मत्ती 24

यीशु व्दारा मंदिर गा नशो गा हेजे मिनी टेमो

(मरकुस 13:1-2; लूका 21:5-6)

1जब यीशु यरूशलेम गा मंदिर टे ओट लक्के डा। मेटे चेलाकू तलाटे म्याखोम नी दिजाटे मंडीके, “हे गुरु डोगे चोच अच्छाका खाट ईमारत होय! डीच तुनी खापेट घोटा टे आरुके होय!” 2पेनो डीचनी दिकुके मंडीके, “चोच आपे येटेन सेबाई बान दोडो? इंज आपेटे साच्चो मंडीवाकी, येटेन लिंजेन म्या भी घोटा बान आरागु। जो उल्टाऊ बाने।”

यीशु गा हेजे गा निशान

(मरकुस 13:3-13; लूका 21:7-19)

3एठा मेटे देटेन जैतून टुक्की लिजेन सुबानके मेटे चेलाकूनी अलग्गो का दिकु मेरान हेंडो मंडीके, आलेके मंडीके, “आले इनी मंडीकी इनी बातो चोला डाऊवा? एठा अमा हेजे गा, एठा दुनिया गा नाशोऊ गा चिन्हा होंगा?” 4यीशु नी दिकुके जवाब जीके, ध्यान टे थांदळे कि जेका आपेके धोका बाकी जिऊ घोनेच कुरकू इंजगा जीमू गा उपयोग डाएवा। दिकु मंडीवा, “इंज मसीह होय। 5चोयाकी घोनेच्कु येनोगो थंदळवा जो इंजा जीमू हेजेवा डो येनोगो मांडेवा कि इंज मसीह होय, एठा घोनेच्कुके भुल्लाकुवा। 6आपे लाडाई, एठा लाडाई गा चर्चा आजुमे, डोगे बाकी हिगरा। चोयाकी एनेगा डाऊ जरुरी होय। लेकिन इनी दुनिया गा अन्त बाऊ होय। 7चोयाकी सेबाई जाटो गा कुरकू, देशो एठा राज्य म्या दूसरा गा खिलाफबेन लाडाई गेन सेनेवा। एठा हार कोनेन भूकंपा डाऊवा। 8एठा काळकी हेजेवा। इनी नी ताखलिफ कोण गा जनम डाऊ ताक्लिप रोंगो डाऊवा।” 9मेटे सिनी जिऊ घांजी हेजेवा आमके उठाकोम्बा एठा घोच्कोम्बा एठा इंजा जीमू गा वोजीटे सेबाई अलग्गो जाटो गा कुरकू अमाटे दुश्मनी डोएबा। 10मेटे घोनेच कुरकू इंजा लिंजेन विश्वास दोडो आरागेवा, एठा म्या दूसराके उठाकुबा एठा म्या दूसरा दुश्मानी डोएबा। 11घोनेच टे लाबाळ परमेश्वर गा कोनेटे मंडीमिंकू हेजेवा एठा घोनेच्कुके का भुल्लाकुवा। 12एठा बुरा कामय खादुटे कुरकू म्या दूसरा टे प्यार दोडो आरागेवा। 13पेनो लेकिन जो कुरकू इंजगा आजुम्बा होय एठा कासु स्यागु टाएन इंज लिंजेन भरोसा दोडोवा होय। एठा हार बान ममानातिंज दिकु परमेश्वर गा व्दारा बचातिंजू। 14एठा राज्य गा इनी सुसामाचार सारा दुनिया गेन अच्छा खाबोर जे, कि सेबाई जाटो लिंजेन गवाही डायु, मेटे आखरी हेजे।

खाट सिनी गा सुरुवात

(मरकुस 13:14-23; लूका 21:20-24)

