AMahubo 113
113
Ukudumisa USimakade Ophakamisa Ompofu
1Haleluya!
Mdumiseni uSimakade zinceku zakhe,
dumisani igama likaSimakade.
2Malibongwe igama likaSimakade,
kusukela manje, kuze kube phakade.
3Malidunyiswe igama likaSimakade,
kusukela ekuphumeni kwelanga, lize liyoshona.
4USimakade uphakeme phezu kwezizwe zonke,
inkazimulo yakhe iphezu kwamazulu.
5Ngubani onjengoSimakade uNkulunkulu wethu,
ohleli phezulu,
6ozithobayo, abone ezulwini nasemhlabeni na?
7Uvusa ontulayo othulini,
amphakamise ompofu ezaleni,
8amhlalise nezikhulu, iziphathimandla zabantu bakhe.
9Inyumba uyayipha ukuphatha umuzi,
ibe ngunina othokozayo wabantwana.
Haleluya!
Currently Selected:
AMahubo 113: ZUL20
Highlight
Share
Copy
Want to have your highlights saved across all your devices? Sign up or sign in
Bible in isiZulu 2020 © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.
Bible in isiZulu 2020 with Deuterocanonical Books © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.