Dooyyi Kitaaba Aagga
Aagga
Dooyyi kitaab fintaa kurookkok Isra'ee'l minaadab agidda'n uullanne hee'llo'i Gibxiinsi firimmi bikkinatte. Kitaaboom sas horoor woshsha amadaakkoohane.
1. Isra'ee'l oos wolabbanonne fitto'isaa Siina'i duun afeebe'e taakke'llo'isaa moo'isoohane.
2. Waa'i ixxi minaadabinne hidi'l sagara aagukkisaa amma'nnaxxeka, gattikaa annanni annanni haalaxxekaa seera ixxuwwina uwwukkisaa moo'isoohane.
3. Isra'eelina, qeessuwwi baxxam bax bikkinaa Waa'ina otossakkam otossaaxxi bikkinaa uwwamu seelluwwa moo'isoohane.
Ku kitaab eehanniinsi hundiinsim lonsaa Waa'i agiddanonne hee'llam ixxi minaadaba wolabbanonne fissaa lasage neeyyat yoo minaadab ikko'isa moo'iseena hinkido'isinne baxam hee'uda'e kurookko.
Ka kitaab woronne lophphaa moo'nnoommok Isra'ee'l minaadaba Gibxi agiddaniinsi fissona Waa'i doo'llaa asse'u Muse'enne issu aganna. Ka kitaab woronne lophphaa la'amoo beyyi tommem ijaajim kitaabamaa yoo usheexxaxxi 20.
Kitaaboom Kanniinsi Woroon Yoo'isanne Baxxansamaakko.
1. Isra'ee'l oos Gibxiinsi fitto'isa (1:1—15:21)
a. Gibxi uullanne afu Isra'ee'l agidda'n bikkina (1:1-22)
b. Muse'e qaramukkisaa li'ukkisaa (2:1—4:31)
c. Muse'ee Aaroonii Faari'oon illagenne (5:1—11:10)
d. Shaashshiqqi Uguxxi bikkinaa Gibxiinsi firimmi bikkinaa (12:1—15:21)
2. Ertiira'i dambalaqiinsi ki'isaa Siina'i duunanne afeebe'e (15:22—18:27)
3. Seerii Hidi'l sagarii (19:1—24:18)
4. Keesammi dukkaanii otossaaxxi ogorii (25:1—40:38)
Currently Selected:
Dooyyi Kitaaba Aagga: KeesKita
Highlight
Share
Copy
Want to have your highlights saved across all your devices? Sign up or sign in