मरकुस 7
7
रितो टे रितो एठा कयदा
(मत्ती 15:1-9)
1म्या दिन फरीसि कुरकू एठा चोटोका मूसा गा नियम इथूमिठाच जो यरूशलेम शहर टे हेके डा, दियागा मेरान घोलाएन, 2दिकुनी डोके कि दियागा अदा चेलाकू आटा जोजोम लक्के डा, दिकुगा टी बिसोटोके डा चेलाकूनी इकु टी यहूदी रितो रोंगो बान अंबुजडुका। 3चोयाकी फरीसि कुरकू एठा दिकुगा सेंग्गोन बाकी सेबाई यहूदी कुरकू डी शिक्षा गा रोंगो दडावा होय जो दिकुनी इकुका जुनाकू टे घटाऊबा। इनिका इनी होय, दिकु जब टाएन आटा बान जोजोम जब टाएन दिकु आपना टीके सही तरीका बान अबुंज। 4जब दिकु हाटीटे उरान हेजेवा, दिकु मेटे टाएन आटा बान जोम जब टाएन दिकु खुदके रितो रोंगो आबुंजटे सपा बान दोडो, दिकुगा जुना सनाकु एठा डी चोटोका रितो होय डीके दिकु ममानातिंज, डेनोगो गिल्ला के अबुंज डा। 5इनीघाल्जी डी फरीसि कुरकू एठा मूसा गा नियम इथूमिठाच दिकुटे कोम्बाराके, “आमगा चेलाकू आलेगा जुना सनाकु गा रितो के आजोम चोया बान दडा? दिकु बिसोटो टी टे आटा चोया जोजोम्बा होय?” 6यीशु नी दिकुके जवाब जीके, “यशायाह जो परमेश्वर गा कोनेटे मंडीमिठाच नी परमेश्वर गा ओल्के वचनेन जो भविष्यवाणी डाके”, दिकु आपे ढोंगोकु गा विषय गेन साही होय, जैसा ओल्के होय, “इनी कुरकू चभुटेनी इंजा मन दोडोवा होय पेनो दिकुगा मन इंजाटे लेंक्कीन थंदळवा होय।” #यशा. 29:13 7इंकुगा आराधना इंजा घाल्जी तुनिका मायना बान दोडो, चोयाकी इनी कुरकू के कुरकू आरुके मिनी हुकूम के ममानातिंज दडा इथूवा होय। #यशा. 29:13
8“चोयाकी आपेनी परमेश्वर गा हुकूम के ममानातिंज बंदोके होय एठा कुरकू रितो के ममानातिंज्बा होय।” 9यीशु नी दिकुटे मंडीके, “ताकी आपेगा शिक्षा मनातिंजेवा इनिघल्जी खाट चताराए टे परमेश्वर गा नियम के अच्छा टे बान आजुम तरीका होय।” 10चोयाकी मूसा जो परमेश्वर गा भाग्य होय दिच्नी मंडीके होय, “आपना आंटे डो बाटे मान डोए, एठा जो जेकाभी बाटे या आंटे बुरा मांडे टासो डीच जरुरीटेका गुजूवा।” #निर्ग. 20:12; व्यवस्था. 5:16 11-12पेनो आपे मंडीवा, “अगर जेका हेजा आंटे बाटे टे इनी मांडे ‘इंज आमके मदत बान दडा चोयाकी जो इंजेन आमके जिऊ होना डा, डी इंज परमेश्वर के जिऊ घल्जी वदा डाके होय। इनिघल्जी इनी मदत बस परमेश्वर घल्जी होय।’” इनिघल्जी नका टे आपे डी कोरो के हेजा आंटे बाटे गा मदत दडा घल्जी अनुमति बान जिऊ। 13इनी रोंगो टे आपे परमेश्वर गा हुकूम के बान आजोम जो परमेश्वर नी आपेके जीके होय। ताकी डी रितो के आजोम होना जो आपेगा जुना सनाकु वोजीटे आपेके जीके होय। एठा आपे इनी रोंगो घोनेच बुरा दडावा होय।
कोरोकु केका खराबो मिनी मंडी
(मत्ती 15:10-20)
14डाबोलटे यीशु नी कुरकू के हेजा मेरान होकोलेकू एठा दिकुटे मंडीके, “आपे सेबाईकु इंजगा आजुमे, एठा इंज चोच मंडीवा होय समझातिन्ज गा कोशिश डाए। 15एनोगो चोचकाभी बाऊ होय जो बल्लाटे तुनिका कोरो गा तलान सेनेवा। जो डीचके रितो रोंगो खराबोएच्बा। बांकी देटेन जो डी कोरो टे बल्लान सेनेवा होय डीचके खराबोएच्बा होय। 16जो जेकाभी इनी बातो आजुम्बा होय, जो इंज मंडी लक्के होय, दिकु डीचके समझातिंजू गा कोशिश लक्के।” 17जब यीशु गर्दी गा मेराटे उरान ओले, मेटे दियागा चेलाकूनी जो डी उदाहरण गा मतलब दियाटे कोम्बराके। 18यीशु नी हेजा चेलाकू टे कोम्बराके, “चोच आपे भी एगो नासमझ होय? चोच आपे इनी बान समझातिंजू कि आले जो चाभु टे आटा जोजोम्बा होय। दिकु आलेके परमेश्वर गा सम्मान बिसोटो बान मेंबा? 19चोयाकी डीच दियागा मनेन बाऊ, पेनो लाजेन नी सेनेवा होय एठा इन्जुननी वोट्बा होय?” इनी मंडी गा यीशु गा मतलब सेबाई आटा गा चीजो जोजोम गा लायको होय। 20डबोलटे डीचनी मंडीके, “कुरकू जो सोचातिंज्बा होय, मंडीवा होय एठा दडावा होय डीका दिकुके परमेश्वर सम्मान खराबोएवा होय। 21चोयाकी कुरकू मन टे बुरा-बुरा बिचार डेनेगोका आनोवा, चुचीरी, घोगेच, कोम्बोर तरीका टे खाराबो कमाय, 22लालीचो, चतरुपन, लुच्चापन, कपट, जुलू, कठोर मन, खिलाफबेन, घमंड एठा बेदिमाग वोटबा होय। 23इनी सेबाई बुरा बातो कुरकू दिमाग टे ओटबा एठा डीके खराबोएच्बा होय।”
