लूका 23

पिलातुस द्वारा यीशु टे प्रश्न

1मेटे सेबाईकु बिटजे डो ओलेडो यीशु के पिलातुस जो यहूदिया जिल्हा गा रोमी राजा डा दियागा तीन जीकेनेच। 2दिकु इनी मंडीटे दिया लिंजेन आनोवा टोकाए लज्जे, “कि आलेनी इनिज्के आलेगा देशो गा कुरकू #23:2 देशो गा कुरकू रोमी सम्राट कैसर गा खिलाफ गेन,के बाहकातिंजटे एठा रोमी सम्राट कैसर टेक्सा जिऊ टे ममानाटे, एठा हेज खुदके मसीह एठा राजा मंडीटे आजुम्के होय।” 3पिलातुस नी दियाटे कोम्बाराके, “कि चोच आम यहूदी कुरकू गा राजा होय?” डीचनी जवाब जीके, “आम खुद का मंडी लक्के होय।” 4मेटे पिलातुस नी मुख्यायाजक कुनी एठा कुरकू टे मंडीके, “इंज इनी कोरोन तुनिका आनोवा बान डूगु।” 5पेनो डीच येठाभी खाटटे का मंडी लज्जे, “येटेन गलील जिल्हा टे सुरुटे यहूदिया जिल्हा गेन सेबाई कुरकू तलान हेजा शिक्षा द्वारा दंगा गा वाजा आरु लक्के होय।” 6इनी आजुमटे पिलातुस नी कोम्बाराके, “चोच इनी कोरो गलील जिल्हान थंदळ मिंकू होय?” 7इनी चिनाटे कि यीशु राजा हेरोदेस द्वारा राजो दडामिनी जिल्हा डा, डीचके हेरोदेस गा मेरान कुल्केनेच, चोयाकी डी दिनेन देटेन भी यरूशलेम शहर गेन डा।

यीशु गा हेरोदेस गा मेरान कुकूल

8राजा हेरोदेस यीशु के धोटे भेबाव खुशोएन, चोयाकी देटेन घोनेच दिन टे डीचके दोडो चाहता डा: इनिघल्जी कि दियागा विषय गेन आजुम्के डा, एठा देटेन यीशु के अदा अचम्बो कामय डा टे दोडो गा आसा दोडो लक्के डा। 9देटेन नी घोनेच्कु अमा बातो कोम्बाकोम्बारा लक्के, पेनो डीचनी डीचके चोचकाभी जवाब बान जिडुका, 10एठा मुख्यायाजक कुनी एठा मूसा गा नियम इथूमिठाच भी टेंगेन्के मन टे दिया लिंजेन आनोवा येंडाके मेना? 11मेटे राजा हेरोदेसनी हेजा सिपाईकु गा सेंग्गोन दियागा बेइज्जाति डाटे मजाक उळातिंजके एठा भाळकातिंज कपळे उरीटे डीचके पिलातुस गा मेरान कुल्केनेच। 12डी टेमो टाएन राजा हेरोदेस एठा पिलातुस इनिज दियागा दुश्मान डा डीका दिन दिकिंज सोप्ती आरोयेन।

पिलातुस द्वारा यीशु के गुजू दण्डो

13पिलातुस नी मुख्यायाजक कुनी एठा मुख्याकु एठा कुरकू के हकोटे दिकुटे मंडीके, 14“आपे इनी कोरो के इंजा सालेनेच एठा घाल्के कि येटेन दंगा डाए घल्जी कुरकू बाहकातींज्कू लक्के डा। एठा आजुमे, इंज्नी आपेगा सम्मान दियागा अंदाजो डाके, पेनो जो बातो गा आपे दिया लिंजेन आनोवा टोकायेवा डी बातो गा बारेन इंज्नी चोचकाभी आनोवा बान घाटाडुका होय। 15राजा हेरोदेसनी भी डीचके दोषी बान ठहरातिंजडुका, चोयाकी डीचनी डीचके इंजागा मेरान हिरालेनेच: आजुमे, इनी कोरोनी गुजू गा दण्डो गा लायको चोचकाभी गलत बान दडुका होय। 16इनिघल्जी इंज डीचके बल्खा मुंडाटे आरागेच्बा मेना।” 17पिलातुस हार फसह गा तिवार गा दौरान यहूदी कुरकू गा घल्जी म्या कैदीके आरागेच डा। 18मेटे सेबाईकु बेल्लाटे चिल्लातिंजू लज्जे, “इनिजगा कामय तमाम डाये, एठा आले घल्जी बरअब्बा के आराकेच।” 19पेनो पिलातुस नी यीशु के आरा गा इच्छाटे कुरकू नी एठा समझातिंज केनेच, 20पेनो पिलातुस नी यीशु के आरा गा इच्छाटे कुरकू के डाबोलटे सामजातिंज्केकू। 21पेनो दिकुनी चिल्लातिंजटे मंडीके, “डीचके क्रूस लिंजेन पेळेजेच, क्रूस लिंजेन!” 22डीचनी आफाई बार दिकुटे मंडीके, “चोया डीचनी तुनी बुराई डाके होय? इंज्नी दिजेन तुनिका गुजू गा दण्डो गा तुनिका बान घाटाडुका! इनिघल्जी इंज डीचके मुंडाटे आरागेच लक्के मेना।” 23पेनो मुख्यायाजक कुनी एठा मुख्याकु एठा कुरकू नी चिल्ला-चिल्लातिंजटे टाउन पळातिंजे, कि डीचके क्रूस लिंजेन पेळेचकेच, एठा दिकुगा चिल्लातिंजू आसर डाएन। 24इनिघल्जी पिलातुस नी हुकूम जीके कि दिकुगा बिनती रोंगो डाए। 25डीचनी डी कोरो जो दंगा दडा एठा सेगेच वाजा जेलेन येंडाके डा, डीके दिकु आरा गा मांग दडा डा, डीचके आराकेनेच एठा यीशु के दिकुगा इच्छा रोंगो जीकेकेनेच।

यीशु गा क्रूस लिंजेन पेपेळेच

26मेटे दिकु डीचके साटे चेलके डा, शमौन, जीमू म्या कुरेनी जो गाँव टे हेजे लक्के डा, उठाटे दिया लिंजेन क्रूस के जीके कि डीके यीशु गा टाऊ-टाऊ बो सेगे। 27कुरकू गर्दी दियागा टाऊटे ओले, घोनेच जापाएकु डा दियागा घल्जी छाती मुंमाडा डा जाम डा। 28यीशु नी दिकु कोने इखाट टे मंडीके, “हे यरूशलेम शहर गा कोंजाईकु, इंजा घल्जी बाकी जाम, पेनो अमा एठा अमा कोंकु गा घल्जी जामे। 29चोयाकी ताखलिफ गा हेजेवा होय डेननी कुरकू मंडेबा, ‘धन्य होय, डी जापाएकु दिकुगा चोलाका कोंकु बाऊ डा, दिकुनी चोलाका कोंकूके जनम बान जिडुका, दिकुनी चोलाका दिकुके दिडोम बान आनु डुका। 30डी टेमो कुरकू टुक्कीटे मंडेबा, एठा आले लिंजेन बोचोगे एठा बल्ला मंडेबा कि आलेके कारकेमी।’ 31अगर तुनिका येनोगो कोरो गेल्ला येनोगो डाऊवा जो निर्दोष होय, मेटे अंदजो येंडाएकी डी कुरकू गेल्ला चोच डाऊवा जो इनी सजाके घाटाऊ गा लायको होय।” 32दूसरा बरी कोरो किंज डा जो बुरा कामय मिंकूके अपराधी डा दिकुके भी यीशु सेंग्गोन सैनिककु गा घोगेच घल्जी सैय्येनेच। 33जब डी जगान आदिरजे, डीके डोबळे गा जगा मंडीवा होय, मेटे दिकुनी देटेन यीशु के एठा डी अपराधीकुके कामय मिंकूके भी म्याखोम के यीशु गा जेवना कोनेन दूसराके डाखुरी कोनेन क्रूस लिंजेन पेळेच्केनेच। 34मेटे यीशु नी मंडीके, “हे स्वर्ग बाटे, इंकुके मापोकेकु, चोयाकी इंकू बान मालूम कि चोच दडा लक्के होय?” एठा दिकुनी चिठ्ठीनौर येंडाटे दियागा कपडे खातिंजे। 35कुरकू टेंगेन-टेंगेन दोडो लक्के डा, एठा मुख्या भी उपासो डाटे मंडी डा, “इनिजनी दुसराकुके बचातिंजकेकु, अगर येटेन परमेश्वर गा मसीह होय, एठा दियागा कलमके मेना होय, मेटे खुद बचातिंजे।” 36अगर आम यहूदिया गा राजा होय, मेटे आपना खुदके बचातिंजे, 37एठा दियागा मठान म्या पत्र भी येंडाके डा, कि येटेन यहूदी कुरकू गा राजा होय, 38दियागा माठान म्या आनोवा पत्र भी येंडाके डा: “येटेन यहूदी कुरकू गा राजा होय।”

क्रूस लिंजेन मन इखाट मिठाच पापो

39जो बुरा कामय मिंकू लटकातिंजकेकु डा, दिकु तलाटे म्याखोम यीशु गा जीमू रिमटे मंडीके, “अगर आमका मसीह होय? इनिघल्जी आम खुदके एठा आलेके बचातिंज्कोम।” 40एने लिंजेन दूसरा अपराधी नी डीचके कल्लाटे मंडीके, “चोच आम परमेश्वर टे बान हिगरा? आमभीनी डीका दण्डो भोबगातिंज लक्के होय, 41एठा आले मेटे न्याय गा रोंगो दण्डो भोबगातिंज लक्के होय, चोयाकी आले आलेगा सही फल घाटाऊ लक्के होय। पेनो इनिजनी तुनिकाभी अपराध बान दडुका।” 42मेटे डीचनी यीशु टे मंडीके, “हे प्रभु, जब आम राजा रोंगो अमागा राज्य गा सेंग्गोन हेजेवा, मेटे इंज्के यादोकेमी।” 43यीशु नी दियाटे मंडीके, “इंज अमाटे सच्चो मंडी बाकी टाइंजका आम इंजा सेंग्गोन स्वर्ग गेन थंदळवा।”

यीशु गा जान आरा

44डया टेमोन, पूरा देशोन अंधराएन एठा अंदाजोटे डया आफाई बजा टाएन थंदळके। 45एठा सूर्या गा उजाला चेल्के डा यरूशलेम गा मंदिर गेन आखाके डा। जो सेबाईकु के परमेश्वर उपस्थीतीन रोराकातिंज डा। माठा टे ईटा टाएन बरी तुकडान चिराएन। 46यीशु नी खाटटे का हाकोटे मंडीके, “हे बाटे, इंज इंजागा आत्मा अमा टी गेन जेबा।” एठा इनी मंडीटे जान आराके। 47जो सुबेदार यीशु गा सम्मान टेगेनके डा। जब यीशु चिल्लातिंजटे गोएन। मेटे सुबेदार यीशु गा आवाज के आजुम्के एठा डोके कि डीच टोनोगो गोएन। मेटे सूबेदारनी मंडीके, “सच्चोका इनी कोरो परमेश्वर गा कोंटे डा!” 48एठा जो गर्दी इनी दोडो जामके डा इनी घाटना धोटे दिकु इकुगा छाती मुंडाटे इकुका उरान हिरायेन इनी दर्शतिंजू घल्जी कि भेबाव कासु डा। 49जो यीशु के कोरो गा रुपोटे हाडाई डा एठा जो जापाएकु गलील जिल्हा टे दियागा सेंग्गोन हेन डा, लेंक्कीन टेंगेनके डा जो चोचकाभी डाऊ लक्के डा दोडो लक्के डा।

अरिमतियाह गा यूसुफ गा द्वारा यीशु के गगाळातिंज

50-51यहूदिया जिल्हा गा म्या शहर अरिमतियाह टे, यूसुफ जीमू गा म्या कोरो डा। डीच म्या अच्छा एठा सज्जान कोरो डा, जो परमेश्वर गा राज्य हेजे गा राह दोडो लक्के डा। हालाकी डीच यहूदी कुरकू महासभा गा मुख्या डा, लेकिन दिकु इकुगा निर्णय एठा करवाई टे सहमत बाऊ। 52डीचनी पिलातुस गा मेरान ओलेडो यीशु गा गोएन कोम्बोरके आसीके, 53एठा डीचके आगुरुटे नेरोम चद्दार गेन उगुरकेनेच, एठा म्या कब्र गेन डोकेनेच, जो पाठा गेन लाके डा, एठा चोलाकाभी डीके इस्तमाल बान दडुका डा। 54डी चोखरा दिन गा घल्जी तैयारी दिन डा, जो शुक्रवार डा। 55एठा डी जापाएकु नी जो दियागा सेंग्गोन गलील टे हेन डा, टाऊ-टाऊ, ओलेडो डी कब्र के डोके एठा येटेन भी कि दियागा म्हळा 56एठा इकुगा उरान हिराटे सुकींज चीजो एठा यीशु गा कोम्बोरेन येंडा घल्जी सुकींज सुनूम तैयारके। परमेश्वर गा चोखरा दिन मेटे दिकुनी मूसा गा नियम गा रोंगो आराम्बो डावे।

Currently Selected:

लूका 23: GOKNT

Highlight

Copy