ꓟ˗ꓗꓴ ꓟꓮꓴ ꓢꓮꓴ 16
16
ꓬꓰ˗ꓢꓴ ꓔꓳ ꓡꓳ ꓰ
1ꓮ ꓘꓪꓲ ꓬꓴ ꓐꓠ ꓠꓲ ꓡꓮꓲ ꓐꓬꓴ ꓙꓥ ꓟ˗ꓖ˗ꓓ˗ꓡ ꓟ˗ꓣꓲ ꓰ ꓬ˗ꓗꓴ ꓬꓥ ꓠꓴ ꓟ˗ꓣꓲ ꓠꓲꓗ ꓰ ꓢ˗ꓡꓳ˗ꓟꓰ ꓖꓶ꓾ ꓧꓮꓴ ꓟꓥ ꓡꓰ ꓐꓴꓔ ꓐꓲ ꓣ ꓟ ꓔꓴ ꓠꓟ ꓥꓳꓠ ꓰ ꓞꓴ ꓪꓲ ꓗꓳ ꓰ꓿ 2ꓧꓮꓴ ꓐꓪꓲ ꓠꓲ ꓣ ꓐꓔ ꓰ ꓧꓶ ꓠꓲ ꓠꓑ ꓖꓬꓳ ꓠꓳꓽ ꓠꓳꓽ ꓡꓰ ꓐꓪꓲ ꓕꓳ ꓙꓥ ꓬꓥ ꓟꓳ ꓖꓶ ꓧꓮꓴ ꓡꓴꓑ ꓫꓴꓔ ꓰ ꓡꓳ ꓗꓳ ꓰ꓿ 3ꓧꓮꓴ ꓘꓴꓠ ꓬꓥ ꓟꓳ ꓖꓶ꓾ ꓧꓮꓴ ꓡꓴꓑ ꓓꓳꓥ ꓫꓴꓔ ꓟ ꓰ꓾ ꓲ ꓠꓴꓥ ꓟ ꓔꓴ ꓧꓮꓴ ꓡꓴ ꓖꓳꓗ ꓡꓰ ꓳ ꓪꓳ ꓗꓶꓥ ꓑꓬꓟ ꓐꓲ ꓣ ꓡꓴ꓾ ꓖ ꓡꓪꓲ꓾ ꓬꓥ ꓟꓳ ꓬꓥ ꓛꓥ ꓔꓮꓲ ꓡꓴꓟ ꓗꓳ ꓰ꓿ 4ꓪꓴ ꓗꓔ ꓡꓰ꓾ ꓧꓮꓴ ꓡꓴ ꓖꓳꓗ ꓗꓶꓥ ꓑꓬꓟ ꓔꓳ ꓰ ꓡꓰ ꓬꓥ ꓟꓳ ꓟꓬꓥ ꓗꓳ ꓰ꓾ ꓧꓮꓴ ꓖꓶ ꓙ ꓗꓳ ꓔꓳ ꓡꓰ꓿ 5ꓧꓮꓴ ꓡꓴꓑ ꓘꓮꓴ ꓫꓴꓔ ꓪꓥꓺ ꓡꓰ꓾ ꓓꓴ ꓐꓳ ꓰ ꓟꓰ ꓖꓥ ꓰ ꓡꓳ ꓬꓳ ꓫꓴꓔ ꓜꓴꓥ ꓔꓳ ꓰ ꓲ ꓣꓟ ꓣ ꓬꓴ ꓡꓰ ꓬꓥ ꓟꓳ ꓟꓬꓥ ꓗꓳ ꓰ ꓟꓴ ꓟꓗ ꓐꓬꓴ ꓗꓳ ꓰ꓿ 6ꓬꓥ ꓚꓮꓴ ꓖꓶ꓾ ꓠꓴꓥ ꓟꓳ ꓘ ꓟꓗ ꓐꓬꓴ ꓗꓳ꓾ ꓥʼꓓꓥ ꓟ ꓙꓰꓠ ꓔꓳ ꓰ ꓠ˗ꓜꓰ˗ꓣꓰꓔ ꓪ ꓬꓰ˗ꓢꓴ ꓡꓰ ꓠꓴꓥ ꓟꓳ ꓧꓳ ꓔꓳ ꓮ ꓗꓳ꓾ ꓬꓥ ꓔꓳ ꓡꓳ ꓐꓰ꓿ ꓬꓥ ꓫꓲ ꓟ ꓮ ꓠꓲ ꓡꓳ꓾ ꓬꓥ ꓡꓰ ꓗꓔ ꓔꓳ ꓰ ꓙꓳ ꓪꓳ ꓡꓰ ꓪꓴ ꓪꓴ ꓗꓰ꓿ 7ꓥꓴꓔ ꓗꓳ ꓡꓥ ꓠꓴꓥ ꓟꓳ ꓰ ꓧꓶ ꓟ ꓖ˗ꓡꓲ˗ꓡꓰ ꓟꓮꓴ ꓫꓴꓔ ꓬꓥ ꓡꓰ ꓐ ꓣ ꓖ꓾ ꓖ ꓡꓪꓲ꓾ ꓬꓥ ꓡ ꓖꓬꓳ ꓪꓲ ꓰ ꓑꓰ˗ꓔꓣꓴ ꓡꓰ ꓡꓳ ꓔꓮꓲ ꓗꓬꓳ ꓗꓰ꓾ ꓬꓥ ꓔꓮꓲ ꓗꓔ ꓰ ꓰ ꓣ ꓙꓴꓥ ꓜ ꓧꓮꓴ ꓟ ꓠꓴꓥ ꓟꓳ ꓬꓥ ꓡꓰ ꓧꓪꓲ ꓗꓳ ꓣ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓗꓔ ꓰ꓿ 8ꓧꓮꓴ ꓘꓴꓠ ꓬꓥ ꓟꓳ ꓕꓳ ꓡꓳ ꓡꓪꓲ ꓧꓮꓴ ꓡꓴꓑ ꓟꓮꓲ ꓒꓥ ꓐꓬꓴ ꓗꓳ ꓰ꓿ ꓘ ꓢꓴ ꓟꓴ ꓖ ꓡꓰ꓾ ꓖꓬꓴ ꓠꓠ ꓟꓮꓴ ꓟꓗ ꓐꓬꓴ ꓰ ꓬꓥ ꓟꓳ ꓧꓪꓲ ꓐ ꓗꓳ꓾ ꓖꓬꓴ ꓗꓳ ꓰ ꓬꓠ ꓟꓮꓲ ꓬꓥ ꓟꓳ ꓳ ꓡꓰ ꓡꓰ ꓧꓮꓲ ꓡꓰ ꓮ ꓔꓮꓲ ꓗꓳ꓿
ꓬꓥ ꓡ ꓖꓬꓳ ꓑꓰ ꓡꓰ ꓬꓥ ꓖꓴꓥ ꓓꓴ ꓡꓳ ꓓꓠ ꓫꓲꓔ ꓰ
9ꓮ ꓘꓪꓲ ꓧꓮꓴ ꓐꓪꓲ ꓠꓲ ꓣ ꓐꓔ ꓰ ꓧꓶ ꓠꓲ ꓠꓳ ꓠꓳ ꓡꓰ ꓬꓥ ꓓꓪꓲ ꓔꓳ ꓐꓬꓴ ꓡꓳ ꓰ ꓕꓥ꓾ ꓠꓲꓔ ꓠꓔ ꓘꓔ ꓑꓬꓟ ꓐꓲ ꓰ ꓟ˗ꓖ˗ꓓ˗ꓡ ꓟ˗ꓣꓲ ꓡꓰ ꓬꓥ ꓖꓴꓥ ꓢꓥ ꓧꓶ ꓡꓳ ꓓꓠ ꓫꓲꓔ ꓰ꓿ 10ꓬꓥ ꓕꓳ ꓡꓪꓲ꓾ ꓟꓲꓔ ꓬꓳꓠ ꓥꓮꓴ ꓐꓲ ꓥꓮꓴ ꓠꓑ ꓓꓴꓔ ꓠꓲ ꓮ ꓗꓳ ꓬꓰ˗ꓢꓴ ꓬꓥ ꓕꓥ ꓛꓥ ꓪꓴ ꓰ ꓐꓥ ꓡꓰ ꓗꓬꓳ ꓗꓔ ꓐꓲ ꓗꓳ ꓰ꓿ 11ꓬꓥ ꓖꓶ ꓡʼꓓꓪꓲ ꓠꓲ ꓡꓰ ꓰ꓾ ꓬꓥ ꓖꓴꓥ ꓬꓥ ꓟꓬꓥ ꓪꓴ ꓰ ꓡꓰ ꓬꓥ ꓟꓳ ꓪꓳ ꓖꓬꓳ ꓗꓳ ꓰ ꓘꓴꓠ ꓮ ꓡꓴꓟ ꓮ ꓙꓲꓥ ꓗꓳ꓿ 12ꓧꓮꓴ ꓕꓥ ꓬꓥ ꓟꓳ ꓚꓥ ꓟ꓾ ꓬꓳ ꓢꓳ ꓓꓴꓟ ꓫꓴꓔ ꓡꓟ ꓰ ꓡꓳ ꓰ ꓐꓬꓴ ꓲ ꓬꓴ ꓡꓰ꓾ ꓬꓥ ꓲ ꓒꓬꓳ ꓲ ꓢꓟ ꓖꓳ ꓔꓴ ꓗꓴꓔ ꓡꓪꓲ꓾ ꓬꓥ ꓠꓲꓗ ꓡꓰ ꓕꓳ ꓫꓲꓔ ꓰ꓿ 13ꓬꓥ ꓠꓲꓗ ꓖꓶ ꓓꓴꓟ ꓡꓳ ꓡꓪꓲ꓾ ꓖꓳ ꓐꓥ ꓡꓰ ꓔꓮꓲ ꓗꓬꓳ ꓫꓲꓔ ꓗꓳ ꓰ꓿ ꓬꓥ ꓟꓳ ꓡꓰ ꓮ ꓖꓬꓳ ꓙꓲꓥ ꓗꓳ꓿ 14ꓧꓮꓴ ꓕꓥ ꓡ ꓖꓬꓳ ꓣ ꓞꓰ ꓣ ꓬꓴ ꓐꓮꓴ ꓜ ꓜꓥ ꓜꓳ ꓠꓲ ꓗꓳ ꓡꓰ꓾ ꓬꓥ ꓬꓥ ꓟꓳ ꓡꓰ ꓬꓥ ꓖꓴꓥ ꓡꓳ ꓓꓠ ꓫꓲꓔ ꓰ꓿ ꓬꓥ ꓫꓲ ꓰ ꓟꓮꓲ ꓓꓴꓟ ꓓꓪꓲ ꓔꓳ ꓡꓳ ꓰ ꓟꓬꓥ ꓐꓥ ꓰ ꓓꓥ ꓡꓰ ꓠꓠ ꓮ ꓙꓲꓥ ꓗꓳ ꓰ ꓬꓠ ꓟꓮꓲ꓾ ꓬꓥ ꓟꓳ ꓮ ꓡꓴꓟ ꓮ ꓙꓲꓥ ꓰ ꓰ ꓲ ꓟꓲꓔ ꓕꓠ ꓠꓲ ꓰ ꓡꓰ ꓔꓠ ꓑꓬꓟ ꓰ꓿ 15ꓬꓥ ꓓꓴꓟ ꓬꓥ ꓟꓳ ꓡꓰ꓾ ꓠꓴꓥ ꓟꓳ ꓟꓲ ꓓꓟ ꓖꓳꓟ ꓙꓟ ꓫꓳ ꓡꓟ ꓰ ꓡꓳ ꓡꓪꓲ꓾ ꓪʼꓞꓥ ꓐꓬꓴ ꓧꓴ ꓮ ꓟꓬꓴ ꓙꓴꓑ ꓫꓳ ꓡꓰ꓾ ꓧꓮꓴ ꓗ ꓐꓴ ꓖ ꓣ ꓓꓥ ꓡꓴ ꓡꓰ ꓠꓬꓳ ꓟꓳ ꓗꓬꓳ ꓗꓰ꓿ 16ꓡꓴꓟ ꓙꓲꓥ ꓡꓪꓲ꓾ ꓪꓲ ꓠꓳꓑ ꓘꓟ ꓬꓴ ꓢꓴ ꓖꓶ ꓘꓲ ꓬꓴ ꓰ ꓧꓪꓲ ꓣ꓿ ꓮ ꓡꓴꓟ ꓮ ꓙꓲꓥ ꓢꓴ ꓚꓮꓴ ꓖꓶ ꓓꓳ ꓓꓠ ꓰ ꓧꓪꓲ ꓣ꓿ 17ꓡꓴꓟ ꓙꓲꓥ ꓰ ꓐꓥ ꓪꓳ ꓫꓲꓔ ꓣ ꓡʼꓟꓲꓗ ꓘꓳ ꓖꓶ꓾ ꓫꓲ ꓖꓴ ꓥꓴꓔ ꓔꓳ ꓡꓰ꓾ ꓬꓥ ꓟꓳ ꓥ ꓟꓲꓥ ꓟꓮꓲ ꓠꓔ ꓑꓰ ꓡꓰ ꓪꓳ ꓘꓔ ꓑꓬꓟ ꓐ ꓗꓳ ꓣ꓾ ꓓꓥ ꓮ ꓟꓬꓴ ꓖꓳ ꓔꓴ ꓓꓥ ꓡꓰ ꓪꓳ ꓔꓮꓲ ꓗꓬꓳ ꓐ ꓗꓳ ꓣ꓿ 