रोमी ए किताब कर बारे में दम अकन गोएठ
ए किताब कर बारे में दम अकन गोएठ
ईसू मसीह कर परेरीत पौलुस हर ए चिट्ठी ला रोम सहर कर कलीसिया ला एगोट बिसेस उदेस बर लिखे रहीस। ओहर मसीह जीवन कर सही मतलब ला समझाए बर ए चिट्ठी ला ओमन बर लिखीस। सब मईनसे मन ला यहूदी चाहे गैर यहूदी दुनों मन ला परमेस्वर कर संगे, अपन रिस्ता ला सुधाएर के ओकर संगे मेल-मिलाप करे कर जरूरत हवे। काबरकि सब मईनसे मन, पाप कर कबजा में हवें। सब मईनसे मन ईसू मसीह में बिस्वास कर द्वारा परमेस्वर ठन मेल-मिलाप कएर सकथें। तेकर पाछू पौलुस हर, परभू ईसू में नांवा जीवन कर बारे में बताथे, जेहर परमेस्वर कर संगे नांवा रिस्ता बनाए ले मिलथे। बिस्वासी मईनसे मन ला परमेस्वर में सांती मिलथे, अऊ ओमन परमेस्वर कर आत्मा कर द्वारा पाप अऊ मिरतु कर अधिकार ले आजाद होए जाथें।
पाप ले छुटकारा पाए के परमेस्वर कर नजर में बेकसूर होए बर मईनसे मन ढेरेच कोसिस करीन। मूसा कर द्वारा परमेस्वर हर कानहूंन देहीस, ओ कानहूंन कर पालन करके ओकर नजर में बेकसूर होए बर एहुदियोच मन कोसिस करीन। तबोले देंह कर बुरा ईछा हर ओमन ला पाप में गिरावत रहीस। मूसा कर कानहूंन ले उद्धार नई मिल सकत रहीस। ए चिट्ठी में पौलुस हर एगोट नांवा आत्मिक कानहूंन कर बारे में बताथे, ए कानहूंन कर जरिए हमके देंह कर बुरा ईछा ले जय पाए बर परमेस्वर हर किरपा करथे। ए नांवा नियम सिरीप यहूदी मन बर नहीं, गैर यहूदी मन बर भी हवे। यहूदी मन बर परमेस्वर कर खास योजना हवे।
मईनसे हर अपन काम कर द्वारा नहीं, बलकि मसीह कर ऊपरे सिरीप बिस्वास करे कर द्वारा अपन पाप ले उद्धार पाथे। ए मसीह सिक्छा कर बढियां नींव, ए चिट्ठी कर द्वारा पौलुस इहां डालथे। एकरे बर तुमन ए किताब ला मन लगाए के पढ़ीहा अऊ अपन मसीह जीवन में परमेस्वर कर आसीस ला पईहा।
ए चिट्ठी ला खालहे लिखल भाग में बांटल गईस हवे
चिन्हारी 1:1-17
मईनसे ला उद्धार कर जरूरत 1:18—3:20
उद्धार बरीक परमेस्वर कर डगर 3:21—4:25
मसीह में नांवा जिनगी 5:1—8:39
इसराएली मन बर परमेस्वर कर योजना 9:1—11:36
मसीह बिस्वासी मन कर चाल-चलन 12:1—15:13
आखरी जोहार 15:14—16:27
Currently Selected:
रोमी ए किताब कर बारे में दम अकन गोएठ: SGJ
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.