Metta 6
6
Altinği bab.
1Adamlara görunmek ičün sadakanyzi onlaryn önynde wermekten ihtiraz edinyz; joksa semawatta olan pederinyzyn yndynde eğrinyz olmaz.
2Imdi sadaka werdygynde, mürajileryn synagoglerde we zokaklarda adamlar tarafyndan medh olunmak ičün, ettykleri gibi önynğe buru čalmajasyn; hakykaten size derym ky: Onlar eğrlerini almyšler dyr.
3Amma sen sadaka werdygynde, sol elyn sag elynyn ettygyni bilmesyn.
4Ta ky sadakan gizlüde ola, we gizlüde gören pederyn sana alenen mükjafat edeğek tyr.
5We dua ettygynde mürajiler gibi olmajasyn, zira onlar adamlara görünmek ičün, i synagoglerde we köše bašlarynde durup, dua etmeji sewerler. Hakykaten size derym ky: Onlar eğrlerini almyšler dyr.
6Amma sen dua ettygynde, chalwetyne gir, we kapuni kapajup, gizlüde olan pederyne dua ejle; we gizlüde gören pederyn sana alenen mükjafat edeğek tyr.
7We dua ettygynyzde, putperestler gibi bihude jere söz čogaltmajynyz, zira onlar čok söjledykleri ičün müsteğab olağaklaryni zann ederler.
8Siz onlara müšabih olmajasynyz; zira pederinyz muhtağ oldygynyz šejleri, siz kendisynden taleb etmezden ewwel bilyr.
9Imdi siz bu minwal üzre dua edinyz;
10Ej semawatta olan pederimyz. Ismyn mukaddes olsun. Melkjutyn gelsyn. Iradetyn semawatta oldygi gibi, jer üzerynde dachi iğra olunsun.
11Jewmi etmegimyzi bize bu gün wer.
12We bize sučlü olanlara bagyšladygymyz misillü, bizym sučlarymyzi bagyšla.
13We bizi igwaja getyrme, lakin bizi šerirden kurtar, zira melkjut, we kudret, we yzzet ilal‐ebed senyn dyr. Amin.
14Zira adamlara sučlaryni bagyšladygynyz takdirde, semawi pederinyz dachi size bagyšlajağak tyr.
15Amma adamlare sučlaryni bagyšlamadygynyz surette, pederinyz dachi sizyn sučlarynyzi bagyšlamajağak tyr.
16We oruğ tuttygynyz zeman mürajiler gibi mahzun jüzlü olmajynyz; zira onlar oruğ tuttyklaryni adamlara göstermek ičün, jüzlerini bozarlar. Hakykaten size derym ky: Onlar eğrlerini almyšlar dyr.
17Amma sen oruğ tutar iken, bašyni jaglajup, jüzyni jajka.
18Šöjle ky oruğ tuttygyni adamlara dejil, anğak gizlüde olan pederyne gösteresyn; we gizlüde gören pederyn sana alenen mükjafat edeğek tyr.
19Kendinyz ičün jer üzerynde chazineler ğem etmejinyz; orada güwe we pas bozar, we chyrsyzler diwari delüp, sirkat ederler.
20Amma kendinyz ičün semada chazineler ğem edinyz; orada ne güwe, we ne pas bozar; ne‐de chyrsyrler diwari delüp, sirkat ederler.
21Zira chazinenyz her nerede ise, kalbynyz dachi orada olağak tyr.
22Gesedyn čyragi göz dyr; imdi ejer gözyn saf ise, bütün ğesedyn münewwer olur.
23Lakin gözyn fena oldygi halde, bütün ğesedyn karanlyk olur; imdi sende olan nur karanlyk ise, ol karanlyk ne kadar olağak tyr.
24Hič bir kimse iki efendije kullyk etmeje kadyr dejil dyr, zira ja birine bugz edüp, digerini seweğek tyr; jachod birine mülazemet edüp, digerini tahkir edeğek tyr. Hem allaha, we hemde mala kullyk etmeje kadyr dejil‐sinyz.
25Binaen alejh size derym ky: Hajatynyz icün, ne jejeğeginyzi, we ne ičeğeginyzi, we hem dachi ğesedinyz icün, ne gejeğeginyzi endiše etmejinyz. Hajat taamdan, we ğesed elbiseden ewla dejil‐mi dyr?
26Hawa kušlaryne bakynyz; zira ne ekerler, ne bičerler, we ne der ambar ederler; we semawi pederinyz onlari besler. Siz onlardan efzal dejil‐mi sinyz?
27We sizden kim, endiše etmekle, bojyne bir aršyn zamm etmeje kadyr dyr?
28Elbise ičün dachi nicün endiše edersinyz? Sahranyn zenbaklerine dykkat edinyz, niğe böjürler. Ne čalyšyrler, ne iplik bükerler.
29Lakin size derym ky: Sulejman bile ğümle darati‐le, onlardan biri gibi gejynmyš dejil idi.
30Bu gün mewğud olup, jaryn fyrune atylan, sahra otyni allah böjle gejyndyrdygi halde, sizi daha ziade gejyndyrmez‐mi? Ej imani noksan olanlar!
31Imdi: »Ne jejeğegyz? we ne ičeğegyz? we ne gejeğegyz?« dejerek, endiše etmejinyz.
32Cünky bunlaryn ğümlesi tajfeleryn matlubi dyr; zira semawi pederinyz bunlaryn gümlesine muhtağ oldygynyzi bilyr.
33Lakin ewwela allahyn melkjutyni, we onun salahyni taleb ejlejinyz; we bunlaryn ğümlesi dachi size ihsan olunağak tyr.
34Imdi jaryn ičün endiše etmejinyz, zira jarynki gün kendi šejleri ičün endiše edeğek tyr. Her güne kendi derdi kjafi dyr.
Currently Selected:
Metta 6: TURMAT
Highlight
Share
Copy
Want to have your highlights saved across all your devices? Sign up or sign in
Transcribed from the Bible Society edition. Published in Vienna in 1883.
