomŭsŭnŭmŭneäbŭnĭl, ha ookŭjejetoonea oolamāwagŭn ĭkŏŏk noojĭhan kel ŭkhŭkĕk, ha oolămsŭtŭmooteneapŭn k’pĕtŭkemeepŭn.
9N’pabatŭmooāwŏk. Skat n’pabatŭmooāootŭmooŭn ooskĭtkŭmĭkw; kānookŭloo n’pabatŭmooāwŏk tanĭk meleŭnpŭnĭk, eebŭchŭl kel nĭkt.
10Ha m’seu kekwsăl tanĭl nel, kel na neetŭl; ha tanĭl kel, na neetŭl: ha nel wĕjĭkchetŭm‐metŭhâmkoose neetŭl.
11Ha nel skat agwŏmk n’tŭlmëeu ooskĭtkŭmĭkw; ha yooktŭk ëooltooŭk ooskĭt’kŭmĭkw, ha nel n’pŭkŭche āëŭn. Nŭkskamwe‐Me’takwe’, ankāooŏn yooktŭk kooesoo’ŭnŭk tanĭk meleŭnpŭnĭk, wĕlamân lepĕskoowewŭkch, stŭkā’ keloon ĕlepĕsoo’wëŭkw.
12Tan kwĕne‐wejehāmook, n’tŭtŭlankāooabŭnĭk kooesooŭnŭk. Tanĭk yŏŏkt meleŭnpŭnĭk n’tankāooa’bŭnĭk’ ha skatama wĕn skwŏŏskā’daseu’, tĕpŏŏkt skwŏŏskĕhlŭtooagŭn ookwŏŏsŭl, wĕlaman tan Nŭkskamāwā’ Wĭkheegŭn eetŭk n’kekakesātasoo.
13Ha tŭkā’ch n’pŭkŭche tan āeŭn, ha yootŭl kĕkwsăl ĕtleëtŭmanĭl ooskĭt’kŭmĭkw, wĕlaman ooteë’nea nel nooledŭhaswagŭn n’kekapsŭnātasoo oohŭkāwŏk.
14Melanāpŭn ŭkŭlooswagŭn, ha ooskĭt’kŭmĭkw ootakwedŭhamabŭnĭhĭ, eebŭchŭl skat tŭlāowoolte’weŭk ooskĭt’kŭmĭkw, stŭkā’ nel skat ĕle‐tŭlāyaweu’ ooskĭt’kŭmĭkw.
15Skat wekoodŭmoolooŭn kooje‐wekw, wĕhlan ooskĭtkŭmĭkw; kānookŭloo koojeankāooanp mŭdooāooa’gŭnŭk.
16Skat tŭlāowoolte’weŭk ooskĭt’kŭmĭk stŭkā’ nel skat ĕletŭlāyaweu’ ooskĭt’kŭmĭkw.
17Ooche‐nŭkskâmāwāuĕhlân nāgŭmow koolâmāwa’gŭnŭm ĭkŏŏk; ŭkŭlooswagŭn oolâmāwagŭn net.
18Stŭkā’ kel ĕleŭlgemeŭnpŭn ooskĭtkŭmĭkw nel, netna nāgŭmow’ ĕlehŭlgeemŏŏk ooskĭtkŭmĭkw.
19Ha ooche nāgŭmow nŭkskamāwĕhlŭs, wĕlamân nāgŭmow ooche‐nŭkskamāwā‐tasoolte’nea oolâmāwagŭn ĭkŏŏk.
20Ha skat tĕpŏŏkt yookt n’pabatŭmooāwow’eŭk, kānookŭloo neaga ooche ’mseu tanĭk ooche‐oolâmsŭtŭmŭn’ea n’hŭkĕk ookŭlooswa’gŭnŭmooĭkooŏk.
21Wĕlamân m’seu nā’gŭmow oopĕskooe’nea, stŭkā’ kel, Me’towkwe’, ĕleheeyŭn n’hŭkĕk, ha nel ŭkhŭkĕk n’tĭh, nā’gŭmow eooltooŭk’p ŭkhŭkāānook. Wĕlaman ooskĭtkŭmĭkw oolâmsŭt’ŭmŭn kel ŭkpĕtŭkemeepŭn.
22Ha kechetŭmetŭhamkoosooagŭn tan meleŭnpŭn, nel ’nkesemelân, wĕlamân oopĕskooe’nea stŭkā’ keloon ĕlepĕskoo’eŭkw.
23Nel n’tĭh oohŭkāwŏk, ha kel ŭktĭh n’hŭkĕk, wĕlamân nāgŭmow ookekawŏŏlepĕskooĕhlan, wĕlamân ooskĭt’kŭmĭkw ookŭjejetoon’ch kel ŭkpĕtŭkemeepŭn, ha ŭktŭlemoosalân nāgŭmow’ stŭkā’ nel ĕlemoosa’leŭn.
24Me’takwe’, n’pawa’tŭmŭn tanĭk meleŭnpŭnĭk n’wejāagoon tan āe; wĕlaman otŭsagĭhtoo’nea n’kechetŭmetŭham‐koosooagŭn tan meleŭnpŭn; eebuchŭl kŭsĕlmeepŭn mĕskw ooskĭt’kŭmĭkw kesetasĭnook’.
25Uksŭsāuë‐me’takwe’, ooskĭt’kŭmĭkw skat k’nŭnagooŭnāweepŭn, kānookŭloo nel k’nŭnooloopŭn, ha yookt ookŭjejetooneapŭn kel pĕtŭkemeepŭn.
26Ha n’takenooātooŏnāpŭn kooesooŭn, ha n’takenooātoo’nch, wĕlamân ŭksĕlmŭkwsooagŭn tan wĕjĭksĕlmeeyŭnpŭn eoop’ oohŭkāwŏk, ha nel n’teŭp oohŭkāwŏk.
Currently Selected:
Wĭkheegŭn 17: PQM1870
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1870.