15इनिघल्जी जब आपे डी उजळातिंज मिनी बुरा चीजो डोगे डेगा चर्चा परमेश्वर गा कोनेटे मंडीमिठाच दानिय्येल गा द्वारा डाएन डा, डीके चोखरा जगान तेगेनटेका डोगे, (जो पळातिंज्के देटेन समझातिन्जे)। 16मेटे जो यहूदिया जिल्हा गेन दिकु टुक्की लिंजेन साळूपजू। 17जो आम अमागा पदळी लिंजेन टासो। मेटे आपना सामोन सा घल्जी उरा तलान बाकी सेने 18एठा जो खिटीन टासो डीच हेजा कपडे सा घाल्जी उरान डाबोलटे बाकी हिरा। 19इनी डी जपाएकु घल्जी म्या भयनाक टेमो हेजेवा जो लाजके होय एठा दिकु घल्जी जो चफनीकुके दिडोम आनु लक्के! चोयाकी दिकु घल्जी सळुप ठायका मुश्किल होय। 20इनिघल्जी प्रार्थना डाए, कि आपेके रराम गेन या चोखरा दिन साळूप बाकी घल्जी। 21डी दिनेन कुरकू ठायका बुरा रुपोटे तखलीफबुवा। कुरकू नी चोलाकाभी इनी रोंगो कासु सामना दडुका होय, जब टे परमेश्वर नी दुनिया आरुके डा। एनेगा बदोन कुरकू डाबोलटे डी रोंगो कासु टे भोबगातिंज बाने। इनिघल्जी प्रार्थना डाए कि इनी खतरनक टेमो भांबरान बाकी डाऊ, जब यात्रा दडा मुश्किलुबा। 22एठा अगर परमेश्वर नी डी भयनाक टेमो के जल्लोका स्यागे बाने टासो, मेटे तुनिका जनवार बान बचातिंजू। लेकिन परमेश्वर नी हेजा कलमके कुरकू गा कारण डी टेमो बचातिन्जे। 23डी टेमो अगर जेका अमाटे मांडे, “डोगे मसीह येटेनके होय येटेन मसीह देटेनके होय!” मेटे विश्वास बाकी दोडो। 24चोयाकी लाबाळ मसीह एठा लाबाळ परमेश्वर गा कोनेटे मंडीमिठाच हेजेवा। एठा निशान एठा अचम्बो कामय घालेवा। डी कुरकू के धोका जिऊ घाल्जी दिकुके परमेश्वर कलमकेकु कुरकू भुल्लाकुवा। 25इनी सेबाई घटना डाऊटे पेला इंज्नी आमके सेबाई घटना गा बारेन घाल्के होय इनिघल्जी ध्यान टे थंदळे। 26इनिघल्जी अगर आपेके मांडे टासो, कि मसीह सुनसान जगा गेन होय, मेटे देटेन बाकी सेने। एठा अगर आपेटे मांडे टासो कि डीच तुनिका उखु जगान लिंजेन होय, मेटे विश्वास बाकी दोडो।

27चोयाकी जैसा बिजली पूर्व टे ओटटे पश्चिम टाएन चामकातीन्जुवा होय, डेनोगोका कोरो गा कोण हेजे होय। 28तोटेन म्हाळा टासो, देटेन सिकरयाकू जमाऊबा मेना।

कोरो गा कोण गा डबोला टे जीटाऊ

(मरकुस 13:24-27; लूका 21:25-28)

29भयानक कासु गा टेमो स्यागु गा बादोन। सूर्या एठा चंद्र चमकतिंजू बंदोऊबा।, एठा बदळा टे इफुलकु बोचोवा, एठा बदळान शक्तीनौर ओखेंजेबा। 30मेटे इंज कोरो गा कोण गा चिन्हा बदळा गेन डूगुवा, एठा मेटे पृथ्वी गा सेबाई कुरकू छाती मुंडाएबा, एठा इंज कोरो गा कोण खाट शक्ती एठा महिमा गा सेंग्गोन बदळा लिंजेन हेजे टे डोगेवा। 31एठा डीका शंका गा खाट साडी गा सेंग्गोन हेजा स्वर्गदूतकु के कुलकूबा, एठा दिकु बदळा गा डी कोपरा टाएन। उफुन भी दिशा कलमके कुरकू घोलाकुवा।

अंजीर गा सिंज टे इथू

(मरकुस 13:28-31; लूका 21:29-33)