सुरुफिनी गा जाटो गा जापाए गा विश्वास
(मत्ती 15:21-28)
24एनेगा बादोन यीशु दियागा चेलाकू देटे टे ओले एठा डाबोलटे सोर जीमू गा शहर गा आसो-पासो ईरिया न ओले। दिकु म्या उरान ओले एठा डीच बान चाहता डा कि जेकाभी चिनाए कि डीच देटेन थंदळके होय। पेनो कुरकू जल्लोका मालूम्जेकी डीच देटेनेच डा। 25एठा तुरुटो म्या जापाए दियागा सनी कोंजाई टेन भूतोकु मुके डा, दिच्नी जापाएन आजुम्के कि यीशु तोटेनके होय। मेटे देटेन यीशु गा मेरान हेन एठा दियागा सम्मान दडा घाल्जी दियागा सम्मान ठोपरे जेगाके। 26इनी म्या यूनानी जपाए जापाए डा, जोकी सीरिया जिल्हा गा सुरुफिनीकी ईरिया गेन डाके डा। एठा डी जपाएनी यीशु टे बिनती डाके कि इंजा कोंजाई टे भूतोके कोलाकेच। 27यीशु नी दियाटे मंडीके, “पेला इंजा खुद गा कुरकू गा मदत डाए। एटेन सही बाऊ होय कि पोटटाकू गा आटा साटे सिटाकु गा सम्मान येंडा।” 28इनिघल्जी डी जपाएनी यीशु के जवाब जीके, “सच्चोका होय प्रभु पेनो येठाभी सीताकुनी टेबाल गा इटान चफनीकू सोकळाके चरा चुराके जोमेबा होय।” डीच जपाए अमझातिंजे कि यीशु जो यहूदी बाऊ होय दिकुके सिटाकु एठा यहूदीकूके चफनीकू मेंटो घाले लक्के डा। 29मेटे यीशु नी जवाब जीके, “चोयाकी आमनी विश्वास गा सेंग्गोन जवाब जीके। इनिघल्जी इंज्नी भूतोके अमा कोंजाई टे बल्लान केनेच होय, इनिघल्जी आपेन का उरान सेंजू।” 30एठा दिच्नी हेजा उरान हेन डो डोके कि तराई चटाई गेन सोडके होय। एठा भूतो वोट्जे होय।
यीशु गा भेरा एठा तोतेल्या कोरो के सासजा
31एनेगा बादोन यीशु एठा दियागा चेलाकूनी सोर एठा सैदा शहर गा आसो-पासो ईरिया के आराके। डाबोलटे दिकुनी सीदोन ईरिया गा पैदल सेन्द्रावे। मेटे दिकापुलिस जिल्हा गा आसो-पासो गा ईरिया चेल्के डा जब टाएन दिकु गलील जिल्हा गा समुद्र गा मेरान बान आदिरडुका। 32एठा कुरकू नी म्या बहिराके जो तोतेल्या डा। यीशु गा मेरान सालेनेज डो दियाटे बिनती डावे कि डीचके ससाजा घाल्जी अमा टी दिया लिंजेन डोए। 33मेटे दिकु डीचके गर्दी टे अलग्गो का साईंजेनेच। एठा हेजा बोटो दियागा लुटूरेन येंडाके। एनेगा बादोन दिच्नी हेजा म्या बोटो लिंजेन बेच्के दियागा लांज उठाके। एठा डी कोरो गा जान उठाएजे। 34एठा डाबोलटे स्वर्ग कोने धोटे प्रार्थनान खट्टेका साँसो सावे। मेटे दिच्नी डी कोरो टे मांदिके, “इप्फत्तह!” डेगा इब्रानी भाषा गेन मतलब होय “खुल्ला जू!” 35तुरुटो का डी कोरो आजोम लज्जे एठा डीच लांज सपा रुपो मंडीन तुनिकाभी ताखलिफ बाऊ डा। 36मेटे यीशु नी कुरकू टे मांदिके कि डीच जेकाकेका बाकी गघाल कि दिच्नी चोच डाके होय। पेनो देटो घोनेच दिच्नी कुरकू के चातराएकेकु डा कि दुसराकुके बाकी गघाल देटो येठाभी जोश गा गेल्ला दिकु दूसराकु गा तलान इनी खाबोर के गघाल लज्जे। 37एठा दिकु भेबाव का अचाम्बोएन डो मंडी लज्जे, “दिच्नी सेबाईका भेबाव अच्छा डाके होय! एटे टाएन कि बहिराकुके आजुम गा, एठा गूंगाकूके मंडी लायको आरुकुवा होय।”
Currently Selected:
मरकुस 7: GOKNT
Highlight
Share
Copy
Want to have your highlights saved across all your devices? Sign up or sign in
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
