AMahubo 112
112
Isibusiso Kowesaba USimakade
1Haleluya!
Ubusisiswe umuntu owesaba uSimakade,
othokoza kakhulu ngemiyalelo yakhe.
2Abozalo lwakhe bayakuba namandla emhlabeni,
isizukulwane sabaqotho siyakubusiswa.
3Ingcebo nemfuyo kusendlini yakhe,
ukulunga kwakhe kumi phakade.
4Ukukhanya kuyovela ebumnyameni kwabalungileyo:
Yena unomusa, nobubele nokulunga.
5Umuntu omuhle unomusa, uyatshelekisa,
izindaba zakhe uzisingatha ngobulungiswa.
6Akayukunyakaziswa kuze kube phakade,
olungileyo uyohlala ekhunjulwa
kuze kube phakade.
7Akayesabi imibiko emibi,
inhliziyo yakhe ayiguquki,
yethemba uSimakade.
8Inhliziyo yakhe yesekelwe, akesabi,
aze abone izitha zakhe zinqotshwa.
9Ubapha ngesihle abantulayo,
ukulunga kwakhe kumi kuze kube phakade,
amandla akhe ayophakama ngodumo.
10Isikhohlakali siyokubona lokho, sicasuke,
siququde imihlathi, sidangale;
isifiso sababi siyobhuntsha.
Currently Selected:
AMahubo 112: ZUL20
Highlight
Share
Copy
Want to have your highlights saved across all your devices? Sign up or sign in
Bible in isiZulu 2020 © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.
Bible in isiZulu 2020 with Deuterocanonical Books © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.