18ꓬꓴꓟ ꓢꓶꓥ ꓡꓳ ꓰ ꓡꓥ ꓟꓪꓲ ꓡꓰ ꓪꓳ ꓜꓪꓲ ꓡꓰ ꓰ꓾ ꓟꓪꓲ ꓫꓲ ꓰ ꓙꓴꓥ ꓜꓥ ꓫꓴ ꓗꓳ ꓡꓥ ꓧꓮꓲ ꓡꓰ ꓮ ꓟꓴ ꓗꓳ ꓣ꓾ ꓠꓳ ꓒꓬꓳ ꓧꓪꓲ ꓐꓥ ꓰ ꓮ ꓕꓳ ꓟ ꓬꓥ ꓟꓳ ꓡꓳ ꓗꓰ ꓐꓲ ꓡꓪꓲ ꓧꓮꓴ ꓐꓥ ꓖꓰ ꓡꓳ ꓐ ꓗꓳ ꓣ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓢꓥ ꓔꓳ ꓰ꓿
ꓬꓰ˗ꓢꓴ ꓟꓮꓴ ꓘꓴꓥ ꓫꓴꓔ ꓓꓳ ꓡꓳ ꓰ
19ꓧꓮꓴ ꓟꓴ ꓬꓴꓟ ꓢꓶꓥ ꓬꓰ˗ꓢꓴ ꓖꓶ ꓬꓥ ꓟꓳ ꓡꓰ ꓓꓥ ꓔꓮꓲ ꓔꓳ ꓰ ꓕꓥ ꓟꓮꓴ ꓘꓴꓥ ꓫꓴꓔ ꓫꓪꓲ ꓔꓳ ꓬꓴ ꓰ ꓧꓪꓲ ꓡꓪꓲ꓾ ꓗ˗ꓣꓮꓲ ꓗ˗ꓢꓥ ꓰ ꓡꓳ ꓬꓳ ꓫꓴꓔ ꓜꓴꓥ ꓔꓳ ꓡꓰ꓿ 20ꓬꓥ ꓟꓳ ꓡꓰ ꓡꓟ ꓡꓳ ꓡꓪꓲ꓾ ꓙꓳ ꓪꓳ ꓘꓥ ꓟꓳ ꓟ ꓠꓬꓳ ꓟꓳ ꓫꓲꓔ ꓗꓳ ꓰ꓾ ꓧꓮꓴ ꓬꓴꓟ ꓢꓶꓥ ꓬꓥ ꓟꓳ ꓰ ꓣ ꓧ ꓟꓴ ꓜꓪꓲ ꓠꓲ ꓡꓪꓲ꓾ ꓬꓥ ꓟꓳ ꓠꓬꓳ ꓟꓳ ꓰ ꓓꓥ ꓔꓰꓥ ꓰ ꓢꓗ ꓢꓰ ꓓꓴꓔ ꓣ ꓟ ꓔꓴ ꓡʼꓟꓲꓗ ꓘꓳ ꓪꓳ ꓓꓴꓔ ꓠꓥ ꓠꓲ ꓰ꓿ ꓮ˗ꓟꓰꓠ
Currently Selected:
ꓟ˗ꓗꓴ ꓟꓮꓴ ꓢꓮꓴ 16: ATB1938
Highlight
Share
Copy
Want to have your highlights saved across all your devices? Sign up or sign in
First published in Fraser script in 1938.
