YouVersion Logo
Search Icon

Malɨkɔ 'Ʉtʉ wʉ moni

'Ʉtʉ wʉ moni
Ɨtaɓʉ ngiakɛ Malɨkɔ a꞉ɨtɨndakɨa mbise ʉ nʉtanɨa ngia yɨ Yeso. Ya mɨngana ʉ lɨtaɓʉ ɓʉgɨna ngila lʉ Ɨsaʉ yɛɛ Iɗo ngia yɨ Yeso Klisito ndʉ Matayɔ, Luka nʉ Yʉanɨ. Ya ɨtaɓʉ yɛɛ gbititi ati ʉ lɨtaɓʉ ngilʉnanɨ. Malɨkɔ ambikinye yangɔ mʉngana ʉ ɓakpataka kumi nʉ ɓapɨnɨ ngiɓa ɓʉ Yeso. Ɓi꞉nye kɨnda ɨzɔ nʉ ɔɔ Pɔlɔ nʉ Pɛtɛlɔ. A꞉tɨndakɨa ɓombi ngiɓa ɓambikinye Ɓayuda, kʉpana ɓɔ Yeso a Mwana ʉ Asʉɓɨɨ.
Malɨkɔ a꞉tɨndakɨakɔmʉ ɨsaʉ ekoo ʉ nʉtanɨa ngia yɨ Yeso, gʉkʉ ɨɓwanakɨa ngiangɔ ndʉ iya ɔɔ Matayɔ nʉ Luka ɓa꞉kyɨa. A꞉tɨndakɨa ɨsaʉ ekoo ʉɓɨɨ nguwʉ Yeso nʉ kuu ngiangɔ yɛɛ ɓɨakɨɛ Ɨsaʉ yɛɛ Iɗo, nʉ hiiso ɓakwisikiso, kyɨa ɓamoni ɓɔɔ ɓʉmbangɛ, nʉ iso ɓombi mɨtʉma yɨ ɓabɨa. Jʉ Yeso a꞉ka ndʉ mombi ɔɔ kyananakɨɛ ɓombi, chʉkɔmʉ ɓɔ ɓuɓio nayɔ kʉkyananakɨa. (Mak 10:45)
Ambʉtɨndakɨa tiga aka ekoo ʉ ingyo nʉ jʉkana akʉ ingyo ngia yɨ Yeso. Ɛyɔ a꞉dya ɓʉka‑ɓʉkaɨ kʉɓʉya tʉkʉ akʉ ingyo, kʉpananiso ɓɔ ɓombi ngiɓa ɓa꞉mʉbaya nʉ nayɔ kʉkpata ɓuɓio ɓʉndanɛ kʉdya ɓʉka‑ɓʉkaɨ kʉndʉ iya ɛyɔ a꞉dya. Ɨkyɛmɨngana, tiga akʉ 'upipio, ɓombi ngiɓʉnanɨ ɓa꞊kumunio tiga akʉ ɨgyagya ngia yɨ mɨtʉ yɨ ɨpá nʉ mɨtʉ yɨ ɨpá.
Moni kɔɔ mʉkpɔkpɔ
'Ʉkpanganɨa wʉ Ɨsaʉ yɛɛ Iɗo 1:1-13
Kuu ngia yɨ Yeso ati ʉ ɓombi anʉ Galilaya 1:14—9:50
Kɨnda ngiangɔ kʉʉngwa anʉ Galilaya kʉsa anʉ Yelusalɛma 10:1-52
Bɛlɛsɛ wʉ 'upipio ngia wʉ Yeso kʉɓʉya akʉ ɓa꞉mʉɓakaka‑ɔɔ ekoo ʉ mʉsalaba 11:1—15:47
Jʉkana akʉ ingyo ngiangɔ 16:1-8
Ɓwanakɨa ɓakpataka nʉ zununio ngiangɔ kʉsa ekoo ʉ ɓisi 16:9-20

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy