AMahubo 8
8
Indodana Yomuntu Nenkazimulo Yayo
Kumholi wokuhlabelela. NgeGititi. Ihubo likaDavide
1Simakade, Nkulunkulu wethu,
yeka ukubabazeka kwegama lakho
emhlabeni wonke!
Wena obeke inkazimulo yakho phezu kwamazulu.
2Emlonyeni wezingane nowabancelayo,
umisile amandla ngenxa yezitha zakho,
ukuze ushabalalise isitha nomphindiseli.
3Lapho ngibuka izulu lakho,
umsebenzi weminwe yakho,
inyanga nezinkanyezi okumisileyo,
4uyini umuntu ukuba umkhumbule,
nendodana yomuntu ukuba uyinake na?
5Umenzile waba ngaphansana kukaNkulunkulu,
wamthwesa umqhele wodumo nobukhosi,
6umenze wabusa phezu kwemisebenzi
yezandla zakho;
wakubeka konke phansi kwezinyawo zakhe:
7zonke izimvu, izinkomo,
izilwane zasendle,
8izinyoni zezulu, izinhlanzi zasolwandle
nakho konke okuhamba ezindleleni zolwandle.
9Simakade, Nkulunkulu wethu
igama lakho libabazeka
kangaka emhlabeni wonke!
Currently Selected:
AMahubo 8: ZUL20
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Bible in isiZulu 2020 © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.
Bible in isiZulu 2020 with Deuterocanonical Books © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.