Maarqoos Mishiraachcha Aagga
Aagga
Maarqoos mishiraachchi «Kuk Waa'i Beet Yesuus Kiristoos mishiraachchi asheera» yimminne ki'ookko. Ka mishiraachchi saga'l woronne Yesuus bax manchoo hundi luwwinam daannaa ihimminne hincaakko. Ixxi daannoomim losisu losaninne, habusanne moo'isu malaayyinnee mannika baaxiilo haafimminnee moo'amaakko. Yesuus «Manna baaxii'l agiddaniinsi wolabbanonne fissimmina i foore higisaa uwweena waarummi Manchi Beeto» yaa ixxi gagim wocaakko.
Yesuusika aganna Maarqoos hincaa'ukkok xabbeenaa malaayyinne wo'mmaakkoo'isinnettee ihukkuuyyi horoor issaa moo'ukkokim Yesuus wocu sagaraa losanoo ihoo'n baxu maalalsiisoo baxxuwwannette hee'ukko. Xammaqaanchi Yohaannis aganni bikkina, Yesuus xammaqanchi bikkinaa keenaxxi bikkinaa gundi ihaakkoo aagga uwwaa lasonne kitaabu manchi Yesuus losisimmi awwaaxxi bikkinaa fayyiisimmi awwaaxxi bikkinaa fintookko. Ammaniinsi lasonne Yesuusik awwonaan Yesuusa erisa laqqu'uuyyi mattoqaxanne Yesuusa sabbam keenim lobakata sabbu'uuyyi matto'o. Lasaanchi usheexxattuwwi Yesuus heechchanne lasaanchi saanti woronne ihu luwwuwwi bikkina, annannam saqalanchi bikkinaa kichchi bikkinaa kuroohane.
Mishiraachchoo'm lasaanchonne qaaphpho'inne moo'amu lam beyyuwwi xale'i mat mat kitaabbuwwanne siidamoo keeno.
Kitaaboom Kanniinsi Woroon Yoo'isanne Baxxansamaakko
Mishiraachchoo'mmek asheer (1:1-13)
Yesuus awwaado Galiilanne asheerukkisa (1:14—9:50)
Yerusaaleemanne awwaadukkisa (10:1-52)
Yerusaaleemannee ee hegeegguwwannee lasaanchi saantanne (11:1—15:47)
Moollanni lehiinsi ki'ukkisa (16:1-8)
Lehiinsi ki'u Moollanni moo'amukkisaa iimane marukkisaa (16:9-20)
Currently Selected:
Maarqoos Mishiraachcha Aagga: KeesKita
Highlight
Share
Copy
Want to have your highlights saved across all your devices? Sign up or sign in