Lóka Mɔ̌ á nyɔngɔ
Mɔ̌ á nyɔngɔ
Lóka aámbé ɗáɗundu Mbino-Ánjá ndee. Lóka ɗátú nsaku, ɗákátú Moyúda, ɗákátú phɔtɔ ngoigi ndea Yéso. Ɗáiki ndiu na ɓakpa nde ɗáɓáotamba kimoci na Yéso. Wa, áǒúsiaga ɓɔ bîbíbí, mbino á Yéso na ka ɓî Yéso ɗágeokuwa. Lóka aɗundu ɓuku iɓɛ. Nnde á ko iɓɛ ande ɓuku á Ekuma ndea ɓateki ndea Yéso. Suɓi á Mbino-Ánjá ndea Lóka, aɛ́tɔ̌mi phɔtɔ ɓakpa nde ɓáná Ɓayúda, Mbino-Ánjá á ɓoamia á ka měma (1.19, 47, 69; 2.11, 30; 3.18.) Suɓi á ɓuku nde, Lóka aɔnisi gea, Kiísito atɔtɔkisi nyɔngɔ nde ɓaɔtu-nyɔngɔ ndea Mokonga ɗáɓáyɔngi.
Gabekana á ɓuku
Ɓuku nde agabɛkani ka phaeka ngianjaga gena (9):
Lóka ɗáɔnisi gea ɗáɗundu ɓuku nde ka nyɔngɔ éke? (1.1-4)
Yoáni-Mɓatisi na Yéso ɗáɓáɓɔkɔtɛani ɓo? (1.5—2.52)
Ɓɔphɛi ndea Yoáni-Mɓatisi (3.1-20)
Oɓatisɔ ndea Yéso na tombaga nde Sɛtáni ɗáokaɓa ngisa akɛ ka ɓojeɗe (3.21—4.13)
Yéso ageoika na Galiláya (4.14—9.50)
Yéso atóki na Galiláya ka gǎ akɛ na Yɛusalɛ́ma (9.51—19.27)
Tena á nyɔngɔ á Yéso na kukuwa akɛ (19.28—23.56)
Yéso ajujúki ka kukuwa (24.1-12)
Yéso aɛsɛnɛkɛi ɓagoigi nɛkɛ, na táísa akɛ na koba (24.13-53)
Currently Selected:
Lóka Mɔ̌ á nyɔngɔ: KMW
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.