32अंजीर गा सिंजाटे इनी उदाहरण इठोए। जब एनेगा डांगोल ओठ्बा होय एठा पाला ओटबा होय। मेटे आपे चिनाएवा कि डा गा मोसोम मेरान होय। 33डीका रोंगो जब अमा डी चीजो के डाऊटे डोगे। मेटे आपेन मालूम होनाकी इनी दुनिया गा अंत बिल्कुल हेन होय। 34इंज आपेटे सच्चो मंडीवा होय इनी पीढी अदा कुरकू मेटे भी जीटाका थंदळवा जब इनी सेबाई घटना डाऊवा। 35बदळा एठा पृथ्वी नशोऊबा इंजा आवाज डी हमेशा गा घाल्जी बान थंदळ लेकिन इंज्नी जो मंडीके इनी हमेशा घाल्जी थंदळवा।

झाटटो थांदळे

(मरकुस 13:32-37; लूका 17:26-30,34,36)

36“इनी बातो तुनी घिळीन तुनी दिन डाऊवा इनी जेका बान हाडाई।” न स्वर्गदूत एठा न कोण पेनो बस बाटे परमेश्वर का डी दिनके एठा घिळीके हाडाई होय। 37डेनोगोका नूह गा दिनेन डा, येनोगोका कोरो गा कोण गा हेजे भी डाऊवा। 38चोयाकी डेनोगोका डा, आडीटे पेलाका दिन गेन, जो दिन टायेन, नूह गा डोंगा लिंजेन बान पेडेचडुका, डी दिन टाएन कुरकू जोजोम खाकफ डा, एठा दिकुनी ब्याह घी डाऊ डा। 39एठा जब टाएन डा आडीटे पेला दिकु सेबाईकु के तुडूका बान मेटे टाएन चोचकाभी बान मालूम, डेनोगोका कोरो गा कोण गा हेजे भी होंगा। 40डी टेमोन बरी कुरकिंज खिटीन थंदळवा, म्याखोम के सेगेच्बा, एठा दूसराकु आरागेच्बा। 41बरी जापाए किंज जाटीवा मेना, म्याखोम के सेगेच्बा, एठा दूसराकु आरागेच्बा। 42इनिघल्जी यीशु नी हेजा चेलाकू टे मंडीके जटटो थांदळे, चोयाकी आपे बान हाडाई आपेगा प्रभु तुनी टेमो हेजेवा। 43पेनो इनी मालूमजा कि अगर उरा गा स्वामी मालूम बाकी कि चोर तुनी पारेन हेजेवा, मेटे जाट्टो थंदळवा, एठा आपना उरा गेन सेंडाए बान मेना। 44इनिघल्जी आपे भी तैयार थंदळे, चोयाकी जो टेमो गा विषय गेन आपे सोचतीन्ज भी बाने कि, डीका टेमो कोरो गा कोण हेजेवा।

विश्वास लायको भाग्य एठा बुरा भाग्य

(लूका 12:41-48)

45देटेन म्या विश्वास गा लायको एठा दिमागदार भाग्य जे होय, डीचके स्वामी नी हेजा भाग्यकु गा तालान सरदार आराकेकु, एठा दिकुके आटा जिम्मेदारी जेबा होय? 46धन्य होय, देटेन भाग्य, इनीजेन दियागा स्वामी हेजेवा येनोगोका दडावा होय। 47इंज आपेटे साच्चो मंडीवाकी; देटेन डीचके इंजा सेबाई संपत्ति लिंजेन सरदार आरुकेनेच। 48पेनो अगर देटेन बुरा भाग्य सोचातिंज लज्जे, कि इंजा स्वामी हेजेन नी टेमो होय। 49एठा हेजा सोप्ती भाग्य के मुंडायेच लज्जे, एठा सिडूकुत्त्य गा सेंग्गोन जोजोम कखाफ लज्जे। 50मेटे डी भाग्य गा स्वामी येनोगो दिन हेजेवा, मेटे देटेन दियागा इंतजार बान दडावा होय, एठा एगो टेमो गा डीके देटेन बान मालूम होय, 51एठा देटेन डीचके खाट ताखलिफ जेबा, दियागा भागो ढोंगोकु रोंगो सेंग्गोन आरोएवा देटेन जाम एठा तिळीनज रिरीगीटबा होय।

Currently Selected:

मत्ती 24: GOKNT

Highlight

Copy