मत्ती 10
10
बारह कलमके मिंकू
(मरकुस 3:13-19; लूका 6:12-16)
1डाबोलटे यीशु नी बारह चेलाकूके हेजा मेरान हकोलेकु दिकुके भूतोकुके कोखला, एठा हारेक रोंगो गा एठा बिमारी के ससाजा एठा सेबाई रोंगो गा कामजोर के लेंक्कीनु गा हाक जीके। 2इनी बारह यीशु गा कलामके मिंकू चेलाकू गा जीमू इनी होय पेला शमौन, जो पतरस मेंटो मंडीवा होय एठा दियागा डाईटे अन्द्रियास जब्दी गा कोणटे याकूब एठा दिया डाईटे यूहन्ना, 3फिलिप्पुस एठा बरतुल्मै थोमा एठा कर वसूल सा मिठाच मत्ती हलफईस गा कोणटे याकूब एठा तद्दै, 4शमौन कनानी#10:4 कनानी देश भक्त डा एठा यहूदा इस्करियोती डीचनी यीशु के दुश्मान गा टीन उठाकेनेच डा।
चेलाकूके सेवा गा घल्जी कुकूल
(मरकुस 6:7-13; लूका 9:1-6; 10:4-12)
5इनी बारह चेलाकूके यीशु नी येटेन येनोगो दडा गा निर्देश जीटे कुलकेकु अलग्गो-अलग्गो जाटो गा कुरकू कोनेन बाकी सेने एठा सामरी कुरकू गा तुनिका पुरान सेने बाकी। 6पेनो इस्राएल गा उरा गा आटजे मिंकू मेंडाकू मेरान सेने। 7सेन्द्रा टेमो आमेन इनी मंडीटे खाबोर गघाल होना कि स्वर्ग गा राज्य मेरान हेन होय।
8बिमारकु के साजाकु#10:8 साजाकु डोगे मत्ती 8:2, गोएन मिंकूके जीटाकु, कोळ्याकु के सजाकू, भूतोकुके कोलाकू। जो आमेन फुकोटोन घाटाएन देटेन आम भी दूसराकु के फुकोटोन जे। 9सेन्द्रा गा यात्रा गेन आपना घल्जी सोना, चाँदी एठा टाम्बा गा चिक्खा जजामा बाकी। 10सेन्द्रा गा यात्रा घल्जी न झोरान डोए, न आंगी दूसरा जोड़ा, न बुटटा एठा न लठ्ठा सेंग्गोन बाकी सा, चोयाकी मुंजरीकून इकुगा मुंजरी घाटायु होना।
11जो तुनिकाभी पुरान या गाँवेन नी सेने डो मेटे येनेगो कोरो के डोगेज जो लायको होय एठा आमके इकुगा पाओना मेंटो मनेन कोम्बा। जब टाएन आपे डी शहरेन थंदळ लठ्ठाका, मेटे टाएन दियागा उरा गेन थंदळे। 12एठा उरा गेन मु टेमोन डीचके आशीर्वाद जे। 13अगर डी उरा गा कुरकू लायको टासो अमागा आशीर्वाद दिकु लिंजेन होय, पेनो अगर दिकु लायको बाऊ टासो आपेगा आशीर्वाद हिराबा। 14एठा जो जेकाभी आमके मानेनकोम बाने एठा अमागा बातो बान आजुम, डी उरान या पुराटे ओट टेमोन आपना नंगा गा धुल्लाके डेनका कुठाकी। 15इंज आपेटे सच्चो मंडीवा, कि न्याय गा दिन परमेश्वर डी पुराके सदोम एठा अमोरा देशो टे भी येठाभी जादा सजा जेबा।
हेजे मिनी मुश्किल टेमो
(मरकुस 13:9-13; लूका 21:12-17)
16डोगे, इंज आपेके मेंडाकू टे उनाई डोंगोरा सिटाकु तलननी कुल्कोम्बा मेटे बिंज गा खिजा दिमागदार एठा कबूत्तर गा रोंगो भोला हारोए। 17पेनो कुरकू टे ध्यान टे थांदळे, चोयाकी दिकु आमके खाटसभाकुन नी जीकोम्बा, एठा आराधना जगा गेन खुठाकोम्बा। 18आम इंजा घल्जी हाकमिंकू टे एठा राजाकु गा सम्मान एठा अलग्गो जाटो गा कुरकू के अच्छा खाबोर गा जिऊ घल्जी ओडेच्बा।
19मेटे दिकु आमके उठाकोम्बा डो येटेन चिंता बाकी, कि आम मंडेबा येटेन चोच मांडेवा, चोयाकी जो चोचकाभी आपेन मंडी होना, देटेन डी टेमोन आमके घालेवा होय। 20चोयाकी मंडीमिठाच आम बाने मेना पेनो अमागा परमेश्वर बाटे गा आत्मा आमगा वोजीटे मंडीवा।
21एठा जो इंज लिंजेन विश्वास दोडोवा होय घोच्कुबा। बाटे हेजा गा कोणकु गेल्ला एनोगो डाएवा एठा चफनीकू आपना आंटे-बाटे खिलाफबेन सेनेवा एठा दिकुके घोच्कुबा। 22चोयाकी आपे इंज लिंजेन विश्वास दोडोवा होय। इनी वाजाटे सेबाई कुरकू अमाटे दुश्मनी डोएबा। लेकिन जो कुरकू इंजगा आजुम्बा होय एठा आखरी टाएन इंज लिंजेन भरोसा दोडोवा होय। एठा हार बान ममानातिंज दिकु परमेश्वर गा व्दारा बचातिंजूवा।” 23मेटे दिकु आमके म्या पुरान सतातिंजकोम्बा, मेटे दूसराके साळूप होना, इंज अमाटे सच्चो मंडीवा होय, इंज जो कोरो गा कोण टासो, इंजा हेजे गा पेला इस्राएल गा देशो गा सेबाई पूरा टे दूसरा पूरा टाएन आमगा सेंदरा गा यात्रा पुराऊ भी बाने कि कोरो गा कोण हेजेवा।
चेला आरु गा मतलब
24चेलाकू हेजे गा गुरु टे खाट बाऊ, एठा न भाग्य हेजे स्वामी टे खाट बाऊ। 25चेलाकू गा गुरु गा एठा भाग्य गा स्वामी गा बराबोर होनाका खाट बातो होय। अगर डीच खटला गा मुख्या के शैतान मंडीवा होय, मेटे पक्का रुपोटे खटला बाकी कुरकू सेंग्गोन भी बुरा व्यवहार दडावा होय।
जेकाटे हिघराए?
