Milkiyaas Kitaaba 4
4
Oogaxxi Ayyaa'm Bikkina
1Gogoxxi Moollanni Waa'i «Oono'o, bolxitam keenii jora issitam keenii gaaphphisa giiranne shokkitam balli hincaakko; ee ammane ixxuwwiinsi niggam ihukko caafa gatisoo'n shokkiisookko. 2Ihukkaarem iina ijaajaantakkam ki'nnuwwina muccuroo'm eelliinchi firookko; ki'nnuwwinam fayya'ooma uwwookko; wolabbanom fitta'kka'a karamu beyyiinsi fatakamaa liiranchinne daabbaroo wee'ichchisa ikkakkamo. 3An baxoommi ee ayyaamonne boqqi keen hundam kaa'llakkamo; ki'nnuwwi lokki caamma'i lugumonnem di'llisa ikkamo» yoolla.
4«Isra'ee'l minaadab hundim eekka awwontamisina i awwaadaanchi Muse'ena siina'i duunanne uwwummi seeraa ijaajoo sawwi'llehe.
5 #
Mat 11:14; 17:10-13; Mar 9:11-13; Luq 1:17; Yoh 1:21 «Ihukkaarem lophphaakkoo baddisoo Moollanni balli waareena illageen hiraagaanchi Eeliyaasa ki'nnuwwi beyyo asse'oommo. 6Ixxim waaraa ki'nnuwwi uulla bi'isoombee'isa annanni ikka'a hee'llo'i anno'ii oosii mat tiir ikka'a hara'mmantamisa issookko» yoolla.
Currently Selected:
Milkiyaas Kitaaba 4: KeesKita
Highlight
Share
Copy
Want to have your highlights saved across all your devices? Sign up or sign in