(लूका 12:2-7)
26इनिघल्जी दिकुटे बाकी हिगरा, चोयाकी येनोगो चोचकाभी उगुर बाऊ, परमेश्वर हरेक डी मंडीके वोड़ेवा डेंगो कुरकू बान हाडाई डी मंडीके एसास जेबा जो आए टाएन उखुके होय। 27जो चोचकाभी इंज्नी अमाटे उखुटे मंडीवा मेना, डीके सेबाई रुपोटे बिना तुनिका हिघराटे घाले, जो चोचकाभी आम अंधरान आजोम्बा, डेगा दिउंडी हारेक जगान डाए।
28दिकुटे हिगरा बाकी, जो कोम्बोरके घोजेबा होय, लेकिन आत्मा के ननाशो गा शक्ती बाऊ। पेनो परमेश्वर टेका हिघराए, जो आत्मा एठा कोम्बोरके बाएराके भी नरक गेन नाशोएवा होय। 29चोच म्या डामान (येटेन ठायका कम डामा होय) बरी कूक्री भूरी किंज बान किजिऊ? एठाभी अमा स्वर्ग गा बाटे इच्छा गा बिना दिकु तलाटे म्याखोम ओटे लिंजेन बान बोचो। 30परमेश्वर आपेगा जीवन गा सेबाई बातो गा चिन्ता दडावा होय। डीच इनी भी हाडाई कि आमगा कपार गेन चोटो हुफ होय। #लूका 12:7 31इनिघल्जी हिगरा बाकी, आम इनी भूरिकुटे भी येठाभी खाट किमती होय।
यीशु के ममानातिंज या बान ममानातिंज
(लूका 12:8-9)
32“जो कुरकू सेबाई रुपोटे मनातिंजेवा, कि देटेन इंजागा चेला होय, इंज दिकु घल्जी स्वर्ग गेन इंजा बाटे गा सम्मान डीके मनातिंजेवा। 33पेनो जो कुरकू इंज्के कोरोकु गा सम्मान मानेनकोम बाने, इंजभी इंजगा स्वर्ग बाटे सम्मान मानेनकोम बाने।”
34येटेन बाकी समझातिंज्की, कि इंज पृथ्वी लिंजेन मिमलातिंज हेन मेना, मिमलातिंज मेंटो बाने पेनो तलवार सेसंद्रा हेन मेना। 35इंज्नी हेके होय, कि कोरो के दियागा बाटे टे, एठा कोंजई के दियागा आंटे टे, एठा किमीन के दियागा कणकर टे अलग्गोकु। 36कोरो हेजाका खटला का दियागा दुश्मान आरुवा।
37“जो आंटे डो बाटे डो इंजाटे एठा प्रिय हाडाई होय, देटेन इंजागा चेला आरु गा लायको बाऊ, एठा जो कोण कोंजाईके इंजाटे एठा प्रिय हाडाई होय, देटेन इंजागा चेला आरु गा लायको बाऊ।#लूका 14:26 38इंजा चेलाकू आरु गा वोजीटे क्रूस, तुटूल एठा गुजू घल्जी भी तैयारका थंदळ होना, अगर जेका इनी बान दडा टासो इंजा चेला आरु गा लायको बाऊ होय। 39जो हेजे आत्मा बबाचातिंज्बा होय, देटेन डीच डीके आडेवा एठा जो इंज वोजीटे हेजे जान जेबा होय, देटेन जीवन घाटाएवा।”
ईनाम
(मरकुस 9:41)
40“जो आपेके मनातिंजकोम्बा देटेन इंज्के मनातिंजकोम्बा होय एठा जो इंज्के मानेनकोम्बा देटेन इंजागा कुकूल मिठाच के मानेनकोम्बा होय। 41जो परमेश्वर गा कोनेटे मंडीमिठाच के परमेश्वर गा कोनेटे मंडीमिठाच पापो टे डीचके मानेनकोम्बा, देटेन परमेश्वर गा कोंटे मंडीमिठाच गा रोंगो ईनाम जेबा, एठा जो भला कोरो के धर्मी चिनाटे मानेनकोम्बा होय, डीचके भला कोरो रोंगो ईनाम जेबा। 42जेकाभी इनी चफनीकू तलाटे म्याखोम के चेलाकू चिनाटे बस म्या कटोरी ठंडा डा आनोएवा, इंज्नी आपेटे सच्चो मंडीवा देटेन पक्का रुपोटे भला डाएवा।”
Currently Selected:
मत्ती 10: GOKNT
Highlight
Share
Copy
Want to have your highlights saved across all your devices? Sign up or sign in
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
